|
|
 |
| (GMT+08:00)
2005-02-23 14:47:19
|
 |
|
FTAແມ່ນຫຍັງ?
cri
Author: li
ສັນຍາການຄ້າເສລີ(Free Trade Agreement)ໝາຍເຖິງສອງປະເທດຫຼືສອງປະເທດຂຶ້ນໄປ(ລວມທັງເຂດແຄວ້ນພາສີອາກອນທີ່ເປັນອິດສະຫຼະ) ອີງຕາມກະຕິກາທີ່ກ່ຽວຂ້ອງຂອງອົງການການຄ້າໂລກ(WTO)ຈັດວາງການຄ້າລັກສະນະພາກພື້ນເພື່ອບັນລຸການຄ້າເສລີເຊິ່ງກັນແລະກັນ. ເຂດທີ່ຈໍ່ຕົວຂຶ້ນໂດຍຝ່າຍເຊັນສັນຍາການຄ້າເສລີເອີ້ນວ່າເຂດການຄ້າເສລີ(Free Trade Area: FTA). ເນື້ອໃນຂອງ FTA ບໍ່ພຽງແຕ່ລວມທັງການຄ້າສິນຄ້າຫັນເປັນເສລີແລະສະດວກທໍ່ນັ້ນ ຫາກຍັງພົວພັນເຖິງຄຳໝັ້ນສັນຍາເຊິ່ງກັນແລະກັນໃນຂົງເຂດຍິ່ງຫຼາຍເຊັ່ນ:ການຄ້າການບໍລິການ,ການລົງທຶນ,ລັດຖະບານຈັດຊື້,ການປ້ອງກັນສິດຊັບສິນທາງປັນຍາແລະການຫັນເປັນມາດຖານເປັນຕົ້ນ. FTA ໃນຄວາມໝາຍກວ້າງດັ່ງກ່າວກໍຖືກເອີ້ນເປັນສັນຍາຮ່ວມມືເສດຖະກິດ(Economic Partnership Agreement: EPA).
ຫຼັກອ້າງອີງດ້ານກົດໝາຍຂອງ FTA ຕົ້ນຕໍແມ່ນຂໍ້ມາດຕາທີ 24 ຂອງ GATY ທີ່ຖືກຈັດເຂົ້າໃນຂອບກົດໝາຍອົງການການຄ້າໂລກ ແລະຂໍ້ມາດຕາທີ 5 ຂອງ GATS ທີ່ກຳນົດຕາມຍົກອູລູກວຍ. ແຕ່ວ່າກໍມີ FTA ຈຳນວນໜຶ່ງທີ່ປະກອບດ້ວຍປະເທດພວມພັດທະນາທັງໝົດແມ່ນສ້າງຂຶ້ນຕາມ"ຂໍ້ມາດຕາມອບສິດ"ຂອງ GATT/WTO. ອີງຕາມກະຕິກາຂອງອົງການການຄ້າໂລກ,ເມື່ອສອດຄ່ອງກັບສາມເງື່ອນໄຂແລ້ວ, FTA ກໍສາມາດສ້າງຕັ້ງຂຶ້ນຢູ່ນອກຫຼັກການຖານະປະເທດທີ່ມີສິດທິພິເສດຫຼາຍກວ່າໝູ່ຄື MFNT,ສາມເງື່ອນໄຂນີ້ແມ່ນ: 1,ບໍ່ຍົກສູງກຳແພງການຄ້າຕໍ່ນອກເຂດ; 2,ສະມາຊິກທັງໝົດໃນເຂດຍົກເລີກກຳແພງການຄ້າທັງໝົດເຊິ່ງກັນແລະກັນ; 3,ສຳເລັດການເຈລະຈາທັງໝົດພາຍໃນ 10 ປີ. ແຕ່ວ່າ,ຖ້າການສ້າງຕັ້ງ FTA ເຮັດໃຫ້ກຳແພງການຄ້າຕໍ່ນອກເຂດສູງຂຶ້ນ,ກໍຖືວ່າໄດ້ລະເມີດກະຕິກາຂອງອົງການການຄ້າໂລກ. ສ່ວນ FTA ທີ່ສ້າງຕັ້ງຂຶ້ນຕາມ"ຂໍ້ມາດຕາມອບສິດ",ກໍສາມາດໄດ້ຮັບການຈັດວາງພິເສດທີ່ຍິ່ງຜ່ອນຍານທີ່ຕ່າງກັບ FTA ທຳມະດາ.
ກ່ຽວກັບການພົວພັນລະຫວ່າງ FTA ກັບການຄ້າຫັນການທົ່ວໂລກເປັນແບບເສລີທີ່ອົງການການຄ້າໂລກສົ່ງເສີມນັ້ນແມ່ນການພົວພັນທີ່ຕ່າງຕາບຈູນກັນແລະຕ່າງຊຸກຍູ້ກັນ,ບໍ່ລະເມີດການຈັດວາງການຄ້າພາກພື້ນຂອງກະຕິກາອົງການການຄ້າໂລກ,ມີຜົນດີຕໍ່ການຊຸກຍູ້ການຄ້າທົ່ວໂລກໃຫ້ຫັນເປັນເສລີ. ມູນເຫດແມ່ນ: ໜຶ່ງແມ່ນການສ້າງ FTA ສາມາດອຳນວຍໂອກາດເລືອດເອົາຫຼາຍຢ່າງມາໃຫ້ສະມາຊິກບັນລຸເປົ້າໝາຍຫັນການຄ້າແລະການລົງທຶນເປັນແບບເສລີ; ສອງແມ່ນສາມາດຕາບຈູນບ່ອນຫວ່າງແລະຂໍ້ບົກພ່ອງຂອງລະບົບການຄ້າຫຼາຍຝ່າຍຂອງອົງການການຄ້າໂລກ,ສະສົມບົດຮຽນເພື່ອຊຸກຍູ້ການຄ້າທົ່ວໂລກໃຫ້ຫັນເປັນແບບເສລີ; ສາມແມ່ນຈະຊ່ອຍຍົກລະດັບການເຈລະຈາການຄ້າຫຼາຍຝ່າຍໃຫ້ໜ້ອຍລົງ,ແລະຍົກສະມັດຕະພາບໝູນເດີນຂອງກົນໄກອົງການການຄ້າໂລກໃຫ້ສູງຂຶ້ນ; ສີ່ແມ່ນສາມາດຜູກມັດລັດທິປົກປ້ອງການຄ້າຂອງຄູ່ການຄ້າ.
|
|
|
