ຕາມ​ຂ່າວສານ​ຊິນ​ຮວາ: ວັນ​ທີ 22 ກຸມພາ, ​ເຈົ້າໜ້າ​ທີ່​ສາທາລະນະ​ສຸກ​ຍີ່ປຸ່ນ​ປະ​ກາດ​ວ່າ, ພະ​ນັກ​ງານ​ຄົ້ນຄວ້າຂອງ​ຍີ່ປຸ່ນ​ໄດ້​ພົບ​ເຫັນ​ເຊື້ອ​ໄວລັດ​ພະ​ຍາດ​ໄຂ້​ຫວັດ​ສັດ​ປີກ​ແບບ H5N1 ​ໃນ​​ໂຕ​ແມງ​ວັນ​ທີ່​ຖືກ​ຈັບ​ຢູ່​ເຂດ​ເກີດ​ພະຍາດ​ໄຂ້ຫວັດ​ສັດ​ປີກ​ຂອງ​ຍີ່​ປຸ່ນ​ໃນ​ປີ​ກາຍ.

ຕາມ​ສະ​ເໜີ​ວ່າ, ​ແມງວັນ​ທີ່​ຕິດ​ເຊື້ອໄວລັດພະຍາດ​ໄຂ້ຫວັດ​ສັດປີກ​ແມ່ນ​ຖືກ​ຈັບ​ໄດ້​ຢູ່​ຟາມ​ລ້ຽງ​ສັດ​ປີກ​​ແຫ່ງ​ໜຶ່ງຢູ່ກ​ຽວ​ໂຕຍີ່ປຸ່ນທີ່​ເຄີຍ​ເກີດ​ພະຍາດ​ໄຂ້ຫວັດ​ສັດ​ປີກ. ທັງນີ້​​ໄດ້​ຢືນ​ຢັນ​ເປັນ​​ຄັ້ງ​ທຳ​ອິດ​ວ່າ​ແມງວັນ​​ຕິດ​​ເຊື້ອໄວລັດ​ພະ​ຍາດ​​ໄຂ້​ຫວັດ​ສັດ​ປີກ​ໄດ້.

​ເຈົ້າໜ້າ​ທີ່​ຍີ່ປຸ່ນ​ກ່າວ​ວ່າ, ປະຈຸ​ບັນ ຍັງ​​ປັດ​ປ່າຍບໍ່​ໄດ້​ວ່າ​ແມງວັນ​ແຜ່​ລະບາດ​ເຊື້ອ​ໄວລັດ​ພະ​ຍາດ​ໄຂ້​ຫວັດ​ສັດ​ປີກ​ໄດ້​ຢູ່​ລະຫວ່າງ​ນົກ, ສະນັ້ນ ຖ້າ​​ເກີດ​ພະຍາດ​ໄຂ້​ຫວັດ​ສັດ​ປີກ​​ເທື່ອ​ໃໝ່, ການ​ດັບ​ແມງ​ວັນ​ແມ່ນ​ມາດ​ຕະການ​ທີ່​ປອດ​ໄພ​ກວ່າ​ໝູ່.