|
ສະຫະປະຊາຊາດເຫັນວ່າການພົວພັນປາເລັສຕິນອິສຣາແອນໄດ້ຮັບການປົວແປງໃຫ້ດີຂຶ້ນຢ່າງເດັ່ນຊັດ
cri
Author: q
ຕາມຂ່າວສານຊິນຮວາ,ວັນທີ22ກຸມພາ,ທ່ານແພຼເດີແກັສທ໌ ຮອງເລຂາທິການໃຫຍ່ສະຫະປະຊາຊາດທີ່ຮັບຜິດຊອບວຽກງານການເມືອງກ່າວວ່າ,ໃນໜຶ່ງ ເດືອນ ມານີ້,ການພົວພັນປາເລັສຕິນອິສຣາແອນໄດ້ມີການປົວແປງໃຫ້ດີຂຶ້ນຢ່າງເດັ່ນຊັດ.ການແກ້ໄຂບັນຫາຕາເວັນອອກກາງໂດຍສັນຕິໄດ້ປະກົດມີແສງອາລຸນອີກ.
ໃນເວລາລາຍງານສະຖານະການຕາເວັນອອກກາງຢູ່ສະພາຄວາມໝັ້ນຄົງສະຫະປະຊາຊາດ,ທ່ານແພຼນເດີແກັສທ໌ຊີ້ອອກວ່າ,ປີ2005,ພາຍໃຕ້ຄວາມພະຍາຍາມຂອງທ່ານຊາລອນ ນາຍົກລັດຖະມົນຕີອິສຣາແອນແລະທ່ານອັບບາສ ປະທານອົງການອຳນາດແຫ່ງຊາດປາເລັສຕິນ,ແຜນການເສັ້ນທາງສັນຕິພາບຕາເວັນອອກກາງໄດ້ຮັບການປະຕິບັດຄືນໃໝ່.ທ່ານຮຽກຮ້ອງໃຫ້ປະຊາຄົມໂລກຕັ້ງໜ້າເຂົ້າຮ່ວມ,ແລະຊຸກຍູ້ໃຫ້ບັນດາຝ່າຍໄດ້ມີຄືບໜ້າໃນບັນຫາຕາເວັນອອກກາງ.
ເມື່ອກ່າວເຖິງບັນຫາອິສຣາແອນສ້າງກຳແພງຂັ້ນ,ທ່ານແພຼນເດີແກັສທ໌ເວົ້າວ່າ,ອິສຣາແອນຕ້ອງແຈ້ງໃຫ້ພາຍນອກຊາບຢ່າງຈະແຈ້ງກ່ຽວກັບຄວາມປອດໄພຂອງເຂົາພາຍໃຕ້ປະຖົມປັດໄຈທີ່ບໍ່ເພີ່ມຕື່ມຄວາມທຸກທໍລະມານໃຫ້ປະຊາຊົນປາເລັສຕິນ,ບໍ່ກະທົບກະເທືອນເຖິງບັນຫາຖານະສຸດທ້າຍຂອງປາເລັສຕີນອິສຣາແອນ,ແລະບໍ່ທຳລາຍອະນາຄົດສັນຕິພາບຂອງພາກພື້ນດັ່ງກ່າວ.
|
|
