|
|
 |
| (GMT+08:00)
2005-02-24 16:42:03
|
 |
|
ຈີນສະໜັບສະໜູນການຄົ້ນຄວ້າໂຄຼນເພື່ອການປົວພະຍາດ
cri
Author: q
CRIລາຍງານວ່າ: ຫວ່າງມໍ່ໆນີ້,ຄະນະກຳມະການກົດໝາຍຂອງສະມັດຊາໃຫຍ່ສະຫະປະຊາຊາດສະໄໝທີ59ໄດ້ຜ່ານຄຳຖະແຫຼງການການເມືອງສະບັບໜຶ່ງ,ທວງໃຫ້ບັນດາປະເທດເກືອດຫ້າມການໂຄຼນມະນຸດດ້ວຍຮູບແບບໃດໆທີ່ລະຝືນກັບສັກສີຂອງມະນຸດ.30ກວ່າປະເທດເຊັ່ນຈີນແລະອັງກິດເປັນຕົ້ນໄດ້ປ່ອນບັດຄັດຄ້ານຄຳຖະແຫຼງການດັ່ງກ່າວ.ຜູ້ແທນຈີນເຫັນວ່າ,ການບັນລະຍາຍຂອງຄຳຖະແຫຼງການບໍ່ຈະແຈ້ງ,ອາດຈະພາໃຫ້ຄົນເຂົ້າໃຈຜິດວ່າການຄົ້ນຄວ້າໂຄຼນເພື່ອການປົວພະຍາດກໍຖືກເກືອດຫ້າມ,ທັງນີ້ຈີນຮັບເອົາບໍ່ໄດ້.ນັກຂ່າວໄດ້ສຳພາດຜູ້ຊ່ຽວຊານທີ່ກ່ຽວຂ້ອງກັບເລື່ອງນີ້.
ສັບທີ່ວ່າໂຄຼນໃນດ້ານວິທະຍາສາດແລ້ວ, ແມ່ນໝາຍຄວາມວ່າຕົວພິມຂອງຊີວະຊາດໃດໜຶ່ງ.ບັນດາປະເທດໃນໂລກໄດ້ໂຄຼນສັດຫຼາຍຊະນິດເຊັ່ນແບ້ແລະງົວເປັນຕົ້ນ.ແຕ່ການໂຄຼນມະນຸດ,ຄືໂຄຼນເພື່ອແຜ່ພັນຖືກຄັດຄ້ານໃນທົ່ວໂລກ,ຈີນກໍຄັດຄ້ານຄືກັນ.ແຕ່ວ່າ,ຈະເກືອດຫ້າມການໂຄຼນເພື່ອການປົວພະຍາດ ຫຼືບໍ່ນັ້ນ,ຢູ່ລະຫວ່າງບັນດາປະເທດຫຼືຢູ່ປະເທດຕ່າງໆມີການຖົກຖຽງກັນຢ່າງຮຸນແຮງ.
ໂຄຼນເພື່ອການປົວພະຍາດແມ່ນໝາຍຄວາມວ່າຈັ່ງໃດ?ທ່ານລີລິງຊົງ ຫົວໜ້າສູນຄົ້ນຄວ້າຈຸລັງລຳຕົ້ນມະຫາວິທະຍາໄລປັກກິ່ງອະທິບາຍວ່າ:"ໂຄຼນເພື່ອປົວພະຍາດ,ເວົ້າງ່າຍໆ,ກໍແມ່ນລອກແບບເອົາຈຸລັງລຳຕົ້ນຂອງໜໍ່ແຮ່ຜູ້ປ່ວຍ.ຈຸລັງລຳຕົ້ນຂອງໜໍ່ແຮ່ແມ່ນຈຸລັງຊະນິດໜຶ່ງແຍກອອກມາເອງ,ມັນສາມາດປ່ຽນເປັນຈຸລັງທີ່ມີສັບພະຄຸນຕ່າງໆຢູ່ໃນຮ່າງຄີງຄົນ.ເມື່ອຍ້າຍມັນເຂົ້າໃນຕົນໂຕຂອງຜູ້ປ່ວຍແລ້ວ,ກໍສາມາດເຂົ້າແທນຈຸລັງຕາຍຂອງຜູ້ປ່ວຍ,ໃຫ້ເນື້ອເຍື້ອແລະອະໄວຍະວະທີ່ຕາຍແລ້ວນັ້ນມີສັບພະຄຸນຄືນໃໝ່.ແລ້ວບັນລຸຈຸດປະສົງເພື່ອປົວພະຍາດ."
ທ່ານລີລິງຊົງອະທິບາຍອີກວ່າ,ໂຄຼນເພື່ອການປົວພະຍາດ,ກ່ອນອື່ນແມ່ນໂຄຼນໜໍ່ແຮ່ອັນໜຶ່ງຂອງຄົນ,ແລ້ວແຍກເອົາຈຸລັງລຳຕົ້ນພິເສດໃນໜໍ່ແຮ່ເພື່ອໃຊ້ສຳລັບປົວພະຍາດ.ຄວາມແຕກຕ່າງກັນລະຫວ່າງໂຄຼນເພື່ອການປົວພະຍາດກັບໂຄຼນເພື່ອແຜ່ພັນແມ່ນມີຈຸດປະສົງຕ່າງກັນ.ໜໍ່ແຮ່ທີ່ໄດ້ ຈາກການໂຄຼນເພື່ອປົວພະຍາດແມ່ນໃຊ້ສຳລັບແຍກຈຸລັງລຳຕົ້ນຂອງໜໍ່ແຮ່,ສ່ວນໜໍ່ແຮ່ທີ່ໄດ້ຈາກການໂຄຼນເພື່ອແຜ່ພັນພັດແມ່ນເພື່ອຍ້າຍມັນເຂົ້າໃນທ້ອງຂອງຄົນ,ໃນທີ່ສຸດກໍກຳເນີດຄົນຜູ້ໃໝ່,ຄືມະນຸດໂຄຼນ.
ການໂຄຼນເພື່ອການປົວພະຍາດມີຄວາມໝາຍສຳຄັນກໍຍ້ອນວ່າການຄົ້ນພົບແລະປະຍຸກຈຸລັງລຳຕົ້ນມີຄວາມໝາຍປະຕິວັດຕໍ່ສຸຂະພາບຂອງມະນຸດ,ນັກວິທະຍາສາດສ່ວນຫຼາຍໄດ້ຮັບຮອງທິດສະດີດັ່ງກ່າວໂດຍທົ່ວໄປແລ້ວ.ຜ່ານຈາກຈຸລັງລຳຕົ້ນຂອງໜໍ່ແຮ່ຍັງສາມາດຄົ້ນຄວ້າການກຳເນີດແລະການເຕີບໃຫຍ່ຂອງໜໍ່ແຮ່ມະນຸດ,ຄົ້ນພົບແຊນມະນຸດໃໝ່,ເພື່ອປົວແປງເນື້ອເຍື້ອແລະອະໄວຍະວະຂອງຄົນທີ່ເສຍສັບພະຄຸນຂອງມວນມະນຸດ.ໃນອະນາຄົດບໍ່ດົນປານໃດ,ຕາບໃດອະໄວຍະວະແລະເນື້ອເຍື້ອໃດໆຂອງຄົນປະກົດມີບັນຫາແລ້ວ,ມັນກໍສາມາດ ປ່ຽນແລະປົວອະໄວຍະວະດັ່ງກ່າວຢ່າງສະບາຍຄືປ່ຽນເຄື່ອງອາໄຫຼ່ລົດຍົນທີ່ເປ່ເພ.
ຄຳຖະແຫຼງການການເມືອງທີ່ທວງໃຫ້ບັນດາປະເທດເກືອດຫ້າມການໂຄຼນມະນຸດດ້ວຍຮູບແບບໃດໆທີ່ຝືນກັບກຽດສັກສີຂອງມະນຸດເຊິ່ງອົງການສະຫະປະຊາຊາດຜ່ານໃນເທື່ອນີ້ບໍ່ມີຜົນສັກສິດດ້ານກົດໝາຍ,ຈະບໍ່ກະທົບກະເທືອນເຖິງການຄົ້ນຄວ້າໂຄຼນເພື່ອການປົວພະຍາດຂອງຈີນ.ຈີນໃຫ້ທັດສະນະວ່າ,ຈີນຄັດຄ້ານການໂຄຼນເພື່ອແຜ່ພັນໂດຍຕະຫຼອດ.ຈີນໄດ້ໃຊ້ມາດຕະການຢ່າງແຂງແຮງປ້ອງກັນບໍ່ໃຫ້ໂຄຼນເພື່ອການປົວພະຍາດຫັນປ່ຽນເປັນໂຄຼນເພື່ອແຜ່ພັນ,.ທ່ານລີນິງ ສາສະດາຈານ ສູນເຕັກນິກຊີວະຊາດກະສິກຳຂອງມະຫາວິທະຍາໄລກະສິກຳຈີນເວົ້າວ່າ:
"ໃນເດືອນມັງກອນປີ2003,ຈີນໄດ້ວາງແບບສະບັບດ້ານຈະລິຍະທຳກ່ຽວກັບການຄົ້ນຄວ້າຈຸລັງລຳຕົ້ນຂອງໜໍ່ແຮ່ມະນຸດ,ເຊິ່ງໄດ້ກຳນົດໄວ້ວ່າ:ການຄົ້ນຄວ້າໜໍ່ແຮ່ຕ້ອງເຮັດພາຍໃນ14ມື້,ເມື່ອກາຍເວລາກຳນົດແລ້ວກໍຫ້າມບໍ່ໃຫ້ບົ່ມເພາະຕໍ່ໄປ,ຍິ່ງບໍ່ໃຫ້ຍ້າຍເຂົ້າສູ່ມົດລູກຂອງແມ່."
ທ່ານລີນິງຍັງເຜີຍໃຫ້ຮູ້ວ່າ,ຈີນຍັງຈະວາງຂໍ້ກຳນົດ ລະອຽດກວ່າເກົ່າຢ່າງເປັນລະບົບ,ເພື່ອປ້ອງກັນບໍ່ໃຫ້ການໂຄຼນເພື່ອການປົວພະຍາດຫັນປ່ຽນເປັນການໂຄຼມເພື່ອແຜ່ພັນ.
|
|
|
