|
ຕາມຂ່າວສານຊິນຮວາ,ແຕ່ຈີນທົດລອງມາດຕະການເງິນກູ້ທຶນສຶກສາເມື່ອປີ 1999 ແລະປະຕິບັດທາງການແຕ່ປີ 2000 ຈົນຮອດປະຈຸບັນ, ທົ່ວປະເທດຈີນໄດ້ພິຈາລະນາອະນຸມັດໃຫ້ນັກສຶກສາກູ້ເງິນລວມທັງຫມົດ1 ລ້ານ 1 ແສນ 5 ຫມື່ນຄົນ,ມູນຄ່າໃນຂໍ້ຜູກພັນເງິນກູ້ທີ່ອະນຸມັດໄດ້ບັນລຸມີ 9 ຕື້ 600 ກວ່າລ້ານຢວນ,ມີນັກສຶກສາລວມ 1 ລ້ານ 8 ຫມື່ນຄົນໄດ້ຮັບເງິນກູ້ 6 ຕື້ 980 ລ້ານຢວນເປັນລຳດັບ,ແກ້ໄຂຄວາມຫຍຸ້ງຍາກຕົວຈິງຂອງນັກສຶກສາທີ່ຄອບຄົວທຸກຍາກງວດໃຫຍ່,ແຕ່ວ່າຍັງມີໄກກັບຄວາມຕ້ອງການຕົວຈິງຫຼາຍສົມຄວນ
ດ້ວຍເຫດນີ້,ລັດໄດ້ປະກາດມາດຕະການໃຫມ່ 3 ລາຍເພື່ອຊຸກຍູ້ວຽກງານປ່ອຍເງິນກູ້ທຶນສຶກສາຂອງລັດ,ຕົວຢ່າງຄື: ສຳລັບນັກສຶກສາທີ່ໄປເຮັດວຽກຢູ່ເຂດທຸກຍາກລຳບາກແລະເຮັດວຽກທີ່ລຳບາກທັງຫມົດ ລັດຈະໃຊ້ແທນທຶນແລະດອກເບ້ຍຂອງເງິນກູ້ຂອງເຂົາເຈົ້າໃຫ້,ແຕ່ປີ 2005 ເປັນຕົ້ນໄປ ລັດຈະຫັກເອົາຄ່າຮຽນຂອງໂຮງຮຽນຊັ້ນສູງ 10 % ເຮັດເປັນເງິນໃຊ້ສະເພາະເພື່ອຮັບປະກັນການເບີກເງິນອຸດຫນູນ,ລັດຍັງຈະເບີກເງິນອຸດຫນູນໃຫ້ນັກສຶກສາທີ່ທຸກຍາກກວ່າເພິ່ນ 5 % ຂອງໂຮງຮຽນຊັ້ນສູງຜູ່ລະ 150 ຢວນຕໍ່ເດືອນ
ເມື່ອຝ່າຍຕ່າງໆໄດ້ພ້ອມກັນພະຍາຍາມແລ້ວ,ປະຈຸບັນ ວຽກງານເງິນກູ້ທຶນສຶກສາຂອງລັດໄດ້ມີການຄືບຫນ້າທີ່ມີລັກສະນະບຸກທະລຸ,ແຕ່ເດືອນກັນຍາປີ 2004 ຮອດປະຈຸບັນ,ອົງການການເງິນທີ່ກ່ຽວຂ້ອງໄດ້ອະນຸມັດໃຫ້ນັກສຶກສາ 2 ແສນ 3 ຫມື່ນ 5ພົນຄົນທີ່ໂຮງຮຽນຊັ້ນສູງໃນທົ່ວປະເທດກູ້ເງິນຕາມກົນໄກໃຫມ່, ເງິນກູ້ໃນຂໍ້ຜູກພັນທີ່ອະນຸມັດມີເຖິງ 2 ຕື້ 100 ລ້ານຢວນ,ມີນັກສຶກສາ 2 ແສນກວ່າຄົນໄດ້ຮັບເງິນກູ້ລວມ 1 ຕື້ກວ່າຢວນ
ປະຈຸບັນ,ວຽກງານເບີກເງິນກູ້ທຶນສຶກສາຂອງໂຮງຮຽນຊັ້ນສູງທີ່ຂຶ້ນກັບກະຊວງແລະຄະນະກຳມະການທຽບເທົ່າຂອງສູນກາງໄດ້ດຳເນີນໄປຢ່າງສະດວກ,ໂຮງຮຽນຊັ້ນສູງ 115 ຫຼັງທັງຫມົດໄດ້ເລີ່ມດຳເນີນວຽກງານລາຍນີ້ຕາມກົນໄກໃຫມ່ທັງຫມົດ,ພ້ອມກັນນັ້ນ,ວຽກງານຜັນຂະຫຍາຍເງິນກູ້ທຶນສຶກສາຂອງລັດໃນແຫ່ງຕ່າງໆກໍໄດ້ມີການຄືບຫນ້າຫຫຼາຍສົມຄວນ. 21 ແຂວງ ເຂດປົກຄອງຕົນເອງແລະກຳແພງນະຄອນເຊັ່ນ:ນະຄອນຊຽງໄຮ້ ແຂວງຈ່ຽງຊູ່ແລະແຂວງຫູເປເປັນຕົ້ນໄດ້ກຳນົດທະນາຄານທີ່ປ່ອຍເງິນກູ້ທຶນສຶກສາຂອງລັດໃຫ້ແກ່ໂຮງຮຽນຊັ້ນສູງທັງຫມົດ.ແລະເລີ່ມເບີກເງິນໃຫ້ແລ້ວ 7 ແຂວງ ເຂດປົກຄອງຕົນເອງເຊັ່ນ ແຂວງຊ່ານຊີ ແຂວງລຽວນິງແລະເຂດກວາງຊີເປັນຕົ້ນໄດກຳນົດທະນາຄານທີ່ປ່ອຍເງິນກູ້ທຶນສຶກສາຂອງລັດແກ່ໂຮງຮຽນຊັ້ນສູງບາງຫຼັງຢູ່ເຂດເຫຼົ່ານີ້
ໃນເວລາຜັນຂະຫຍາຍວຽກງານດັ່ງກ່າວ,ແຂວງຟູຈ້ຽນ ແຂວງຫູເປແລະແຂວງຫູນານເປັນຕົ້ນໄດ້ເພີ່ມທະວີການປະສານງານແລະຈັດວາງເປັນເອກະພາບ, ຕັ້ງຫນ້າຄົ້ນຄວ້າແກ້ບັນຫາທີ່ກ່ຽວຂ້ອງ,ຮັບປະກັນໃຫ້ວຽກງານດັ່ງກ່າວດຳເນີນໄປຢ່າງສະດວກ,ຄະນະພັກຂອງໂຮງຮຽນຊັ້ນສູງຕ່າງໆເຊັ່ນ: ມະຫາວິທະຍາໄລວິທະຍາສາດເຕັກນິກປັກກິ່ງ ມະຫາວິທະຍາໄລກະສິກຳຈີນ ມະຫາວິທະຍາໄລລານໂຈວແລະມະຫາວິທະຍາໄລເຊສວນເປັນຕົ້ນໄດ້ເອົາການເບີກເງິນກູ້ທຶນສຶກສາຂອງລັດປະສານກັບການດັດແປງແລະເພີ່ມທະວີວຽກງານແນວຄິດຂອງນັກສຶກສາ,ໃຫ້ວຽກງານລາຍນີ້ໄດ້ມີການຄືບຫນ້າຢ່າງວ່ອງໄວໃນໂຮງຮຽນຕົນ,ຫຼາຍອົງການການເງິນໄດ້ຕັ້ງຫນ້າເຂົ້າຮ່ວມການປະມູນທີ່ທະນາຄານທີ່ຮັບປ່ອຍເງິນກູ້ທຶນສຶກສາຂອງລັດໃນແຫ່ງຕ່າງໆ ຄືທະນາຄານຈີນໄດ້ເຄື່ອນໄຫວຢ່າງວ່ອງໄວ, ເປັນເຈົ້າການຕິດຕໍ່ກັບໂຮງຮຽນ,ໄດ້ຮັບຄວາມຍ້ອງຍໍແລະຄວາມໄວ້ວາງໃຈຈາກໂຮງຮຽນຊັ້ນສູງທີ່ກ່ຽວຂ້ອງ.
|
