ຕາມ​ຂ່າວສານ​ຊິນ​ຮວາ: ວັນ​ທີ 24 ກຸມພາ ກອງ​ຕຳຫຼວດ​ແຫ່ງ​ຊາດ​ຟິລິບ​ປິນ​ປະ​ກາດ​ວ່າ, ພວກ​ເຂົາ​ເຈົ້າ​ໄດ້ຈັບຊາວ​ຕ່າງປະ​ເທດ 3 ຄົນທີ່​ຖືກ​ສົງ​ໄສ​ກ່ຽວ​ພັນ​ເຖິງ​ຄະ​ດີ​ລະ​ເບີດ​ຫຼາຍ​ເທື່ອ​ລຽນ​ຕິດໃນ​ວັນ​​ແຫ່ງ​ຄວາມ​ຮັກ.

ຕາມຂ່າວ​ແຈ້ງວ່າ, ​ຜູ່​ຖືກ​ສົງ​ໄສ 3 ຄົນ​ດັ່ງກ່າວ​ມີຄົນມາ​ເລ​​ເຊ​ຍ 2 ຄົນ, ຄົນ​ອິນ​ໂດ​ເນ​ເຊຍ 1 ຄົນ, ພວກ​ເຂົາ​ລ້ວນ​ແຕ່​ມີ​ການ​ພົວ​ພັນ​ກັບ​ "ກຸ່ມ​ເຈມາອາ ອິສ​ລາ​ມີ​ຢາ" ​ເຊິ່ງ​ເປັນ​ອົງ​ການ​ກໍ່​ການ​ຮ້າຍ​ຢູ່​ອາຊີ​ອາຄະ​ເນ.

ຕາມ​ໄດ້​ຊາບ, ຕອນ​ຄ່ຳ​ວັນ​ທີ 14 ກຸມພາ, ​ ​ຢູ່​ນະຄອນຫຼວງມາ​ນີລາ​ແລະ​ຕົວ​ເມືອງ​ພາກ​ໃຕ້​ຟິ​ລິບ​ປິນໄດ້​ເກີດ​ເຫດການ​ລະ​ເບີດ, ​​ເປັນ​ເຫດ​ເຮັດ​ໃຫ້ 12 ຄົນ​ເສຍ​ຊີ​ວິດ, 100 ກວ່າ​ຄົນ​ບາດ​ເຈັບ.