ສະຖານີວິທະຍຸສາກົນແຫ່ງປະເທດຈີນພະແນກພາສາລາວ
1/block/ad_banner _21.htm" -->
China Radio International
ຂ່າວ​ພາຍ​ໃນ​
  ປະ​ເທດ
ຂ່າວ​ຕ່າງປະ​ເທດ
   ການເມືອງ
   ເສດຖະກິດ
   ວັດທະນະທຳ
   ສັງຄົມ
   ຮຽນພາສາຈີນ

ຄວາມຈິງ 14 ມີນາຕິເບດ

ປາເລັສຕິນອິສຣາແອນ

ສະຖານະການອິຣັກ

ງານກິລາໂອລິມປິກ
ປັກກິ່ງປີ2008
ອ່ານຕໍ່...>>
(GMT+08:00) 2005-02-25 16:46:04    
ເລື່ອງ​ຄວາມ​ຝັນ​ໃນ​ຫໍວິມານ​ແດງ(ສຽງ)

cri

ນິຍາຍພິສ​ະດານ​ເລື່ອງ​ຄວາມ​ຝັນ​ໃນ​ຫໍວິມານ​ແດງ​​ເປັນ​ຕົວ​ແທນ​​ໃຫ້​ແກ່ ຜົນງານ​ສູງ​ສຸດ​ຂອງ​ນິຍາຍ​ໃນ​ສະ​ໄຫມ​ຈີນ​ບູຮານ,ບໍ່ພ​ຽງ​ແຕ່​ປະຊາຊົນ​ຈີນ​ໃຜໆ​ກໍ​ຮູ້ກັນ​ຫມົດ​ທໍ່​ນັ້ນ,ບົນ​ເວທີ​ວັນນະຄະດີ​ໂລກກໍ່​ແມ່ນ​ບົດ​ປະພັນ​ທີ່​ມີ​ຊື່ສ​ຽງ​ເຊິ່ງ​ໃຜ​ໆ​ກໍ​ຮັບ​ຮູ້​ກັນ.


ໃນຄອບຄົວ​ຂອງ​ທ່ານ​ສາວ​ເສຍ​ສິງ​ຕັ້ງ​ແຕ່​ປູ່​ຮອດ​ພໍ່​ຂອງ​ເພິ່ນ,​ເຄີຍ​ໄດ້ຮັບ​ຕຳ​ແຫນ່​ງສຳຄັນ​ໃນ​ລາ​ຊະ​ວົງ​ເຊັງ.​​ໃນ​ໄວ​​ເດັກ​ຂອງທ່ານ​ສາວ​ເສຍ​ສິງ​ເຄີຍ​ຜ່ານ​ຊີວິດ​ອັນ​ຮັ່ງມີ​ສີ​ສຸກ​ມາ​ໄລຍະ​ຫນຶ່ງ,​ແຕ່​ບໍ່​ດົນ,ຍ້ອນ​ພໍ່ຂອງ​ເພິ່ນ​ຖືກ​ລົງ​ໂທດ​ວິ​ໄນ​ຈຶ່ງປົດ​​ຕຳ​ແຫນ່​ງ​ແລະ​ຖືກ​​ເຈົ້າ​ຫນ້າທີ່​ຄົ້ນ​ເຮືອນ,ຈາກ​ນັ້ນ​ຄອບຄົວ​ເພິ່ນ​ຈຶ່ງ​ຊຸດ​

ໂຊ​ມລົງຢ່າງ​​ໄວວາ.​ເມື່ອ​ທ່ານ​ສາວ​ເສຍ​ສິງ​​ເຕີບໃຫຍ່​ມາ​ແລ້ວ,ກໍ່​ເຄີຍ​ພັດ​ເຊ​ພະ​ເນ​ຈອນ​ຢູ່​ເຂດ​ຊານ​ເມືອງ​ຕາ​ເວັນ​ຕົກ​ນະຄອນປັກ​ກິ່ງ.​ຜ່ານຊີວິດ​ອັນ​ທຸກ​ຍາກ​ລຳບາກ,ຊີວິດ​​ໃນ​ຄອບຄົວ​ຂຸນ​ນາງ​ກໍ​ໄດ້​ສ້າງ​ພາບ​ພົດ​ທີ່​ລືມ​ຍາກ​ໄວ້​ກັບ​ທ່ານ​ສາວ​ເສຍສິງ,ທັງ​ຫມົດ​ເຫຼົ່າ​ນີ້​ໄດ້​ສ້າງ​ພື້ນຖານ​ໃຫ້​ແກ່​ທ່ານ​ແຕ່​ງ​ເລື່ອງ​ຄວາມ​ຝັນ​ໃນຫໍ​ວິມານ​ແດງ.



 ທຳ​ອິດ,ນະວະນິຍາຍ​ເລື່ອງ​ນີ້​ໃສ່​ຊື່ວ່າ​ບັນທຶກ​ກ້ອນ​ຫິນ,​ໃນ​ເວລາ​ທ່ານ​ສາວ​ເສຍສິງຍັງ​ມີ​ຊີວິດ​ຢູ່ບໍ່​ໄດ້​ແຕ່ງ​ສຳ​ເລັດຫມົດ, ນະວະ​ນິຍາຍ​ທີ່​ກ່າຍ​ເອົາ​ຂອງ​ເພິ່ນ​ກໍ່​ຊ່າ​ລື​ກັນຢູ່​ຕາມ​ສັງຄົມ​ແລ້ວ,ຫຼັງ​ຈາກ​ທ່ານ​ເຖິງ​ແກ່​ກຳ​ແລ້ວ,ນັກ​ແຕ່ງທີ່​ຊື່ວ່າ​ກ່າວ​ເອີ້​​ໄດ້ກຶກກອງ​ຄວາມ​ຫມາຍ​ເດີມ​ຂອງ​ຜູ່​ແຕ່ງ,​ແລ້ວ​ແຕ່ງ​ 40 ຕອນ​ສຸດ​ທ້​າຍຕໍ່​ໄປ,​ຈຶ່ງ​ໄດ້ແຕ່ງສຳ​ເລັດ​ເລື່ອງ​ຄວາມ​ຝັນ​ໃນ​ຫໍ​ວິມານ​ແດງ.



ເລື່ອງ​ຄວາມ​​ຝັນ​ໃນ​ຫໍ​ວິມານ​ແດງ​ຕົ້ນຕໍ​ແມ່ນວາດ​ພາບ​ເລື່ອງຄວາມ​ຮັ​ກ​ແບບ​ໂສກ​ນາດຕະກຳ.​ເອົາ​ຄວາມ​ຮັກ​ເປັນ​ເນື້ອ​ເລື່ອງ,ຜ່ານ​ຈາກ​ຄອບຄົວ​ໃຫຍ່​ຂອງ​ຂຸນ​ນາງ​ທີ່​ປ່ຽນຈາກ​ຄວາມ​ຮັ່ງມີ​ສີ​ສຸກໄປ​ສູ່​ຄວາມ​ຊຸດ​ໂຊ​ມ.​ໄດ້​ເຜີຍ​ໃຫ້​ເຫັນຄວາມ​ຟຸມ​ເຟືອຍ​ເປື່ອຍ​ເຍື່ອຍ​ແລະ​ຄວາມ​ຊົ່ວ​ຊ້າ​ລາ​ມົກຂອງ​ຊົນ​ຊັ້ນ​ປົກຄອງ​ສັກດິນາ,​ແລະ ເຜີຍ​ໃຫ້​ເຫັນ​ຊາຕາກຳ​ປະຫວັດສາດ​ຂອງ​ສັງຄົມ​ສັກດິນາທີ່ຕ້ອ​ງ​ໄປ​ສູ່​ຄວາມ​ພັງ​ທຳລາຍ​ແນ່ນອນ.

 



ທ້າວ​ເຈຍ​ປ້າວ​ອີ ຜູ່​ເປັນ​ພະ​ເອກ​ແມ່ນ​ບຸກຄົນ​ທີ່​ສອດ​ຮ້ອຍ​ໃນ​ຕະຫຼອດ​ເລື່ອງ​ດັ່ງກ່າວ,ຕາມ​ການ​ຊັນນະສູດ,ຮູບ​ໂສມດັ່ງກ່າວ​​ມີ​ປະສົບ​ການຂອງ​ຜູ່​ແຕ່ງ​.ທ້າວ​ເຈຍ​ປ້າວ​ອີ ​ເກີດຢູ່​ໃນ​ຄອບຄົວ​​ເຈົ້າຂຸນມຸນນາຍ​ເຊິ່ງຄົນ​ຫມົດ​ຕະກຸນ​ໃຜ​ກໍ​ຝາກ​ຄວາມ​ຫວັງ​ໄວ້​ນຳ​ເພິ່ນ,​ແຕ່​ເພິ່ນ​ບໍ່​ມັກ​ອ່ານຫນັງສື​ແລະ​ຊັງ​ແນວ​ຄຶດ​ສັກດິນາ​ທີ່​ສືບທອດ​ກັນ​ມາ,ຊັງ​ຄອບ​ຄົວ​ທີ່ຜູ​ກມັດ​ເພິ່ນ,​ແລະ​ມີ​ຈິດ​ໃຈ​ທໍລະ​ຍົດ​ຢ່າງ​ເຕັມ​ປ່ຽມ,ຍ້ອນ​ເພິ່ນ​ດຳລົງ​ຊີວິດ​ຢູ່​ໃນ​ຫມູ່​ສາວ​ໃຊ້​ທີ່​ສວຍ​ງາມ​ແລະ​ບໍ​ລິສຸດ,ສະນັ້ນຈຶ່ງ​ມີ​ຄວາມ​ເຫັນ​ໃຈ​ພວກ​ເຂົາ​ເຈົ້າ​ທີ່​ຜ່ານ​ຊີວິດ​ຢູ່​ຊັ້ນ​ຕ່ຳ.



ນາງ​ຫຼິນ​ໄຕ້​ອີ​ແມ່ນ​ເພດ​ຍິງ​ທີ່​ທ່ານ​ສາວ​ເສຍ​ສິງ​ຈົງໃຈ​ປັ້ນ​ແຕ່ງ,ນາງ​ສາວ​ຜູ່​ອ່ອນ​ແອ​ທີ່​ດຳລົງ​ຊີວິດ​ໃນ​ຄະ​ລື​ຫາດຢົງ​ໂກະ​ຟູ​​ແມ່ນ​ຄົນທີ່​ຖື​ຕົວ​ທີ່​ສຸດ,ນາງ​ມີ​ຄວາມ​ຮູ້​ຄວາມ​ສາມາດ,​ແຕ່​ພັດ​ມັກ​ໂສກ​ເສົ້າ​ເຫງົາ​ໃຈ.ນາງ​ກັບ​ທ້າວ​ເຈຍ​ປ້າວ​ອີ​ແມ່ນ​ສ່ຽວ​ກັນ​ມາ​ແຕ່​ນ້ອຍ,ພາຍຫຼັງ​ມາ​ເລີຍ​ກາຍ​ເປັນ​ຄູ່​ຮັກ​ກັນ,​ແຕ່​ໃນ​ທີ່​ສຸດ,ຄວາມ​ຮັກ​ຂອງ​ພວກ​​ເ​ຂົາ​ເຈົ້າ​ຖື​ກອິດ​ທິກຳລັງ​ສັກ​ດິນາ​ບີບ​ຄັ້ນ​ຈົນມຸດ​ມອດ​ໄປ



ເລື່ອງ​ຄວາມ​ຝັນ​ໃນ​ຫໍ​ວິມານແດງ​ແມ່ນ​ນະວະນິຍາຍ​ແບບສາລານຸກົມ​ເລື່ອງ​ຫນຶ່ງ,ບຸກ​ຄົນ​ທີ່​ກ່ຽວ​ພັນ​ເຖິງ​ໃນ​ເລື່ອງ​ດັ່ງກ່າວ​ຈາກພະ​ບໍລົມ​ມະ​ວົງສາ​ນຸວົງ​​​ຮອດ​​ເຈົ້າຂຸນມຸນ​ນາຍຈາກ ສາວ​ໃຊ້  ຄົນ​ໃຊ້ ຮອດພະສົງ​ສາມະ​ເນນ ພໍ່ຄ້າ​ແລະ​ກະສິກອນ,​​ໄດ້​ກວມທັງ​ເກືອບທຸກ​ຊັ້ນ​ວັນນະ​ໃນ​ສັງຄົມ​ຈີນ​ໃນ​ຄາວ​ນັ້ນ,ຂອບ​ເຂດ​ວາດ​ພາບ​ຈາກ​ມາລະຍາດ​ ການ​ໄປມາຫາ​ສູ່​ກັນ​​ດ້ານ​ການສະ​ຫຼອງ​ແລະ​​ໄປ​ໄວ້ອາ​ໄລ​ຂອງ​ສັງຄົມ​ຊັ້ນ​ສູງ,ຈາກການ​ຜະລິດ​ຂອງ​ກຳມະກອນ ຮອດການ​ປູກ​ດອກ​​ໄມ້​ ​ຕົ້ນ​ໄມ້ຂອງ​ຊາວນາ,ຈາກ​ນາຍ​ຫມໍ ຫມໍ​ລຳ​ຮອດ​ໂຫລາ​ສາດ​ມີ​ຫມົດ​ທຸກ​ແນວ,ອັນ​​ໄດ້​ສະ​ແດງ​ໃຫ້​ເຫັນ​ດ້ານ​ຕ່າງໆ​ໃນ​ຊີວິດ​ສັງ​ຄົມ​ຂອງ​ລາ​ຊະ​ວົງ​ເຊັງ.



ຮູບປະພັນ​ບຸກຄົນ​ໃນ​​ເລື່ອງ​ຄວາມຝັນ​ໃນ​ຫໍ​ວິມານ​ແດງ​ໄດ້​ຖືກ​ວາ​ດພາບ​ຢ່າງ​ສຳ​ເລັດ​ຜົນ​ທີ່​ສຸດ,ບຸກຄົນ​ໃນ​ເລື່ອງ​ຄວາມ​ຝັນ​ໃນ​ຫໍ​ວິມານ​ແດງ​ໄດ້​ລື່ນ​ກາຍ 700 ຄົນ,​ໃນ​ນັ້ນ ບຸກຄົນ​ແບບຢ່າງມີ​ຮ້ອຍ​ກວ່າ​ຄົນ,ທ່ານ​ສາວ​ເສຍ​ສິງ​ຍັງ​ສາມາດ​ກຳ​​ການ​ວາດ​ພາບເພດ​ຍິງ​ຢ່າງ​ຖືກຕ້ອງ​ແລະ​ເລິກ​ເຊິ່ງທີ່​ສຸດ,​ໂດຍສ​ະ​ເພາະ​ແມ່ນ​ສະພາບ​ຈິນຕະນາການແລະຈິດ​ໃຈ​ອາລົມ​​ຂອງ​ຍິງ​​ໄວ​ຫນຸ່ມ​ເຍົາວະ​ຊົນ​ທີ່​ສັບ​ສົນ​ ສະດຸ້ງ​ໄວ​ແລະ​ມີ​ການ​ປ່ຽນ​ແປງ​ຫຼາຍ,ທ່ານ​ໄດ້​ເຜີຍ​ໃຫ້​ເຫັນ​ຄວາມ​ຫວັງ​ຂອງ​ພວກ​​ເຂົາ​ເຈົ້າ​ທີ່​ມີ​ຕໍ່​ຊີວິດ​ການ​ເປັນ​ຢູ່ໂດຍ​ສະ​ເພາະ​ແມ່ນ​ຄວາມປາຖະຫນາ​ຕໍ່​ຄວາມ​ຮັກ​ດ້ວຍ​ຄວາມ​ເຫັນ​ໃຈທີ່​ສຸດ,ທັງ​​ໄດ້ສະ​ແດງ​ໃຫ້​ເຫັນ​ມະນຸດສຳພັນທີ່​ອຸດົມສົມ​ບຸນ​ແລະ​ເລິກ​ເຊິ່ງ,ທັງ​ໄດ້​ສະ​ແດງ​ໃຫ້​ເຫັນ​ການ​ຜູກ​ມັດ​ແລະ​ຜົນ​ສະທ້ອນ​ຂອງ​ສະພາບ​ແວດ​ລ້ອມ​ແລະ​ສັງຄົມທີ່​ມີ​ຕໍ່​ພວກ​​​ເຂົາ​ເຈົ້າ.ສະນັ້ນຈຶ່ງ​ໄດ້​ປັ້ນ​ແຕ່ງ​ພວກ​ເຂົາ​ເຈົ້າ​​ໃຫ້​ເປັນ​ຮູບຊົງ​ສີ​ລະ​ປະ​ທີ່​ເປັນ​ໂຕ້​ຢົ້ງໆ



ເມື່ອ​ເລື່ອງ​ຄວາມ​ຝັນ​ໃນ​ຫໍ​ວິມານ​ແດງ​ໄດ້​ແຕ່ງ​ອອກ​ມາ​ແລ້ວ,ຄົນ​ທັງຫຼາຍ​ນິຍົມ​ກັນອ່ານ​ແລະ​ໂຈ​ຕະນາ,ຊາວ​ຫນຸ່ມ​ບາງ​ຄົນ​ເມື່ອ​ອ່ານ​ແລ້ວ​ກໍ​ຮູ້ສຶກ​ກະຕຸ້​ນ​ໃຈ​ຫຼາຍ​ນຳ​ຄວາມ​ຮັກຂອງ​ພະ​ເອກ​ກັບ​ນາງ​ເອກ​ຈົນ​ນ້ຳຕາ​ໄຫຼ,ມູນ​ຄ່າດ້ານ​ສິລະ​ປະຂອງ​ເລື່ອງ​ຄວາມ​ຝັນ​ໃນ​ຫໍ​ວິມານ​ແດງ​ແມ່ນ​ຫົວ​ຂໍ້​ໂອ້​ລົມ​ທີ່ບໍ່​ສຸດ​ສ້ຽງ,ພາສາ​ ອົງ​ປະກອບ​ແລະ​ການ​ປັ້ນ​ແຕ່ງ​ບຸກຄົນ​ຂອງ​​ເລື່ອງ​ນີ້​ລ້ວນ​ແຕ່​ໄດ້​ລະດັບສູງ​ສຸດ​ຂອງ​ນະວະນິຍາຍ​ບຸ​ຮານ​ຈີນ