|
|
 |
| (GMT+08:00)
2005-02-26 17:44:25
|
 |
|
ສ.ເກົາຫລີອາເມລິກາແລະຍີ່ປຸ່ນຈັດການພົບປະກັນ 3 ຝ່າຍກ່ຽວກັບບັນຫານິວເຄຼຍແຫຼມເກົາຫລີ
cri
Author: mo
ຕາມຂ່າວCRI：ວັນທີ 26 ກຸມພາ, ຢູ່ທີ່ເຊອຸ່ນ, ຫົວໜ້າຜູ້ແທນການເຈລະຈາ 6 ຝ່າຍຂອງສາມປະເທດຄືສ.ເກົາຫລີ ອາເມລິກາແລະຍີ່ປຸ່ນໄດ້ຈັດການພົບປະກັນຢູ່ທີ່ເຊອຸ່ນ, ເພື່ອປະສານງານຫລັກໝັ້ນຂອງໃຜລາວໃນບັນຫານິວເຄຼຍແຫຼມເກົາຫລີ.
ພາຍຫລັງພົບປະກັນແລ້ວ, ທ່ານຊົງມິນຊູນ ຮອງລັດຖະມົນຕີການຕ່າງປະເທດແລະການຄ້າສ.ເກົາຫລີ ຫົວໜ້າຜູ້ແທນສ.ເກົາຫລີກ່າວວ່າ, ສາມຝ່າຍເອົາໃຈໃສ່ຫລາຍຕໍ່ຖະແຫລງການທີ່ສປປເກົາຫລີປະກາດໃນວັນທີ 10 ກຸມພາທີ່ວ່າຢຸດຕິການເຂົ້າຮ່ວມການເຈລະຈາ 6 ຝ່າຍຢ່າງບໍ່ມີເວລາຈຳກັດແລະມີອາວຸດນິວເຄຼຍ. ສາມຝ່າຍຍິນດີທຳຄວາມພະຍາຍາມທາງການທູດແກ້ໄຂບັນຫານິວເຄຼຍແຫຼມເກົາຫລີໂດຍຜ່ານການເຈລະຈາ 6 ຝ່າຍ, ເປັນເອກະສັນກັນເຕືອນໃຫ້ສປປເກົາຫລີກັບຄືນສູ່ການເຈລະຈາ 6 ຝ່າຍໂດຍໄວ. ສາມຝ່າຍສະແດງຄວາມຍ້ອງຍໍຕໍ່ຈີນທີ່ເສີມຂະຫຍາຍບົດບາດທີ່ມີລັກສະນະສ້າງສັນ, ຫວັງໃຫ້ຝ່າຍຈີນຈົ່ງເສີມຂະຫຍາຍອິດທິພົນຂອງຕົນຕື່ມອີກໃນຂະບວນການຈັດການເຈລະຈາ 6 ຝ່າຍຄືນໃໝ່.
ທ່ານເຄນິຊິໂລ ຊາຊາເອ ຫົວໜ້າພະແນກອາຊີປາຊີຟິກກະຊວງການຕ່າງປະເທດຍີ່ປຸ່ນກ່າວວ່າ, ສາມຝ່າຍເປັນເອກະສັນກັນເຫັນດີໃຫ້ສປປເກົາຫລີກັບຄືນສູ່ການເຈລະຈາ 6 ຝ່າຍຢ່າງບໍ່ມີເງື່ອນໄຂ, ແລະກ່າວລື້ມວ່າ, ສ.ເກົາຫລີ ອາເມລິກາ ແລະຍີ່ປຸ່ນພ້ອມກັນຊັກຊວນໃຫ້ສປປເກົາຫລີກັບຄືນສູ່ການເຈລະຈາສັນຕິພາບແມ່ນສຳຄັນທີ່ສຸດຕໍ່ການແກ້ໄຂບັນຫານິວເຄຼຍແຫຼມເກົາຫລີ.
|
|
|
