|
|
 |
| (GMT+08:00)
2005-02-28 16:07:54
|
 |
|
ອິສລາແອນອາດຈະໂຈະການເຈລະຈາການເມືອງລະຫວ່າງປາເລັສຕິນກັບອິສລະແອນ
cri
Author: sayvanny
ຕາມຂ່າວ CRI: ວັນທີ 27 ກຸມພາ ທ່ານຊາລອນ ນາຍົກລັດຖະມົນ ຕີອິສລາແອນກ່າວເຕືອນວ່າ,ຖ້າວ່າອົງການອຳນາດແຫ່ງຊາດປາເລັສຕິນບໍ່ໃຊ້ມາດຕະກນໂຈມຕີອົງການຈັດຕັ້ງຫົວຮຸນແຮງແລ້ວ, ອິສລະແອນກໍ່ຈະໂຈະການເຈລະຈາການເມືອງລະຫວ່າງປາເລັສຕິນກັບອິສລາແອນ,ແລະອາດຈະໃຊ້ການເຄື່ອນໄຫວທາງການທະຫານຂະຫນາດໃຫຍ່ກວ່າເກົ່າຕໍ່ຝ່າຍປາເລັສຕິນ.
ມື້ດຽວກັນ, ໃນເວລາໂທລະສັບລົມກັບທ່ານນາງໄລສ໌ ລັດຖະມົນຕີການຕ່າງປະເທດອາເມລິກາ, ທ່ານຊາລອນເວົ້າວ່າ, ຖ້າຝ່າຍປາເລັສຕິນບໍ່ໃຊ້ມາດຕະການອັນຕັ້ງຫນ້າ,ໂຈມຕີອົງການຫົວຮຸນແຮງແລ້ວ,ແຜນການເສັ້ນທາງສັນຕິພາບຕາເວັນອອກກາງກໍ່ບໍ່ສາມາດປະຕິບັດໄດ້.
ຕາມຊາບວ່າ, ເພື່ອເປັນການແກ້ແຄ້ນຕໍ່ເຫດການລະເບີດຢູ່ທີ່ເຕລາວິດ,ປັດຈຸບັນ ອິສລາແອນໄດ້ໂຈະແຜນການມອບເມືອງຝັ່ງຕາເວັນຕົກແມ່ນ້ຳຈໍແດນໃຫ້ຝ່າຍປາເລັສຕິນ,ພ້ອມທັງໂຈະການເຈລະຈາກ່ຽວກັບການປ່ອຍຄົນໂທດປາເລັສຕິນໃຫ້ຝ່າຍປາເລັສຕິນ.ເຈົ້າຫນ້າທີ່ອິສລະແອນຍັງກ່າວວ່າອາດຈະຟື້ນຟູການເຄື່ອນໄຫວລົບລ້າງອົງການຈີຮັດຂອງປາເລັສຕິນຕາມເປົ້າຫມາຍ.
|
|
|
