|
|
 |
| (GMT+08:00)
2005-02-28 16:49:45
|
 |
|
ນາງອ້າຍຈິ້ງກັບເພງຂອງນາງ(ສຽງ)
cri
Author: MO
ທີ່ຈິງແລ້ວ, ເພງປີ 1997 ຂອງຂ້ອຍກໍແມ່ນປະສົບການຊີວິດນັກຮ້ອງເພງຂອງນາງອ້າຍຈິ້ງ. ນາງອ້າຍຈິ້ງເກີດຢູ່ໃນຄອບຄົວທຳມະດາສາມັນທີ່ສຸດ, ນາງມັກຮ້ອງເພງມາແຕ່ນ້ອຍ. ອາຍຸ 17 ປີ, ນາງກໍໄດ້ພາຍກິດຕາພ້ອມກັບຄວາມຝັນອອກຈາກເມືອງເສີນຢາງບ້ານເກີດ, ມາຮຽນຢູ່ປັກກິ່ງ. ຫລັງຈາກນັ້ນ, ນາງໄດ້ນຳເອົາດົນຕີແລະຄວາມຮັກເລາະຢູ່ຕາມຕົວເມືອງໃຫຍ່ຈຳນວນໜຶ່ງຂອງຈີນ. ໃນໄລຍະນີ້, ເພງທີ່ນາງແຕ່ງນັ້ນມີເນື້ອຫາຫລາຍຢ່າງແລະຈິງໃຈທີ່ສຸດ, ເນື້ອ ເພງຂອງນາງແຕ່ລະບົດເໝືອນດັ່ງບົດຮ້ອຍແກ້ວສັ້ນໆ, ທຳນອງເພງງ່າຍດາຍ, ບວກກັບການຂັບຮ້ອງແບບເພງພື້ນເມືອງ, ເຮັດໃຫ້ຄົນຈື່ງ່າຍແລະຮູ້ສຶກສະໜິດສະໜົມທີ່ສຸດ. ເພງLiulangdeyanzi ນົກແອ່ນພະເນຈອນ ກໍແມ່ນເພງໜຶ່ງທີ່ນາງແຕ່ງໃນໄລຍະນັ້ນ, ເຊີນຟັງໄດ້ເລີຍ.
ເນື້ອເພງຮ້ອງວ່າ, ມີນົກແອ່ນໂຕໜຶ່ງພະເນຈອນຢູ່ເທິງທ້ອງຟ້າ, ມັນຊອກຫາບ້ານເກີດຂອງຕົນບໍ່ເຫັນ, ມີໃຜເວົ້າເຖິງເລື່ອງນີ້ບໍ່, ມີໃຜເຄີຍໄດ້ຍິນມັນຮ້ອງເພງບໍ່. ມີນົກແອ່ນໂຕໜຶ່ງພະເນຈອນຢູ່ເທິງທ້ອງຟ້າ, ມັນຊອກຫາບ່ອນເພີ່ງອີງບໍ່ໄດ້, ມີໃຜເຄີຍຖາມຄວາມຄິດຂອງມັນບໍ່, ມີໃຜເຫັນມັນບິນໄປທາງໃດບໍ່.
ໃນເວລານາງອ້າຍຈີ້ງມີແຟນເພງຢູ່ພາຍໃນປະເທດນັບມືນັບຫລາຍຂຶ້ນນັ້ນ, ນາງພັດເລືອກໄປບຸກເບີກວຽກດົນຕີຂອງຕົນຢູ່ຍີ່ປຸ່ນ. ປີ 1996, ນາງອ້າຍຈິ້ງໄດ້ອອກແຜ່ນCDໃໝ່ຢູ່ຍີ່ປຸ່ນເຊິ່ງໃຫ້ຊື່ວ່າ Zhuiyue ໄລ່ຕາມດວງພະຈັນ. ເພງເດັ່ນໃນCDແຜ່ນນີ້ຄືເພງ Zhuiyue ໄລ່ຕາມດວງພະຈັນ ແລະເພງHeimaobaimao ແມວດຳແມວຂາວ ລ້ວນແຕ່ແມ່ນເພງທີ່ເຮັດໃຫ້ຊີວິດອັນຈືດຈາງກາຍເປັນເລື່ອງມ່ວນ, ສິລະປະແຕ່ງເພງຂອງນາງກໍນັບມື້ນັບກ້າວໜ້າ.
1 2 3
|
|
|
