ຕາມ​ຂ່າວCRI: ວັນ​ທີ 28 ກຸມພາ, ຝ່າຍ​ທາງ​ການ​ຫວຽດນາມ​ໄດ້​ຢືນຢັນ​ວ່າ, ​ຢູ່​ແຂວງ​ໄທ​ບິນ ທາງ​ພາກ​ເໜືອ​ຫວຽດນາມ ເດັກ​ຍິງຜູ່​ໜຶ່ງ​ອາຍຸ 14 ປີ​ຕິດ​ແປດພະຍາດ​ໄຂ້ຫວັດ​ສັດ​ປີກ, ນີ້​ແມ່ນຄົນ​ຫວຽດນາມ​ຕິດ​ແປດພະຍາດ​ໄຂ້ຫວັດ​ສັດປີກຜູ່ທີ 20 ແຕ່​ຕົ້ນປີ​ມານີ້​.

​ແຂວງ​​ໄທ​ບິນຫ່າງ​ຈາກ​ນະຄອນຫຼວງຮາ​ໂນ​ຍ​ໄປ​ທາງ​ທິດ​ເໜືອ 100 ກວ່າ​ກິ​ໂລ​ແມັດ. ວັນ​ທີ 27 ກຸມພາ, ພາກສ່ວນ​ສາທາລະນະ​ສຸກ​ຫວຽດນາມ​ຢືນຢັນ​ວ່າ, ຢູ່​ແຂວງ​ດັ່ງກ່າວ ຜູ່​​ເຖົ້າອາຍຸ 69 ປີ​ຜູ່​ໜຶ່ງ​ໄດ້ຕິດ​ແປດ​ພະຍາດ​ໄຂ້ຫວັດ​ສັດ​ປີກ​​ແລ້ວເສຍ​ຊີວິດ​ໃນ​ວັນ​ທີ 23 ກຸມພາ. ນັບ​ມາ​ຮອດ​ດຽວ​ນີ້, ​ປີ​ນີ້​ ຢູ່​ຫວຽດນາມ​ໄດ້ມີ 14 ຄົນ​​ເສຍ​ຊີວິດ​ຍ້ອນ​​ເປັນ​ພະ​ຍາດ​ໄຂ້​ຫວັດ​ສັດ​ປີກ​ແລ້ວ.