|
ທ່ານອານນານກ່າວປະນາມຢ່າງຮຸນແຮງຕໍ່ເຫດການຫລອນໂຈມຕີດ້ວຍລະເບີດລົດຍົນຢູ່ອີຣັກ
cri
Author: MO
ຕາມຂ່າວCRI：ວັນທີ 28 ກຸມພາ, ທ່ານອານນານ ເລຂາທິການໃຫຍ່ສະຫະປະຊາຊາດອອກຖະແຫລງການ, ກ່າວປະນາມຢ່າງຮຸນແຮງຕໍ່ເຫດການຫລອນໂຈມຕີດ້ວຍລະເບີດລົດຍົນທີ່ເກີດຂຶ້ນຢູ່ອີຣັກໃນວັນທີ 28 ກຸມພາ.
ຖະແຫລງການຂຽນວ່າ, ພວກກໍ່ການຮ້າຍໄດ້ຢຽດຢ່ຳມະນຸດສະທຳສາກົນອີກເທື່ອໜຶ່ງ, ພວກເຂົາເຈົ້າເຈດຕະນາໃຊ້ກຳລັງຮຸນແຮງມາສະກັດກັ້ນບໍ່ໃຫ້ອີຣັກຂະຫຍາຍໄປຕາມ
ທິດສັນຕິພາບ ປະຊາທິປະໄຕແລະຄວາມຈະເລີນຮຸ່ງເຮືອງ, ປະຊາຊົນອີຣັກພັດກາຍ
ເປັນຜູ້ປະສົບເຄາະຮ້າຍທີ່ບໍ່ມີໂທດຫຍັງຂອງການເຄື່ອນໄຫວດ້ວຍກຳລັງຮຸນແຮງ.ຖະແຫລງການຍັງຮຽກຮ້ອງໃຫ້ບັນດາພັກຝ່າຍອີຣັກປະລະກຳລັງຮຸນແຮງ, ແກ້ໄຂ
ຄວາມເຫັນຂັດກັນຕາມຈິດໃຈປອງດອງຊາດ. ຖະແຫລງການກ່າວເນັ້ນວ່າ, ສະຫະ ປະຊາຊາດຈະສືບຕໍ່ສະໜັບສະໜູນຂະບວນວິວັດສ້າງສາຄືນໃໝ່ຂອງປະຊາຊົນອີຣັກ.
|
|
