|
|
 |
| (GMT+08:00)
2005-03-01 14:35:37
|
 |
|
ປະຊາຄົມໂລກກ່າວປະນາມຢ່າງຮຸນແຮງຕໍ່ເຫດການຫລອນໂຈມຕີດ້ວຍລະເບີດລົດຍົນຢູ່ອີຣັກ
cri
Author: MO
ຕາມຂ່າວCRI：ຕອນເຊົ້າວັນທີ 28 ກຸມພາ, ພາຍຫລັງເມືອງຮີລາ ທີ່ຢູ່ພາກໃຕ້ເມືອງແບກແດກ ນະຄອນຫລວງອີຣັກເກີດເຫດການຫລອນໂຈມຕີດ້ວຍລະເບີດລົດຍົນແບບຂ້າໂຕຕາຍແລ້ວ, ວັນທີ 28 ກຸມພາ ປະຊາຄົມໂລກທະຍອຍກັນອອກຖະແຫລງການ, ກ່າວປະນາມຢ່າງຮຸນແຮງຕໍ່ເຫດການດັ່ງກ່າວນີ້.
ທ່ານອານນານ ເລຂາທິການໃຫຍ່ສະຫະປະຊາຊາດອອກຖະແຫລງການກ່າວວ່າ, ພວກກໍ່ການຮ້າຍໄດ້ຢຽບຢ່ຳມະນຸດສະທຳສາກົນຢ່າງບັງອາດອີກເທື່ອໜຶ່ງ, ພວກເຂົາເຈົ້າເຈຕະນາສະກັດກັ້ນດ້ວຍກຳລັງຮຸນແຮງບໍ່ໃຫ້ອີຣັກຂະຫຍາຍໄປສູ່ທິດສັນຕິພາບ ປະຊາທິປະໄຕ ແລະຄວາມຈະເລີນຮຸ່ງເຮືອງ.
ມື້ດຽວກັນ, ທ່ານໂຊລານາ ຜູ້ແທນຊັ້ນສູງຂອງສະຫະພາບເອີລົບທີ່ຮັບຜິດຊອບນະໂຍບາຍການຕ່າງປະເທດແລະຄວາມປອດໄພກໍອອກຖະແຫລງການ, ສະແດງຄວາມຕື່ນຕົກໃຈຕໍ່ການກະທຳກໍ່ການຮ້າຍ.
ຖະແຫລງການຂອງສັນນິບາດປະເທດອາລັບໄດ້ກ່າວປະນາມຢ່າງຮຸນແຮງຕໍ່ເຫດການຫລອນໂຈມຕີກໍ່ການຮ້າຍທີ່ແນໃສ່ສາມັນຊົນທີ່ບໍ່ມີໂທດຫຍັງ, ກ່າວວ່າສະໜັບສະໜູນການໃຊ້ມາດຕະການບັງເກີດຜົນປະເພດຕ່າງໆ, ໂຈມຕີການຫລອນໂຈມຕີກໍ່ການຮ້າຍທັງໝົດທີ່ແນໃສ່ສາມັນຊົນທີ່ບໍ່ມີໂທດຫຍັງ.
|
|
|
