|
ສິງກະໂປແລະອິນໂດເນເຊຍຈັດການເຈລະຈາດ້ານເຕັກນິກກ່ຽວກັບບັນຫາຊາຍແດນເທີງທະເລ
cri
ຕາມຂ່າວສານຊິນຮວາ:ວັນທີ 28 ກຸມພາ,ເຈົ້າຫນ້າທີ່ສິງກະໂປແລະອິນໂດເນເຊຍໄດ້ຈັດການເຈລະຈາກັນດ້ານເຕັກນິກຢູ່ສິງກະໂປເປັນເທື່ອທຳອິດ,ແລກປ່ຽນຄວາມເຫັນກັນກ່ຽວກັບການແກ້ໄຂການວິວາດກັນກ່ຽວກັບຊາຍແດນເທີງທະເລລະຫວ່າງສອງປະເທດ.
ວັນທີ 28 ກຸມພາ,ໂທລະພາບອາຊີຊ່ອງຂ່າວຂອງສິງກະໂປໄດ້ນຳເອົາຖະແຫລງການຮ່ວມສະບັບຫນຶ່ງທີ່ສອງຝ່າຍປະກາດນັ້ນມາແຈ້ງວ່າ,ກ່ອນຫນ້ານີ້,ຜູ້ນຳສອງປະເທດໄດ້ກ້າວເຖິງຂັ້ນມີຄວາມຮັບຮູ້ຄືກັນ,ເຈົ້າຫນ້າທີ່ຂອງສອງຝ່າຍຄວນເລີ່ມຈັດການເຈລະຈາກ່ຽວກັບບັນຫາຊາຍແດນເທີງທະເລທີ່ຍັງຄ້າງຄາຢູ່ນັ້ນ.
ໃນການເຈລະຈາເທື່ອນີ້,ຜູ້ແທນຂອງສອງຝ່າຍໄດ້ກຳນົດທິດການເຈລະຈາໃນອະນາຄົດ,ແລະຫາລືບັນຫາດ້ານເຕັກນິກທີ່ກ່ຽວຂ້ອງແລະການຈັດຕັ້ງຈັດວາງຂອງການເຈລະຈາໃນພາຍຫລັງ.ຕາມຂ່າວແຈ້ງວ່າ,ຕໍ່ໄປພາຍຫນ້າ,ພະນັກງານທີ່ກ່ຽວຂ້ອງຂອງສອງຝ່າຍຈະຜັດປ່ຽນກັນຈັດການເຈລະຈາເປັນປະຈຳຢູ່ສອງປະເທດ.
|
|
