|
|
 |
| (GMT+08:00)
2005-03-01 17:23:42
|
 |
|
ອີຣັກປະສົບການລະເບີດຮ້າຍແຮງແບບນອງເລືອດອີກເທື່ອໜຶ່ງ
cri
Author: MO
(ວັນທີ 28 ກຸມພາ, ໃນເມືອງຮີລາທີ່ໄກຈາກເມືອງແບກແດດ ນະຄອນຫລວງອີຣັກໄປທາງທິດໃຕ້ປະມານ 100 ກິລາແມັດ, ກຳມະກອນທັງຫລາຍພວມເຮັດອະນາໄມຢູ່ບ່ອນເກີດເຫດ.)
ຕາມຂ່າວCRI：ວັນທີ 28 ກຸມພາ, ສູນກວດກາສຸຂະພາບແຫ່ງໜຶ່ງຢູ່ເມືອງຮີລາ ທີ່ໄກຈາກເມືອງແບກແດກ ນະຄອນຫລວງອີຣັກໄປທາງທິດໃຕ້ປະມານ 100 ກິໂລແມັດໄດ້ຖືກຫລອນໂຈມຕີດ້ວຍລະເບີດລົດຍົນແບບຂ້າໂຕຕາຍ, ເຮັດໃຫ້ຄົນຕາຍແລະບາດເຈັບຢ່າງຫລວງຫລາຍ. ປັດຈຸບັນ, ຈຳນວນຜູ້ເສຍຊີວິດໄດ້ເພີ່ມຂຶ້ນຮອດ 125 ຄົນ, ແລະ 200 ກວ່າຄົນບາດເຈັບ.
ຕາມໂທລະພາບອານຈາຊີລາລາຍງານວ່າ, ເມືອງຮີລາ ບ່ອນເກີດລະເບີດແມ່ນເທດສະບານແຂວງບາບີນ ພາກກາງຂອງອີຣັກ, ແມ່ນຕົວເມືອງທີ່ຊາວມຸສລິມນິກາຍຊີອິດກັບມຸສລິມນິກາຍຊຸນນິດຕັ້ງພູມລຳເນົາຢູ່ນຳກັນູ. ການຫລອນໂຈມຕີດ້ວຍລະເບີດລົດຍົນແບບຂ້າໂຕຕາຍໄດ້ເກີດຂຶ້ນໃນກາງເມືອງຮີລາ, ເວລານັ້ນ, ຜູ້ຫລອນໂຈມຕີໄດ້ຂັບລົດທີ່ບັນທຸກໝື້ລະເບີດແລ່ນເຂົ້າໃສ່ຝູງຄົນທີ່ພວມລຽນແຖວຮ້ອງຂໍເຮັດວຽກນຳພາກສ່ວນລັດຖະບານ, ແລະຈູດລະເບີດຂຶ້ນ. ຄວາມແຮງຂອງລະເບີດໄດ້ເຮັດໃຫ້ຄົນຕາຍແລະບາດເຈັບຢ່າງຫລວງຫລາຍ, ຢູ່ບ່ອນເກີດເຫດ, ມີແຂນກຸດຂາກຸດຢູ່ທົ່ວທີບ, ເຮັດໃຫ້ຄົນບໍ່ກ້າເບິ່ງ.
ສະພາວົງເດືອນແດງຂອງອິຣັກກ່າວວ່າ, ໄດ້ຂົນສົ່ງວັດຖຸກອບກູ້ຊ່ອຍເຫຼືອດ່ວນແລະເຄື່ອງປິ່ນປົວຈາກແບກແດດໄປເມືອງຮີລາແລ້ວ. ບຸກຄົນຂອງໂຮງໝໍທ້ອງຖິ່ນຄາດຄະເນວ່າ, ຍ້ອນຜູ້ບາດເຈັບສ່ວນໜຶ່ງເຈັບໜັກ, ຈຳນວນຜູ້ເສຍຊີວິດອາດຈະເພີ່ມຂຶ້ນອີກ.
ການລະເບີດເທື່ອນີ້ແມ່ນເກີດຂຶ້ນໃຕ້ສະພາບການທີ່ກອງທະຫານອາເມລິກາປະຈຳອີຣັກແລະກອງທະຫານອີຣັກປະກາດວ່າໄດ້ຮັບການຄືບໜ້າສຳຄັນຕ່າງໆໃນດ້ານໂຈມຕີກຳລັງປະກອບອາວຸດຕ້ານອາເມລິກາ.
1 2 3 4 5
|
|
|
