|
ຂ່າວສານຊິນຮວາລາຍງານວ່າ,ວັນທີ 27 ກຸມພາ,ຊາວຫນຸ່ມຜູ່ອາສາສະຫມັກດຳນ້ຳຂອງຈີນສືບຕໍ່ທາວເອົາຂີ້ເຫຍື່ອຢູ່ພື້ນທະເລທີ່ຖືກຄື້ນຊຸນາມີຊຸລົງພື້ນທະເລຢູ່ເຂດທະເລເກາະຣາຊາພາກໃຕ້ໄທ,ນັກຂ່າວຂອງຂ່າວສານຊິນຮວາໄດ້ຕິດຕາມຜູ່ອາສາສະຫມັກດຳນ້ຳຂອງຈີນ,ຈາກທ້າຍກ່ຳປັ່ນມຸດລົງທະເລສີຄາມ, ເຫັນສະພາບບໍລິການທີ່ພວກເຂົາເຈົ້າທາວເອົາຂີ້ເຫຍື່ອຢູ່ພື້ນທະເລອັນດາມັນ.ພາຍຫລັງຟອງນ້ຳສີຂາວຫາຍໄປແລ້ວ,ກໍເຫຼືອແຕ່ທະເລສີຄາມທີ່ມິດງຽບ, ນັກຂ່າວເລີ່ມສູບເອົາອາຍເຢັນທີ່ສົ່ງມາຈາກເຄື່ອງຫາຍໃຈ,ຫາກໍມຸດລົງເລິກ 3 ແມັດ, ຍ້ອນກຳລັງຫນີບແຮງ,ຈິ່ງຮູ້ສຶກເຈັ້ຍຫູຖືກຫນີບຢ່າງຫນັກແລະເຈັບເລັກຫນ້ອຍ,ຈຳເປັນຕ້ອງບີບດັງຫາຍໃຈເພື່ອຜ່ອນຄາຍກຳລັງຫນີບຫູ,ທັງມຸດລົງຕໍ່ໄປ.
ເມື່ອມຸດນ້ຳລົງເລິກປະມານ 10 ແມັດ,ກໍເຫັນພື້ນທະເລທີ່ມີດິນຊາຍຂາວແລະຫີນດູກປະກາລັງ,ນີ້ແມ່ນໂລກສວຍງາມ,ປານ້ອຍຫຼາຍສີເປັນຝູງໆລອຍໄປມາຢູ່ໃນນ້ຳ,ມີປານົກແຂກທີ່ມີເກັດຫຼາຍສີຫຼາຍສັນລອຍຢ່າງສະບາຍ, ມີປີງທະເລສີກາເຟຊ້ຳທີ່ອ້ວນພີຫມູບຢູ່ພື້ນທະເລແບບຂີ້ຄ້ານ,ຜູ່ອາສາສະຫມັກບໍ່ມີເວລາຊົມເບິ່ງສະພາບສວຍງາມນີ້,ພວກເຂົາເຈົ້າຕັ້ງໃຈທາວເອົາຂີ້ເຫຍື່ອຕ່າງໆເຊັ່ນ:ຢາງລົດ ຖັງນ້ຳມັນແອັດຊັງ ແປ້ນໄມ້ແລະຫີນດູກປະກາລັງຫັກເປັນຕົ້ນເຊິ່ງຄື້ນຊຸນາມີຊຸລົງພື້ນທະເລອັນສວຍງາມດັ່ງກ່າວ.
ນັກຂ່າວໄດ້ປັບເສື້ອມຸດນ້ຳທີ່ສູບອາກາດໄດ້ຢູ່ໃນສະພາບຟູຂຶ້ນແລະພ້ອມກັນກັບນັກມຸດນ້ຳຊອກຫາເຄື່ອງເສດເຫຼືອຢູ່ຕາມແກ້ງຕ່າງໆ,ບຶດຫນຶ່ງກໍຊອກໄດ້ເຄື່ອງຫຼາຍຢ່າງເຊັ່ນ:ຂວດນ້ຳຫວານ ຖົງປຼັສຕິກແລະແພມົນເປັນຕົ້ນ, ຢູ່ຫນ້າແກ້ງຫີນດູກປະກາລັງແຫ່ງຫນຶ່ງ,ມີແຜ່ນເຫຼັກຍາວ 50 ຊັງຕິແມັດ ກວ້າງ 10 ຊັງຕິແມັດແຜ່ນຫນຶ່ງໃສ່ດິນຊາຍ.ທ່ານຈົງຊຸງມິນ ນັກມຸດນ້ຳຈັບແຜ່ນເຫຼັກ,ແລ້ວດຶງອອກມາ
ຕອນເຊົ້າວັນທີ 26 , ຊາວຫນຸ່ມຜູ່ອາສາສະຫມັກຂອງຈີນເລີ່ມດຳເນີນການບໍລິການທາວເອົາຂີ້ເຫຍື້ອຢູ່ພື້ນທະເລອັນດາມັນຂອງໄທເຊິ່ງຄື້ນຊຸນາມີພັດມາ ຫລັງຈາກເຮັດວຽກງານຫມົດມື້ແລ້ວ,ເລື່ອງທີ່ຜູ່ອາສາສະຫມັກລົມກັນຫຼາຍກວ່າຫມູ່ຍັງແມ່ນເລື່ອງມຸດນ້ຳ.ແລະຫວນຄືນເລື່ອງອະດີດທີ່ເຄີຍເຂົ້າຮ່ວມການມຸດນ້ຳໃນເມື່ອກ່ອນ,ທ່ານຈົງຊຸງມິນນັກມຸດນ້ຳທີ່ມາຈາກເມືອງກວາງໂຈວເວົ້າວ່າຫລັງຈາກເກີດຄື້ນຊຸນາມີແລ້ວ,ຫມົດຄອບຄົວຂອງທ່ານໄດ້ບໍລິຈາກເງິນ,ແຕ່ທ່ານຍັງຢາກເຮັດເລື່ອງອັນໃດອັນຫນຶ່ງເພື່ອເຂດປະສົບໄພ,ໃນບົດບັນທຶກປະຈຳວັນບົດຫນຶ່ງຢູ່ໄທ,ທ່ານຂຽນວ່າ,ຂ້ອຍມີແຕ່ຢາກເຮັດວຽກຫຼາຍແດ່,ນຳໃຊ້ຄວາມຮູ້ວິຊາສະເພາະຂອງຕົນເຮັດໃຫ້ພື້ນທະເລສະອາດຂຶ້ນ,ແລະເຮັດໃຫ້ຄົນທັງຫຼາຍທີ່ຮັກຫອມທຳມະຊາດແລະມັກຊົມເບິ່ງທຳມະຊາດໃນທົ່ວໂລກມີຄວາມສະຫງົບໃຈ.
|
