|
|
 |
| (GMT+08:00)
2005-03-02 10:01:30
|
 |
|
ກອງປະຊຸມລອນດອນເຫັນດີໃຊ້ບາດກ້າວຕົວຈິງເພື່ອສ້າງປະເທດປາເລັສຕີນ
cri
Author: MO
ຕາມຂ່າວCRI：ກອງປະຊຸມລອນດອນທີ່ສະໜັບສະໜູນອົງການອຳນາດແຫ່ງຊາດປາເລັສຕີນທີ່ໄຂເປັນເວລາມື້ໜຶ່ງໄດ້ອັດລົງໃນຕອນບ່າຍວັນທີ 1 ມີນາ. ບັນດາຝ່າຍທີ່ຮ່ວມປະຊຸມໄດ້ເປັນເອກະສັນກັນເຫັນດີໃຊ້ບາດກ້າວຕົວຈິງເພື່ອສ້າງຕັ້ງປະເທດປາເລັສຕີນ.
ປະກາດແຈ້ງການທີ່ປະກາດໃນເວລາອັດກອງປະຊຸມຂຽນວ່າ, ບັນດາຝ່າຍທີ່ຮ່ວມປະຊຸມໄດ້ກ້າວເຖິງຂັ້ນເປັນເອກະສັນກັນຕໍ່ບາດກ້າວຕົວຈິງທີ່ຕ້ອງການໃນການສ້າງຕັ້ງປະເທດປາເລັສຕີນໂດຍອິງຕາມແຜນການເສັ້ນທາງສັນຕິພາບຕາເວັນອອກກາງ, ແລະໃຫ້ຄຳໝັ້ນສັນຍາວ່າຈະໃຫ້ການຊ່ອຍເຫຼືອແກ່ການປະຕິຮູບການເມືອງແລະຄວາມປອດໄພແລະການພັດທະນາເສດຖະກິດສັງຄົມຂອງປາເລັສຕີນ. ທ່ານອັບບາສ ປະທານອົງການອຳນາດແຫ່ງຊາດປາເລັສຕີນຍັງໄດ້ຍື່ນແຜນການລະອຽດກ່ຽວກັບການປະຕິຮູບຂອງຝ່າຍປາເລັສຕີນໃຫ້ກອງປະຊຸມ.
ທ່ານແບຼ ນາຍົກລັດຖະມົນຕີອັງກິດທີ່ນັ່ງເປັນປະທານກອງປະຊຸມກ່າວວ່າ, ກອງປະຊຸມເທື່ອນີ້ໄດ້ສ້າງພື້ນຖານໃຫ້ແກ່ປະເທດປາເລັສຕີນໃນອະນາຄົດ.
ໃນເວລາຕີລາຄາຢ່າງຕັ້ງໜ້າຕໍ່ກອງປະຊຸມນັ້ນ, ທ່ານອັບບາສ ກໍໄດ້ໃຫ້ຄຳໝັ້ນສັນຍາວ່າ, ຝ່າຍປາເລັສຕີນຈະສືບຕໍ່ສຸມກຳລັງເຂົ້າໃນການປະຕິຮູບແລະຂະບວນວິວັດສັນຕິພາບຕາເວັນອອກກາງ.
ລັດຖະມົນຕີການຕ່າງປະເທດຂອງ 23 ປະເທດແລະຜູ້ແທນຂອງ 6 ອົງການສາກົນໄດ້ເຂົ້າຮ່ວມກອງປະຊຸມສາກົນທີ່ມີຈຸດປະສົງສະໜອງການຊ່ອຍເຫຼືອແກ່ການປະຕິຮູບປາເລັສຕີນ.
|
|
|
