|
ຕາມຂ່າວສານຊິນຮວາ: ວັນທີ 2 ມີນາຢູ່ທີ່ປັກກິ່ງ, ທ່ານອານເບີໂຕ ໂຣມູໂລ ລັດຖະມົນຕີການຕ່າງປະເທດຟິລິບປິນກ່າວວ່າ, ຈີນແມ່ນແງ່ກຳລັງແມ່ແຮງຂອງການພັດທະນາແລະການເຊື່ອມໂຍງເຂົ້າກັນຂອງພາກພື້ນອາຊີປາຊີຟິກ.
ໃນເວລາກ່າວປາຖະກະຖາຢູ່ສະພາບັນດິດວິທະຍາສາດສັງຄົມຈີນ, ທ່ານໂຣມູໂລກ່າວວ່າ, ແຕ່ປີ 1979 ເປັນຕົ້ນມາ, ສະເລ່ຍແລ້ວ ເສດຖະກິດຂອງຈີນໄດ້ເຕີບໂຕຂຶ້ນດ້ວຍຈັງຫວະ 9% ຕໍ່ປີ, ແລະພັດທະນາໄປສູ່ການຫັນເປັນຕະຫຼາດ, ການພັດທະນາຂອງເສດຖະກິດຈີນໄດ້ບັນທອນຜົນສະທ້ອນຈາກການກະທົບທັ່ງຂອງພາຍນອກຕໍ່ພາກພື້ນດັ່ງກ່າວ. ນອກນີ້, ຈີນມີຜົນສະທ້ອນນັບມື້ນັບຫຼາຍໃນວຽກງານພາກພື້ນແລະສາກົນ, ຟິລິບປິນຂໍສະແດງຄວາມຊົມເຊີຍ.
ກ່ຽວກັບການພົວພັນລະຫວ່າງສອງຝ່າຍ, ທ່ານໂຣມູໂລກ່າວວ່າ, ການພົວພັນລະຫວ່າງຟິລິບປິນກັບຈີນພວມຢູ່ໃນໄລຍະທີ່ຮ່ວມມືກັນຢ່າງຄຶກຄັກແລະໄວ້ເນື້ອເຊື່ອໃຈເຊິ່ງກັນແລະກັນ, ການຂະຫຍາຍການພົວພັນກັບຈີນຢ່າງປອດໃສ ຍາວນານແລະຮອບດ້ານ ແມ່ນເປົ້າໝາຍພື້ນຖານຂອງນະໂຍບາຍຕໍ່ຕ່າງປະເທດຂອງຟິລິບປິນ. ທ່ານກ່າວເນັ້ນວ່າ, ຟິລິບປິນເຫັນວ່າ, ບັນຫາໄຕ້ຫວັນແມ່ນວຽກງານພາຍໃນຂອງຈີນ, ຝ່າຍຟິລິບປິນຊົມເຊີຍລັດຖະບານຈີນທີ່ທຳຄວາມພະຍາຍາມຢ່າງບໍ່ລົດລະເພື່ອໂຮມປະເທດຊາດເຂົ້າເປັນເອກະພາບກັນໂດຍສັນຕິ.
|
