|
ໄຂ່ໄກ່ແມ່ນອາຫານທີ່ມີທາດບຳລຸງຫຼາຍ,ກິນໄຂ່ໄກ່ເລື້ອຍໆມີຜົນດີຕໍ່ສຸຂະພາບຄົນເຮົາ; ແຕ່ວ່າ,ເວົ້າສຳລັບຜູ້ເປັນພະຍາດແລ້ວ,ສະພາບຈະສັບສົນແດ່,ຈຶ່ງຕ້ອງເບິ່ງວ່າເປັນພະຍາດຫຍັງ?
ທຳມະດາແລ້ວ,ຜູ້ເປັນພະຍາດສາຍເລືອດແດງເປັນກະດັນແລະພະຍາດຫົວໃຈໂຄໂລນາໃນເລືອດ,ຈະມີໂກເລສະເຕລອນຫຼາຍແດ່,ສະນັ້ນ ບາງຄົນຈຶ່ງຢ້ານ ໂກເລສະເຕລອນ,ຢ້ານກິນໄຂ່ໄກ່,ໂດຍສະເພາະຖືວ່າ,ໄຂ່ແດງຈະເຮັດໃຫ້ເສັ້ນເລືອດແດງໜາແລະຫົດຍື່ດໜ້ອຍລົງ,ທີ່ຈິງແລ້ວ,ຄວາມຢ້ານແນວນີ້ແມ່ນບໍ່ຈຳເປັນ.
ນັກປາດຫຼາຍຄົນເຫັນວ່າ,ການກິນໄຂ່ແດງບໍ່ພຽງແຕ່ບໍ່ມີຜົນຮ້າຍຫຍັງ,ຫາກຍັງມີບົດບາດຮັກສາລະບົບເສັ້ນເລືອດຫົວໃຈອັນພິເສດອີກຊ້ຳ. ໄຂມັນເລຊີຕິນໃນໄຂ່ແດງມີບົດບາດສຳຄັນຕໍ່ການໝູນວຽນແລະການຂັບຖ່າຍຂອງໄຂມັນ. ໄຂມັນເລຊີຕິນແມ່ນຢານ້ຳນົມທີ່ແຮງທີ່ສຸດຊະນິດໜຶ່ງ,ສາມາດເຮັດໃຫ້ໂກເລສະເຕລອນແລະໄຂມັນກາຍເປັນເມັດທີ່ນ້ອຍທີ່ສຸດ,ແລ້ວຜ່ານຝາສາຍເລືອດ,ຖືກເນື້ອເຍື້ອໃນຮ່າງກາຍນຳໃຊ້,ບໍ່ຫ່ອນຈະເພີ່ມຄວາມເຂັ້ມຂຸ້ນຂອງໂກເລສະເຕລອນໃນເລືອດ. ສະນັ້ນ ວົງການແພດສາດຂອງຫຼາຍປະເທດພັດທະນາໄດ້ຍົກເລີກຄຳສັ່ງຫ້າມບໍ່ໃຫ້ຜູ້ເປັນພະຍາດຫົວໃຈ,ສະໝອງແລະສາຍເລືອດກິນໄຂ່ໄກ່. ໝາຍຄວາມວ່າ,ກິນໄຂ່ໄກ່ມື້ລະໜ່ວຍ 2 ໜ່ວຍ,ເພີ່ມຄວາມຕ້ອງການໂປຼຕິນຄຸນນະພາບດີໃຫ້ຮ່າງກາຍ,ແມ່ນມີຜົນດີຢ່າງແນ່ນອນ.
ໃນວຽກງານປິ່ນປົວພະຍາດ,ມັກມີຜູ້ເປັນໜີ້ວໃນຖົງບີເວົ້າວ່າ,ກິນໄຂ່ໄກ່ບໍ່ໄດ້,ກິນແລ້ວເຈັບທ້ອງ. ນີ້ແມ່ນຍ້ອນວ່າໜີ້ວໃນຖົງບີກະຕຸກແບບຊຳເຮື້ອມາຍາວນານ,ບວກກັບນ້ຳບີບໍ່ລຸລ່ວງ,ຝາຖົງບີຄ່ອຍໆແກ່ແລະໜາຂຶ້ນ,ສັບພະຄຸນຫົດຍືດຂອງຖົງບີນັບມື້ນັບເສື່ອມລົງ,ຖ້າຄົນເຈັບກິນອາຫານທີ່ມີໂປຼຕິນສູງແລະເມືອກມັນ,ໃນລຳໄສ້ມີສານຫົດຍືດຖົງບີຊຶມອອກຫຼາຍ,ມັນກໍບັງຄັບໃຫ້ຖົງບີທີ່ເປັນພະຍາດນັ້ນເຮັດວຽກເກີນຄວາມສາມາດ,ສະນັ້ນ ຈຶ່ງປະກົດມີອາການທີ່ຍື່ງທ້ອງ,ເຈັບທ້ອງ,ປວດຮາກ,ເບື່ອໜ່າຍຂອງມັນເປັນຕົ້ນ. ແຕ່ວ່າການຈຳກັດອາຫານມັນບໍ່ໝາຍຄວາມວ່າກິນໄຂ່ໄກ່ບໍ່ໄດ້,ຖ້າປ່ຽນວິທີປຸງແຕ່ງ,ເຊັ່ນຕົ້ມໄຂ່ໄກ່,ແກງໄຂ່ໄກ່,ໜື້ງໄຂ່ໄກ່ເປັນຕົ້ນແມ່ນກິນໄດ້. ຖ້າຄົນເຈັບທີ່ເປັນໜີ້ວຖົງບີກິນໄຂ່ໄກ່ໜ້ອຍໜຶ່ງ,ກໍຈະໄດ້ຮັບທາດບຳລຸງ,ທັງບໍ່ພາໃຫ້ຖົງບີເຈັບປັ້ນ,ກະຕຸກຖົງບີເທົ່າທີ່ຄວນ,ໃຫ້ຖົງບີລະບາຍນ້ຳບີຢ່າງທັນການ,ປ້ອງກັນບໍ່ໃຫ້ນ້ຳບີອັ່ງອໍ,ກາຍເປັນໜີ້ວ.
ມີຫຼາຍຄົນຄຶດວ່າ,ຄົນຖອກທ້ອງອາດຈະເສຍທາດບຳລຸງໄປຫຼາຍ,ຈຶ່ງຫາວິທີ ບຳລຸງຮ່າງກາຍ,ກິນໄຂ່ໄກ່ຢ່າງຫຼວງຫຼາຍ. ທີ່ຈິງແລ້ວ,ເຮັດແນວນີ້ແມ່ນບໍ່ຖືກ. ສຳລັບຜູ້ທີ່ຖອກທ້ອງ,ຍ້ອນວ່ານ້ຳຍ່ອຍອາຫານໃນຮ່າງກາຍຊຶມອອກໜ້ອຍລົງ,ແຟັກມັງຍ່ອຍອາຫານຫຼຸດໜ້ອຍລົງ,ໄຂມັນ,ໂປຼຕິນແລະຮີດັຼດເດີກາກບອນຂັບຖ່າຍຜິດປົກກະຕິ,ລຳໄສ້ຄັ້ນຮູດແຮງຂຶ້ນແລະສັບພະຄຸນຮັບເອົາທາດບຳລຸງກໍຖືກກະທົບກະເທືອນ,ສັບພະຄຸນຮັບເອົານ້ຳແລະທາດບຳລຸງຂອງໄສ້ອ່ອນຜິດປົກກະຕິ,ສະນັ້ນ,ທາດບຳລຸງຫຼວງຫຼາຍທີ່ກິນເຂົ້າໄປຈຶ່ງຖືກລະບາຍອອກຜ່ານທໍ່ຍ່ອຍອາຫານເສຍໄປລ້າໆ. ການກິນໄຂ່ໄກ່ຫຼາຍໃນໄລຍະນີ້ບໍ່ພຽງແຕ່ບໍ່ສາມາດບຳລຸງຮ່າງກາຍ,ກົງກັນຂ້າມ,ຍັງຈະພາໃຫ້ອາການໜັກເຂົ້າຕື່ມອີກຊ້ຳ. ສະນັ້ນ ໃນໄລຍະຖອກທ້ອງ,ຈຶ່ງບໍ່ຄວນກິນໄຂ່ໄກ່.
ນອກນີ້ ຜູ້ເປັນໄຂ້ກິນໄຂ່ໄກ່ກໍຕ້ອງລະວັງ. ໄຂ່ໄກ່ຕົ້ນຕໍມີໂປຼຕິນໄຂ່ແລະໂປຕຼິນເມັດໄຂ່,ແມ່ນໂປຼຕິນສົມບູນຊະນິດໜຶ່ງ,99,7% ຮ່າງກາຍຮັບເອົາໄດ້. ກິນແລ້ວ,ຈະມີກາໂລລີເກີດຂຶ້ນຕ່າງຫາກ,ກາໂລລີສ່ວນນີ້ສູງເຖິງ 30%. ຄົນເຈັບທີ່ຖືຄີງໄຂ້,ໂດຍສະເພາະແມ່ນເດັກນ້ອຍກິນໄຂ່ໄກ່ຈະເພີ່ມຄວາມຮ້ອນໃນຮ່າງກາຍ,ອາດຈະເຮັດໃຫ້ເປັນໄຂ້ໜັກເຂົ້າ. ສະນັ້ນ ຄົນເຈັບທີ່ຖືຄີງໄຂ້ຈຶ່ງບໍ່ຄວນກິນໄຂ່ໄກ່,ຄວນດື່ມນ້ຳແລະເຄື່ອງດື່ມທີ່ມີເກືອໃຫ້ຫຼາຍ,ກິນຜັກແລະໝາກໄມ້ສົດໃຫ້ຫຼາຍ,ຢ່າກິນອາຫານທີ່ມີໂປຼຕິນຫຼາຍ. ເມື່ອເຊົາໄຂ້ແລ້ວຈຶ່ງກິນ.
|
