|
|
 |
| (GMT+08:00)
2005-03-04 20:56:26
|
 |
|
ໂຮງແຮມຊັ້ນດາວເທິງພະຈັນ
cri
Author: mengmeng
ການໄປທ່ຽວອະວະກາດແມ່ນຄວາມໃຝ່ຝັນຂອງມວນມະນຸດຕະຫຼອດມາ,ປະຈຸບັນ,ຄວາມໃຝ່ຝັນດັ່ງກ່າວພວມກາຍເປັນຄວາມຈິງເປັນກ້າວໆ,ດຽວນີ້,ພວກເຮົາມີແຕ່ສາມາດໄປທ່ຽວສະຖານີອະວະກາດທໍ່ນັ້ນ,ໃນອະນາຄົດທີ່ບໍ່ດົນ,ມື້ໃດມື້ຫນຶ່ງພວກເຮົາອາດຈະໄດ້ໄປທ່ຽວເທິງພະຈັນແລະພັກຢູ່ໂຮງແຮມຊັ້ນດາວຢູ່ເທິງພະຈັນ
ການໄປທ່ຽວອະວະກາດຢ່າງຖາວອນຫຼາຍກວ່າ,ຄັນຊັ້ນ,ຈຸດປະສົງຂອງມະນຸດທີ່ຢາກໄປຢູ່ອະວະກາດນັ້ນແມ່ນຫຍັງ?ວາລະສານສະເປສ໌ຂອງອາເມລິກາເຄີຍໃຫ້ເຫດຜົນ 1 ຂໍ້ດັ່ງຕໍ່ໄປນີ້ຄື:1 ຮັບປະກັນຊີວິດຂອງມະນຸດໃນອະນາຄົດ,2 ບຸກເບີກຂົງເຂດໃຫມ່,3 ຊອກຫາພະລັງງານໃຫມ່,4 ສ້າງແຫ່ຼງອຸດສາຫະກຳຢູ່ໂລກພະຈັນ5 ສັງເກດຈັກກະວານໃນຂອບເຂດກວ້າງຂວາງກວ່າເກົ່າແລະຍິ່ງຊັດເຈນກວ່າເກົ່າ6 ຊຸກຍູ້ແຜນການທີ່ຫມາຍຈະຕິດຕໍ່ພົວພັນກັບຊີວິດທີ່ມີສະຕິປັນຍາຢູ່ເທິງດາວອື່ນໆ, 7 ບຸກເບີກບໍ່ແຮ່ 8 ຮ່ຳຮຽນປະຫວັດສາດຂອງໂລກຈັກກະວານພວກເຮົາບົນໂລກພະຈັນ,9 ຊອກຫາສິ່ງແວດລ້ອມທີ່ຍິ່ງດີເດັ່ນ 10 ຕ້ອນຮັບການທ້າຍທາຍໃຫມ່.
ແມ່ນແທ້,ເຫດຜົນເຫຼົ່ານີ້ບໍ່ໄດ້ຜິດຈັກເມັດ,ດຽວນີ້,ມີສະຖາປະນິກຂອງໂຮນລັງຜູ່ຫນຶ່ງໄດ້ຄຶດໄກກວ່າຂະແຫນງການຕົກລົງນະໂຍບາຍຂອງກົມການບິນອະວະກາດແຫ່ງຊາດອາເມລິກາຄື:ຫລັງຈາກໄດ້ບາກບັ່ນສູ້ຊົນເພື່ອອະນາຄົດຂອງມະນຸດຈົນຂີ້ຝຸ່ນຕິດເຕັມໂຕຢູ່ເທິງໂລກພະຈັນມາມື້ຫນຶ່ງແລ້ວ,ຄົນທັງຫຼາຍແນ່ນອນຍ່ອມຄຶດຢາກຊອກບ່ອນພັກຜ່ອນທີ່ສະບາຍໆ,ດັ່ງນັ້ນ,ສະຖາປະນິກຜູ່ນີ້ໄດ້ອອກແບບໂຮງແຮມຊັ້ນດາວຢູ່ເທິງໂລກພະຈັນ.
ສະຖາປະນິກຜູ່ນີ້ຊື່ວ່າຮານສ໌ ໂຢແກນ ໂລມເບີກ,ຮຽນຈົບຢູ່ສະຖາບັນສະຖາປັດຕະຍະກຳໂລແຕກດາມ ໂຮນລັງ.ປັດຈຸບັນ,ບ່ອນສ້າງໂຮງແຮມຊັ້ນດາວຢູ່ໂລກພະຈັນຂອງທ່ານໄດ້ສົມມຸດຕັ້ງຢູ່ພູເຈົ້າຊາຍທີ່ເປັນຮູບວົງກົມ,ເຊິ່ງເປັນບ່ອນດິນຕ່ຳແຫ່ງຫນຶ່ງໃກ້ຮ່ອມພູສະໂລເດີ ຢູ່ເທິງຜີວໂລກພະຈັນ.ເຄຫະສະຖານຫລັງນີ້ຈະປະກອບດ້ວຍຕຶກສອງຫລັງ,ແຕ່ລະຫລັງສູງ 160 ແມັດ,ແຕ່ວ່າ,ດຽວນີ້,ຍັງບໍ່ຕ້ອງຟ້າວໄປຈອງຫ້ອງນອນກ່ອນ,ຖ້າທຸກສິ່ງທຸກຢ່າງດຳເນີນໄປຢ່າງສະດວກ,ກໍຕ້ອງຮອດປີ 2050 ພຸ້ນ ໂຮງແຮມຫລັງນີ້ຈຶ່ງຈະສ້າງສຳເລັດ.
ເວົ້າສຳລັບສະຖາປະນິກທຳມະດາແລ້ວ,ການອອກແບບສ້າງໂຮງແຮມຢູ່ເທິງໂລກພະຈັນແມ່ນມີຄວາມຫຍຸ້ງຍາກຫຼາຍຢ່າງທາງດ້ານເຕັກນິກແທ້,ອົງປະກອບຂອງໂຮງແຮມຫລັງນີ້,ນອກຈາກຕ້ອງໄດ້ຕາມມາດຖານນຳໃຊ້ຕົວຈິງບົນຫນ່ວຍໂລກແລ້ວ,ຍັງຕ້ອງຫມູນເດີນເປັນປົກກະຕິ ໃນອຸນຫະພູມທີ່ຫຼຸດລື່ນກັນລະຫວ່າງກາງເວັນກັບກາງຄືນແລະໃນສິ່ງແວດລ້ອມທີ່ປອດອາກາດເທິງດວງຈັນ, ສາມາດຕ້ານທານການເຊື່ອມກັດຂອງລັງສີຈັກກະວານ,ຍ້ອນວ່າຫນ່ວຍໂລກມີແຕ່ປາກົດຕົວຢູ່ເບື້ອງຫນຶ່ງຂອງທ້ອງຟ້າດວງຈັນ,ສະນັ້ນ,ບັນຫາໂຮງແຮມຫັນໄປສູ່ທິດໃດກໍແມ່ນເລື່ອງສຳຄັນທີ່ສຸດ,ຄວາມເຫັນຂອງທ່ານຮານສ໌-ໂຢແກນ,ແມ່ນຜູ່ທ່ອງທ່ຽວທີ່ຈາກຫນ່ວຍໂລກມາໄກແສນໄກ,ຕ້ອງໃຫ້ພວກເຂົາເຈົ້າມອງເຫັນບ້ານຂອງຕົນຢູ່ທຸກເວລານີ້,ຈະເປັນການປະໂລມໃຈທີ່ບັງເກີດຜົນຊະນິດຫນຶ່ງ.
ນອກຈາກການຈຳກັດທີ່ກ່າວມາຂ້າງເທິງນີ້ແລ້ວ,ການປຸກເຮືອນຢູ່ບ່ອນທີ່ມີແຮງຖ່ວງພຽງ 1 ສ່ວນ 6 ຂອງຜິວໂລກນັ້ນແມ່ນຄວາມຝັກໄຝ່ຂອງສະຖາປະນິກທຸກຄົນ,ອົງປະກອບເຄຫະສະຖານທີ່ສ້າງບໍ່ໄດ້ບົນຫນ່ວຍໂລກນັ້ນ,ຈະເປັນເລື່ອງງ່າຍດາຍທີ່ສຸດຢູ່ເທິງໂລກພະຈັນ,ເຖິງວ່າການຂົນສົ່ງອຸປະກອນກໍ່ສ້າງຈາກຫນ່ວຍໂລກໄປສູ່ດວງຈັນແພງເຫຼືອເກີນກໍຕາມ,ແຕ່ທີ່ຈິງແລ້ວ,ບໍ່ຈ່ານທີ່ມີໄວ້ໃຕ້ດິນດວງຈັນທີ່ຮູ້ແລ້ວນັ້ນ,ກໍພໍທີ່ຈະໃຊ້ມາສ້າງເຄຫະສະຖານສ່ວນໃຫຍ່ຂອງໂຮງແຮມແລ້ວ.
ເມື່ອລົງຈອດແທ່ນເທິງໂລກພະຈັນ,ຜູ່ທ່ອງທ່ຽວກໍຈະໄດ້ຂີ່ລົດພະຈັນໄປໂຮງແຮມ,ໂຮງແຮມບັນຈຸຜູ່ທ່ອງທ່ຽວໄດ້ເກືອບ 200 ຄົນແລະພະນັກງານເກືອບ 200 ຄົນພະນັກງານໂຮງແຮມພັກຢູ່ໃຕ້ດິນພະຈັນ,ເພື່ອຫຼົບຫຼີກການແຜ່ລັງສີທີ່ອາດເກີດຂຶ້ນຍ້ອນເຮັດວຽກດົນ,ສິ່ງກໍ່ສ້າງຮັກສາຄວາມປອດໄພຂອງໂຮງແຮມກໍດີຫຼາຍ,
1 2
|
|
|
