|
|
 |
| (GMT+08:00)
2005-03-04 21:07:47
|
 |
|
ຜູ້ຊ່ຽວຊານຈີນແລະຕ່າງປະເທດຕີລາຄາໃນລະດັບສູງຕໍ່ການປະກອບສ່ວນຂອງສະຖານີສັນຕິພາບ
cri
Author: mengmeng
ໃນ 15 ປີມານີ້,ສະຖານີອະວະກາດສັນຕິພາບໄດ້ສ້າງຜົນງານອັນດີເລີດຊ້ຳແລ້ວຊ້ຳອີກ,ເຮັດໃຫ້ມະນຸດມີຄວາມຈູບຈ້າວຢ່າງລົ້ນເຫຼືອໃນການຊອກຄົນອະວະກາດ,
ວັນທີ 23 ມີນາປີ 2001,ສະຖານີສັນຕິພາບໄດ້ຕົກລົງສູ່ມະຫາສະຫມຸດຢ່າງປອດໄພ,ສະຖານີອະວະກາດສັນຕິພາບເຊິ່ງເປັນສະຖານີອະວະກາດສຳເລັດຜົນກວ່າຫມູ່ໃນປະຫວັດມວນມະນຸດທີ່ນັບມາຮອດປະຈຸບັນ,ໄດ້ແຕ່ງເລື້ອງອັນບໍ່ສູນເສົ້າຢູ່ໃນໃຈຂອງຄົນທັງຫຼາຍ.
ທ່ານຟ້ານຈຽນຝຶງ ນັກຄົ້ນຄວ້າ ຫົວຫນ້າຫນ່ວຍຜູ່ຊ່ຽວຊານຂົງເຂດການບິນອະວະກາດໃນແຜນການ 863 ຂອງຈີນເວົ້າວ່າ,ສະຖານີອະວະກາດສັນຕິພາບແມ່ນຫລັກຫມາຍທາງໃນປະຫວັດການບິນອະວະກາດບັນທຸກຄົນ,ມັນໄດ້ປະກອບສ່ວນຫຼາຍກວ່າຫມູ່ໃນດ້ານການບິນອະວະກາດບັນທຸກຄົນເປັນເວລາດົນນານ,ທ່ານໂປລີຢາຄົຟ ນັກບິນອະວະກາດຢູ່ສະຖານີອະວະກາດສັນຕິພາບ ໄດ້ເຮັດວຽກຢູ່ເທິງສະຖານີອະວະກາດຕິດໆກັນ 438 ມື້,ເຊິ່ງເປັນການເຮັດວຽກຢູ່ສະຖານີອະວະກາດດົນນານກວ່າຫມູ່ຢ່າງບໍ່ເຄີຍມີໃນປະຫວັດສາດ.
ທ່ານຟ້ານຈ້ຽນຝຶງເຫັນວ່າ,ໃນຈຳນວນເຄື່ອງບິນອະວະກາດບັນທຸກຄົນຢ່າງຍາວນານນັ້ນ,ໃນດ້ານອອກແບບອົງປະກອບຂອງສະຖານີອະວະກາດສັນຕິພາບກໍມີຄວາມກ້າວຫນ້າຫຼາຍ,ມັນອັດແຈບທີ່ສຸດ ແລະບໍ່ເພງ່າຍ.
ສຸດທ້າຍທ່ານຟ້ານຈ້ຽນຝຶງເວົ້າວ່າ,ການນຳໃຊ້ສະຖານີອະວະກາດສັນຕິພາບແມ່ນຫລັກຫມາຍທາງຫລັກຫນຶ່ງອີກຂອງມະນຸດໃນການຊອກຄົ້ນອະວະກາດພາຍຫລັງເຮືອເຫາະຈັກກະວານອັບໂປໂລຂຶ້ນດວງຈັນແລ້ວ,ມັນເຮັດໃຫ້ຄວາມຝັນຂອງມະນຸດທີ່ຢາກໄປຢູ່ອະວະກາດຍາວນານນັ້ນປະກົດເປັນຄວາມຈິງ.ມັນຍັງໄດ້ສ້າງພື້ນຖານເປັນຢ່າງດີໃຫ້ແກ່ມະນຸດສ້າງສະຖານີອະວະກາດໃຫຍ່ກວ່າເກົ່າຢູ່ເທິງອະວະກາດໃນພາຍຫນ້າແລະບິນໄປຫາດາວອື່ນໆ.
ທ່ານດາວສະເຕີລູບ ອະດີດຊ່າງອອກແບບສະຖານີອະະກາດຂອງກົມການບິນອະວະກາດອາເມລິກາ,ປະຈຸບັນເປັນຜູ້ຮັບຜິດຊອບແວບຊາຍອະວະກາດສາກົນເວົ້າວ່າ,ຊາວລັດເຊຍໄດ້ນຳຫນ້າພາຫມູ່ສ້າງສະຖານີອະວະກາດ,ຕົ້ນທຶນຍັງຕ່ຳກວ່າສະຖານີອະວະກາດສາກົນທີ່ພວມສ້າງໃນປະຈຸບັນຢ່າງຫຼວງຫຼາຍ,ນີ້ແມ່ນເລື້ອງອັດສະຈັນ,ສະຖານີອະວະກາດສັນຕິພາບໄດ້ສະຫນອງຊັບສິນອັນປະເສີດໃຫ້ແກ່ການຊອກຄົ້ນອະວະກາດໃນຂັ້ນຕໍ່ມາ,ການສ້າງສະຖານີອະວະກາດສາກົນຫ່າງເຫີນອອກຈາກບົດຮຽນທີ່ທ້ອນໂຮມໃນເວລາຄົ້ນຄວ້າເຮັດແລະນຳໃຊ້ສະຖານີອະວະກາດສັນຕິພາບແລະບົດຮຽນທາງລົບໃນອຸບັດຕິເຫດຕ່າງໆນັ້ນບໍ່ໄດ້.
ອະດີດວິສະວະກອນຄວບຄຸມການບິນອະວະກາດຂອງກົມການບິນອະະກາດອາເມລິກາກໍ່ເຫັນວ່າສະຖານີອະວະກາດສັນຕິພາບແມ່ນຂີດຫມາຍໃນເສັ້ນທາງຊອກຄົ້ນອະວະກາດອັນສະຫງ່າລາສີຂອງລັດເຊຍ.
ໂຄສົກຖະແຫຼງຂ່າວກົມການບິນອະະກາດເອີລົບເວົ້າວ່າ,ການປະກອບສ່ວນຂອງສະຖານີອະວະກາດສັນຕິພາບທີ່ມີຕໍ່ການຄົ້ນຄວ້າການບິນອະວະກາດໂລກນັ້ນແມ່ນບໍ່ສູນເສົ້າຈັກເທື່ອໃນຫຼາຍປີທີ່ຜ່ານມາ,ສະຖານີອະວະກາດສັນຕິພາບ,ໄດ້ຕ້ອນຮັບນັກບິນອະວະກາດຂອງ 10 ກວ່າປະເທດເຊິ່ງລວມທັງປະເທດສະມາຊິກກົມການບິນອະວະກາດເອີລົບ,ພວກເຂົາເຈົ້າໄດ້ພ້ອມກັນກັບນັກບິນອະວະກາດລັດເຊຍດຳເນີນການທົດລອງວິທະຍາສາດຢ່າງຫຼວງຫຼາຍຢູ່ສະຖານີອະວະກາດສັນຕິພາບ,ອັນໄດ້ຊຸກຍູ້ການພັດທະນາການຄົ້ນຄວ້າວິທະຍາສາດຕ່າງໆໃນໂລກ,ເມື່ອໄດ້ເຮັດວຽກຢ່າງດີເດັ່ນມາເປັນເວລາ 15 ປີແລ້ວ,ລັດເຊຍຈິ່ງຕົກລົງເຮັດໃຫ້ສະຖານີອະວະກາດສັນຕິພາບຫຼົ່ນລົງແມ່ນເຫມາະສົມທີ່ສຸດ,ແຕ່ວ່າການຕົກລົງມາຂອງມັນບໍ່ຫມາຍຄວາມວ່າການຄົ້ນຄວ້າການບິນອະວະກາດບັນທຸກຄົນໄດ້ສ້ຽງສຸດລົງ.ແຕ່ຫາກເປັນການເພີ່ມທະວີການສ້າງສະຖານີອະວະກາດສາກົນທີ່ມີຂະຫນາດໃຫຍ່ກວ່າເກົ່າອີກ.
ທ່ານຜູ່ຟັງທີ່ໂຄລົບ,ຕໍ່ໄປເຮົາຂໍສະເຫນີ 10 ເລື້ອງໃຫຍ່ຂອງສະຖານີອະະກາດສັນຕິພາບ,ສະຖານີອະະກາດສັນຕິພາບລັດເຊຍໄດ້ຜ່ານປະສົບການອັນສັບສົນ ແລ້ວໄດ້ຕົກລົງສູ່ມະຫາສະຫມຸດຢ່າງສຳເລັດຜົນໃນວັນທີ 23 ມີນາປີ 2001 ,ຕໍ່ໄປແມ່ນ 10 ເລື້ອງໃຫຍ່ຂອງະຖານີອະວະກາດສັນຕິພາບໃນ 15 ປີມານີ້:
1 ການເປັນຮູບເປັນຮ່າງຂຶ້ນໃນເບື້ອງຕົ້ນ,ປີ 1976 ,ບໍລິສັດປະສົມການຜະລິດວິທະຍາສາດພະລັງງານຂອງອະດີດສະຫະພາບໂຊວຽດ,ໄດ້ຕົກລົງຄົ້ນຄວ້າເຮັດສະຖານີອະວະກາດແບບໃຫມ່.
2ການຍິງສົ່ງຂຶ້ນສູ່ອະວະກາດ,ວັນທີ 20 ກຸມພາປີ 1986,ຫ້ອງຕົ້ນຕໍຂອງສະຖານີອະວະກາດສັນຕິພາບຖືກຍິງສົ່ງຂຶ້ນສູ່ວິຖີໂຄຈອນມໍ່ຫນ່ວຍໂລກຢ່າງສຳເລັດຜົນ.
1 2
|
|
|
