|
ລາວແມ່ນປະເທດກະສິກຳ,ແຕ່ໃນດ້ານເຜີຍແຜ່ເຕັກນິກລະບາຍນ້ຳທີ່ກ້າວໜ້າເຊັ່ນການພົ່ນນ້ຳແລະການຢອດນ້ຳໃນເນື້ອທີ່ກວ້າງເປັນຕົ້ນຍັງມີຄວາມຈຳກັດຫຼາຍ,ສະນັ້ນ ການເພີ່ມຄວາມແຮງກໍ່ສ້າງກິດຈະການທົ່ງນາ,ອອກແຮງຄົ້ນຄວ້າແລະເຜີຍແຜ່ເຕັກນິກລະບາຍນ້ຳຢູ່ໜ້າດິນແບບປະຢັດນ້ຳນັ້ນ ອາດຈະແມ່ນການຄັດເລືອກທີ່ດີໃນການປູກພືດກະສິກຳຂອງລາວ.
ການລະບາຍນ້ຳຢູ່ໜ້າດິນແມ່ນເຕັກນິກລະບາຍນ້ຳເຂົ້ານາທີ່ເກົ່າແກ່,ແຕ່ໃນປັດຈຸບັນມັນຍັງແມ່ນວິທີລະບາຍນ້ຳຊະນິດໜຶ່ງທີ່ຫຼາຍໆປະເທດໃນໂລກໂດຍສະເພາະແມ່ນປະເທດພວມພັດທະນານຳໃຊ້ໂດຍທົ່ວໄປ,ກວມ 90% ຂຶ້ນໄປຂອງເນື້ອທີ່ລະບາຍນ້ຳໃນໂລກ.
ຜູ້ຊ່ຽວຊານກະສິກຳເຫັນວ່າ,ການແປງທີ່ດິນໃຫ້ຮາບພຽງແມ່ນມາດຕະການສຳຄັນລາຍໜຶ່ງໃນການຍົກເຕັກນິກແລະຄຸນນະພາບລະບາຍນ້ຳຢູ່ໜ້າດິນໃຫ້ສູງຂຶ້ນ,ເຮັດໃຫ້ເວລາລະບາຍນ້ຳສັ້ນລົງ,ຍົກປະສິດທິພາບລະບາຍນ້ຳໃຫ້ສູງຂຶ້ນ,ປະຢັດນ້ຳແລະເພີ່ມພູນຜະລິດຜົນ. ໃນເວລາແປງທີ່ດິນໃຫ້ຮາບພຽງນັ້ນ,ກໍດັດສ້າງກິດຈະການທົ່ງນາເຊັ່ນ,ປ່ຽນແປງຍາວເປັນແປງສັ້ນ,ປ່ຽນແປງກວ້າງເປັນແປງແຄບ,ອອກແບບຄວາມນ້ອຍໃຫຍ່ຂອງຮ່ອງແປງແລະປະລິມານນ້ຳທີ່ໄຫຼເຂົ້າແປງນັ້ນຢ່າງສົມເຫດສົມຜົນ,ສາມາດເຮັດໃຫ້ການລະບາຍນ້ຳສະໝ່ຳສະເໝີກັນແລະຍົກປະສິດທິພາບໃນການລະບາຍນ້ຳໃຫ້ສູງຂຶ້ນຢ່າງຫຼວງຫຼາຍ.
ໃນຂະນະດຽວກັນນີ້,ດັດແປງວິທີລະບາຍນ້ຳທີ່ເຮັດໃຫ້ໜ້າດິນປຽກຊຸ່ມໝົດເຊິ່ງເປັນວິທີດັ້ງເດີມ,ດຳເນີນການລະບາຍນ້ຳເຂົ້າແປງແບບບາກັນຫຼືລະບາຍນ້ຳຢູ່ພາກສ່ວນໜຶ່ງ,ນີ້ບໍ່ພຽງແຕ່ຫຼຸດມາດຕາສ່ວນຂອງປະລິມານນ້ຳລະເຫີຍໃນດິນລະຫວ່າງຕົ້ນທີ່ກວມຍອດປະລິມານນ້ຳທີ່ລະເຫີຍໃນນາໃຫ້ໜ້ອຍລົງ,ເຮັດໃຫ້ປະສິດທິພາບນຳໃຊ້ນ້ຳຂອງດິນນາສູງຂຶ້ນຢ່າງເດັ່ນຊັດທໍ່ນັ້ນ,ຫາກຍັງສາມາດປົວແປງຄວາມຜຸຜຸ່ຍຂອງດິນຢູ່ເຂດຮາກຂອງພືດໃຫ້ດີຂຶ້ນ,ຊຸກຍູ້ໃຫ້ລະບົບຮາກເລິກເຂົ້າ,ຊ່ອຍໃຫ້ລະບົບຮາກນຳໃຊ້ດິນໃນຊັ້ນເລິກມາສະສົມນ້ຳ,ທັງມີຈຸດພິເສດສອງຢ່າງຄືປະຢັດນ້ຳແລະເພີ່ມພູນຜະລິດຜົນ,ເປັນຕາອອກແຮງເຜີຍແຜ່.
ນອກນີ້ ການດັດແປງວິທີປ່ອຍນ້ຳ,ປ່ຽນການປ່ອຍນ້ຳເຂົ້າຮ່ອງເຂົ້າແປງບາດດຽວແບບດັ້ງເດີມເປັນການປ່ອຍນ້ຳແບບພັກເຊົາ,ການລະບາຍນ້ຳແບບພັກເຊົາຖືກເອີ້ນເປັນການບຸກທະລຸໃນດ້ານເຕັກນິກລະບາຍນ້ຳຢູ່ໜ້າດິນໃນຊຸມປີ 80 ສະຕະວັດແລ້ວນີ້. ການປ່ອຍນ້ຳແບບພັກເຊົາເຮັດໃຫ້ກະແສນ້ຳໄຫຼໄປໜ້າແບບຟອງນ້ຳ,ຍ້ອນວ່າຮູໃນດິນປິດຢ່າງອັດຕະໂນມັດໄດ້,ຢູ່ໜ້າດິນຈະຈໍ່ຕົວເປັນຊັ້ນອັດຕັນບາງໆ,ກະແສນ້ຳໄຫຼໄປໜ້າໄວ. ໃນເວລາລະບາຍນ້ຳດ້ວຍປະມິມານນ້ຳທໍ່ກັນນັ້ນ,ຄວາມຫ່າງກັນຂອງກະແສນ້ຳໃນການລະບາຍແບບພັກເຊົານັ້ນແມ່ນ 1 ຮອດ 3 ເທົ່າຂອງການລະບາຍນ້ຳແບບຕໍ່ເນື່ອງກັນ,ອັນໄດ້ຫຼຸດການຮົ່ວໄຫຼຢູ່ຊັ້ນເລິກໃຫ້ໜ້ອຍລົງຢ່າງຫຼວງຫຼາຍ,ເຮັດໃຫ້ການລະບາຍນ້ຳສະໝ່ຳສະເໝີກວ່າເກົ່າ,ຕົວເລກດັດຊະນີນຳໃຊ້ນ້ຳໃນທົ່ງນາສາມາດບັນລຸ 0,8 ຮອດ 0,9.
ສີ່,ຍັງສາມາດດັດແປງເຄື່ອງປະກອບປ່ອຍນ້ຳເຂົ້າຮ່ອງເຂົ້າແປງ,ໃຊ້ຫຼອດດູດນ້ຳແບບສາຍຮຸງ(ໃຊ້ໃນການລະບາຍນ້ຳເຂົ້າເໝືອງ)ຫຼືຫຼອດປະຕູເຄື່ອນທີ່ຢູ່ໜ້າດິນ(ໃຊ້ໃນການລະບາຍນ້ຳດ້ວຍທໍ່)ມາປ່ອຍນ້ຳເມື່ອທຽບກັບການໃຊ້ແຮງຄົນເປີດຮູປ່ອຍນ້ຳແລ້ວ,ອັດຕານຳໃຊ້ນ້ຳໃນທົ່ງນາສາມາດສູງເຖິງ 5% ຮອດ 10%.
ການລະບາຍນ້ຳເທິງເຍື່ອບາງແມ່ນວິທີລະບາຍນ້ຳຢູ່ໜ້າດິນອັນໃໝ່ຊະນິດໜຶ່ງທີ່ຈີນພັດທະນາບົນພື້ນຖານເຕັກນິກປູກຝັງທີ່ຫຸ້ມດ້ວຍເຍື່ອບາງ. ຄືປູເຍື່ອບາງຢ່ໃນແປງຫຼືູຮ່ອງ,ແລ້ວລະບາຍນ້ຳດ້ວຍເຍື່ອບາງ,ນີ້ແມ່ນການລະບາຍນ້ຳແບບພາກສ່ວນຊະນິດໜຶ່ງ. ເມື່ອປະສານສົມທົບກັບການປູກຝັງທີ່ຫຸ້ມດ້ວຍເຍື່ອບາງແລ້ວ,ມັນມີຈຸດພິເສດປະຢັດນ້ຳ,ຮັກສາຝຸ່ນ,ຍົກອຸນຫະພູມຂອງດິນໃຫ້ສູງຂຶ້ນ,ສະກັດກັ້ນການເກີດຫຍ້າແລະຊຸກຍູ້ໃຫ້ພືດມີຜົນຜະລິດສູງ,ຄຸນນະພາບດີແລະສຸກໄວເປັນຕົ້ນ.
|
