|
ຈີນຍິນດີຂະຫຍາຍການພົວພັນໝູ່ຄູ່ຍຸດທະສາດທີ່ອວ່າຍໜ້າໄປສູ່ສັນຕິພາບແລະຄວາມຈະເລີນຮຸ່ງເຮືອງກັບກຸ່ມອາຊຽນ
cri
Author: da
ຕາມຂ່າວCRI: ໃນງານຊຸມນຸມນັກຂ່າວທີ່ຈັດຂຶ້ນຢູ່ທີ່ປັກກິ່ງໃນວັນທີ 6 ມີນາ,ທ່ານຫຼີຈາວຊິງ ລັດຖະມົນຕີການຕ່າງປະເທດຈີນເວົ້າວ່າ, ຈີນຍິນດີຂະຫຍາຍການພົວພັນໝູ່ຄູ່ຍຸດທະສາດທີ່ອວ່າຍໜ້າໄປສູ່ສັນຕິພາບແລະຄວາມຈະເລີນຮຸ່ງເຮືອງກັບກຸ່ມອາຊຽນ ບົນພື້ນຖານຕ່າງຝ່າຍຕ່າງມີຜົນປະໂຫຍດແລະໄດ້ຜົນທັງສອງຝ່າຍ.
ທ່ານຫຼີຈາວຊິງເວົ້າວ່າ,ຂະບວນເຂດການຄ້າເສລີຈີນ-ອາຊຽນໄດ້ເລີ່ມຂຶ້ນຮອບດ້ານ,ຍອດມູນຄ່າການຄ້າສອງຝ່າຍໃນປີກາຍໄດ້ບັນລຸ 105 ຕື້ 800 ລ້ານໂດລາສະຫະລັດ,ໄດ້ບັນລຸຄາດໝາຍກ່ອນເວລາກຳນົດ.
ທ່ານຫຼີຈາວຊິງເວົ້າວ່າ,ປີກາຍນີ້ ພາຍຫຼັງເກີດໄພຊູນາມີແລ້ວ,ຈີນໄດ້ສະໜອງການຊ່ອຍເຫຼືອຕາມຄວາມສາມາດຂອງຕົນໃຫ້ເຂດປະສົບໄພ,ໄດ້ຮັບການຕີລາຄາສູງຢ່າງກວ້າງຂວາງ.ເຊັ່ນດຽວກັນ,ກໍມີພົນລະເມືອງຈີນຫຼາຍສິບຄົນເສຍຊີວິດແລະບາດເຈັບໃນໄພພິບັດເທື່ອນີ້,ລັດຖະບານແລະປະຊາຊົນຂອງປະເທດໃກ້ຄຽງໄດ້ເບິ່ງແຍງພວກເຂົາເຈົ້າຢ່າງຫຼວງຫຼາຍ,ທ່ານສະແດງຄວາມຂອບອົກຂອບໃຈນຳປະເທດໃກ້ຄຽງເຫຼົ່ານີ້.
|
|
