|
ຈີນສືບຕໍ່ສະໜອງການຊ່ອຍເຫຼືອການສ້າງສາຄືນໃໝ່ຫຼັງໄພຄື້ນຊູນາມີແກ່ໄທແລະອິນໂດເນເຊຍ
cri
Author: q
ຕາມຂ່າວCRI,ວັນທີ7ມີນາ,ນັກຂ່າວໄດ້ຊາບຈາກຫ້ອງການຖະແຫຼງຂ່າວກະຊວງການຄ້າຈີນວ່າ,ພາຍຫຼັງໄພຄື້ນຊູນາມີມະຫາສະໝຸດອິນເດຍ,ລັດຖະບານຈີນໄດ້ສະໜອງການຊ່ອຍເຫຼືອກູ້ໄພຈຳນວນຫຼວງຫຼາຍແກ່ບັນດາປະເທດປະສົບໄພ.ປັດຈຸບັນ,ການຊ່ອຍເຫຼືອຂອງລັດຖະບານຈີນໄດ້ຫັນໄປສູ່ວຽກງານສ້າງສາຄືນໃໝ່ຫຼັງໄພພິບັດເປັນເທືອລະກ້າວ.
ຕາມໄດ້ຊາບ,ປັດຈຸບັນ,ໂດຍຕອບສະໜອງຄວາມຮຽກຮ້ອງຂອງລັດຖະບານທີ່ຮັບການຊ່ອຍເຫຼືອ,ລັດຖະບານຈີນໄດ້ຕົກລົງ ສະໜອງເຮືອນຊົ່ວຄາວງວດໜຶ່ງໃຫ້ໄທແລະອິນໂດເນເຊຍ,ພັດສະດຸທີ່ກ່ຽວຂ້ອງກໍໄດ້ຂົນສົ່ງໄປຮອດເຂດປະສົບໄພຕາມໆກັນແລ້ວ.
|
|
