|
ສື່ມວນຊົນອາເມລິກາເຜີຍແບພາບວິດີໂອໃໝ່ທີ່ທະຫານອາເມລິກາປະຈຳອີຣັກ ທໍລະມານນັກໂທດ
cri
Author: MO
ຕາມຂ່າວສານຊີນຮວາ: ວັນທີ 7 ມີນາ, ໜັງສືພິມສະບັບໜຶ່ງຂອງລັດຟຼໍລິດາແຫ່ງອາເມລິກາໄດ້ເຜີຍແບພາບວິດີໂອໃໝ່ກ່ຽວກັບທະຫານອາເມລິກາປະຈຳອີຣັກທໍລະມານນັກໂທດ. ໃນນັ້ນ, ບໍ່ພຽງແຕ່ມີພາບທະຫານອາເມລິກາທໍລະມານນັກໂທດອີຣັກ, ແຕ່ລະພາກສ່ວນຍັງມີຫົວຂໍ້ທີ່ຫຍາບຊ້າ.
ຕາມເອກະສານຂອງກະຊວງປ້ອງກັນປະເທດທີ່ໄດ້ເປີດເຜີຍແລ້ວສະແດງໃຫ້ເຫັນວ່າ, ການສຳຫລວດຕາມຫລັງຂອງທະຫານບົກອາເມລິກາກ່ຽວກັບເລື່ອງນີ້ເຫັນວ່າ, ການກະທຳຂອງທະຫານເຫຼົ່ານີ້ບໍ່ເໝາະສົມ, ແຕ່ບໍ່ເຖິງລະດັບການຕ້ອງໂທດ, ສະນັ້ນ, ຈຶ່ງບໍ່ໃຫ້ລົງໂທດ.
ພາຍຫລັງເຫດການທໍລະມານນັກໂທດຢູ່ຄຸກອາບູກຼາອິບແຫ່ງອີຣັກຖືກເຜີຍແບແລ້ວ, ທຳນຽບ 5 ແຈຍຶດໝັ້ນກ່າວວ່າ, ເຫດການທໍລະມານນັກໂທດພຽງແຕ່ແມ່ນເລື່ອງບັງເອີນທໍ່ນັ້ນ. ແຕ່ອົງການສິດທິມະນຸດອົງການໜຶ່ງຂອງອາເມລິກາກ່າວວ່າ, ເອກະສານຕ່າງໆທີ່ເຂົາຮັບນັ້ນສະແດງໃຫ້ເຫັນວ່າ, ເຫດການທໍລະມານນັກໂທດມີຢູ່ທົ່ວໄປ.
|
|
