|
ຕາມຂ່າວCRI,ວັນທີ8ມີນາ,ທ່ານໂມຟາສ໌ ລັດຖະມົນຕີກະຊວງປ້ອງກັນປະເທດອິສຣາແອນກ່າວວ່າ,ພາຍໃນບໍ່ເທົ່າໃດມື້ຂ້າງໜ້າ,ອິສຣາແອນອາດຈະມອບສິດຄວບຄຸມຄວາມປອດໄພຂອງສອງຕົວເມືອງຢູ່ຝັ່ງຕາເວັນຕົກແມ່ນ້ຳຈໍແດນໃຫ້ຝ່າຍປາເລັສຕິນ.ກ່ອນໜ້ານີ້,ທ່ານອັບບັສ ປະທານອົງການອຳນາດແຫ່ງຊາດປາເລັສຕິນກ່າວວ່າ,ຝ່າຍປາເລັສຕິນໄດ້ກຽມພ້ອມເປັນຢ່າງດີແລ້ວຈະຮັບຄວບຄຸມເຂດທີ່ອິສຣາແອນຈະຖອນອອກ.
ໃນມື້ດຽວກັນ,ທ່ານອານນານ ເລຂາທິການໃຫຍ່ອົງການສະຫະປະຊາຊາດໄດ້ຮຽກຮ້ອງໃຫ້ບັນດາຝ່າຍຈົ່ງກຳໂອກາດບັນລຸສັນຕິພາບໃນສະເພາະໜ້ານີ້,ຢຸດຕິການປະທະກັນລະຫວ່າງອິສຣາແອນກັບປາເລັສຕິນຢ່າງແທ້ຈິງ.
|
