|
ການເຊີດສິງໂຕແມ່ນການເຄື່ອນໄຫວລື້ນເລີງສະຫຼອງທີ່ສືບກັນມາເຊິ່ງຊາດຈີນນີຍົມຊົມຊອບຫຼາຍ.ບໍ່ວ່າຢູ່ແຜ່ນດິນໃຫຍ່ຈີນຫຼືວ່າຢູ່ໄຕ້ຫວັນ ເກາະດອນປະເສີດຂອງຈີນແລະຢູ່ແຫ່ງຕ່າງໆໃນໂລກ,ທະແນມແຕ່ຢູ່ບ່ອນທີ່ມີຊາວຈີນກໍຈະມີຖັນແຖວເຊີດສິງໂຕຢ່າງຟົດຟື້ນ.ການເຊີດສິງໂຕຂອງຈີນມີປະຫວັດດົນນານ,ຕົ້ນຕໍແບ່ງເປັນສອງປະເພດຄືພາກໃຕ້ແລະພາກເຫນືອ,ການເຊີດສິງໂຕຂອງພາກໃຕ້ເນັ້ນ ຫນັກການປ່ຽນແປງໃນດ້ານກິລິຍາແລະສີໄມ້ລາຍມື,ໂຍທົ່ວໄປແລ້ວ ຮູບການຕົ້ນຕໍແມ່ນໃຫ້ສອງຄົນເຊີດສິງໂຕ,ວາດຟ້ອນຄ່ອງແຄ້ວແລະມີການປ່ຽນແປງຫຼາຍຢ່າງຫຼາຍແນວ,ການເຊີດສິງໂຕຂອງພາກເຫນືອເນັ້ນຫນັກບັນຍາກາດທະນົງອົງອາດ ໂດຍທົ່ວໄປມີ 10 ກວ່າຄົນຈົນກະທັ້ງຫຼາຍສິບຄົນເຊີດໄປພ້ອມກັນ.ຕາມຫນັງສືພິມລາຊະວົງຮ້ານບັນທຶກໄວ້ວ່າ ຫວ່າງສະໄຫມລາຊະວົງຊີຮ້ານພຸ້ນ ການເຊິດສິງໂຕໄດ້ເຜີຍແຜ່ຢູ່ເຂດພາກເຫນືອຂອງຈີນ,ແລ້ວກາຍເປັນການດ້ານຮີດຄອງປະເພນີທີ່ສືບກັນມາໃນຫມູ່ໃນການໄລ່ຜີແລະນຳໂຊກ,ຫຼັງຈາກນັ້ນ,ກໍ່ໄດ້ເຜີຍແຜ່ໄປຮອດພາກໃຕ້ເປັນເທື່ອລະກ້າວ,ຢູ່ແຖບເຂດກວາງຊີ
ແຂວງກວາງຕຸ້ງ ແຂວງຈ່ຽງຈູ ແຂວງຟູຈ້ຽນແລະແຂວງເຈີຈ່ຽງໄດ້ເຜີຍແຜ່ອອກແລະມີການພັດທະນາ,ນັບມາຮອດປະຈຸບັນໄດ້ກາຍເປັນຮູບການອັນຫນຶ່ງໃນການເຄື່ອນໄຫວມ່ວນຊື່ນໃນຍາມບຸນຂອງຈີນ
ໃນສະໄຫມບູຮານ ຄົນທັງຫຼາຍເຫັນວ່າສິງໂຕສາມາດໄລ່ຜີ,ສະນັ້ນຈຶ່ງຖືສິງໂຕເປັນເທບພະເຈົ້າແລ້ວບູຊາ.ວັດທະນະທຳຈີນກ່ຽວກັບສິງໂຕກໍອຸດົມສົມບຸນທີ່ສຸດ,ຢູ່ຫນ້າວັດບູຮານຫຼືສິ່ງກໍ່ສ້າງຂະຫນາດໃຫຍ່, ສ່ວນຫຼາຍມີສິງໂຕທີ່ຄວັດດ້ວຍຫີນ,ສີລະປະແກະສະຫຼັກແລະຮູບແຕ້ມສິງໂຕຊະ ນິດຕ່າງໆກໍມີວຢູ່ແຫ່ງຕ່າງໆ
ຢູ່ໄຕ້ຫວັນ,ໃນໂອກາດສະຫຼອງບຸນກຸດຈີນແລະມື້ບຸນອື່ນໆ,ຄົນທັງຫຼາຍຈະຟ້ອນສິງໂຕຫຼືເຊີດສິງໂຕຢູ່ຖະຫນົນຫົນທາງຫຼືບົນເວທີ,ທັງເຊີດສິງໂຕທັງຕີຄ້ອງຕີກອງ,ແລະຈູດຫມາກກະໂພກ,ຄົນທັງຫຼາຍເບີກບານມ່ວນຊື່ນຢ່າງສົມອົກສົມໃຈ
ການເຊີດສີງໂຕຂອງໄຕ້ຫວັນຕົ້ນຕໍໄດ້ສືບທອດຈຸດພິເສດເຊີດສິງໂຕຂອງພາກໃຕ້ແຜ່ນດິນໃຫຍ່ຈີນໂດຍສະເພາະແມ່ນຢູ່ແຖບແຂວງຟູຈ້ຽນແລະແຂວງກວາງຕູ້ງ,ນີ້ຕົ້ນຕໍສະແດງໃຫ້ເຫັນຢູ່ໃນຈັງຫວະແລະກິລິຍາຂອງການເຊີດສິງໂຕ,ໃນທ່າມກາງສຽງຄ້ອງສຽງກອງ,ດັງຟົດສະນັ່ນ ຜູ່ເຊີດສິງໂຕໄດ້ເຮັດທ່າທາງຕ່າງໆຕາມສຽງກອງ,ຈັ່ງແມ່ນຟົດຟື້ນແທ້ໆ
ໃນດ້ານເຮັດສິງໂຕຂອງໄຕ້ຫວັນ,ຕົ້ນຕໍກໍ່ໄດ້ສືບທອດແລະຂະຫຍາຍຈຸດພິເສດຂອງແຖບແຂວງຟູຈ້ຽນແລະແຂວງກວາງຕູ້ງຂອງແຜ່ນດິນໃຫຍ່ຈີນ.ໃນດ້ານຮູບສິງໂຕຂອງໄຕ້ຫວັນໃນໄລຍະຕົ້ນຕໍໄດ້ສືບທອດຈຸດພິເສດສິງໂຕຂອງແຂວງຟູຈ້ຽນແຜ່ນດິນໃຫຍ່.ສ່ວນການເຊີດສິງໂຕຂອງໄຕ້ຫວັນໃນປະຈຸບັນຕົ້ນຕໍໄດ້ສືບທອດຮູບສິງໂຕຕື່ນນອນທີ່ນິຍົມກັນຫຼິ້ນຢູ່ແຖບແຂວງກວາງຕູ້ງ, ຮູບສິງໂຕຊະນິດນີ້ມີເຄື່ອງປະດັບເອ້ຢ່າງສວຍສົດງົດງາມ,ອົງປະກອບຫົວສິງໂຕແມ່ນສັບສົນຫຼາຍ ມີຮູບການຫຼາຍຢ່າງຫຼາຍແນວ,ໂດຍສະເພາະແມ່ນຕາສິງໂຕຫຼັບໄດ້ ມືນໄດ້ແລະປາກຂອງສິງໂຕອ້າໄດ້ ປິດໄດ້ ສີຫນ້າສິງໂຕຍິ່ງອຸດົມສົມບຸນແລະຫນ້າຮັກ.ໃນເວລາເຊີດສິງໂຕ ຜູ່ເຊີດເຄື່ອນໄຫວຢ່າງຄ່ອງແຄ້ວ,ສາມາດສ້າງບັນຍາກາດເຊີດສິງໂຕຢ່າງຟົດຟື້ນ ຄຶກຄຶ້ນ.ໃນດ້ານເຮັດສິງໂຕ, ໄດ້ເຮັດໂຕມັນດ້ວຍຜ້າແລະຫນັງ ແລະເຮັດຫົວສິງໂຕໃຫຍ່ແບບພາກໃຕ້ແຜ່ນດິນໃຫຍ່ຈີນ,ໃນເວລາສະແດງ ຕ້ອງສືດໄປມາຢ່າງໄວວາ ຫົວສິງໂຕກໍມີປ່ຽນເປັນຫຼາຍ,ບາງທີຫຼັກຕາພິບໆ ບາງທີແກວ່ງຫົວວັບໆ ບາງທີຄະໂຍງເຕັ້ນຂຶ້ນ ຈັ່ງແມ່ນເປັນຫນ້າເບິ່ງແທ້ໆ
ໃນຂະບວນການພັດທະນາການເຊິດສິງໂຕຂອງໄຕ້ຫວັນ,ໄດ້ຮັບເອົາເອົາສີໄມ້ລາຍມືດັ້ງເດີມຂອງກົງຟູຈີນ,ແລ້ວຈໍ່ຕົວຂຶ້ນເປັນຮູບການສະແດງຢູ່ເທິງເສົາ ຮູບການເຊີດສິງໂຕຢູ່ເທິງເສົາຂອງໄຕ້ຫວັນແມ່ນຍາກຫຼາຍສ່ວນຫຼາຍແມ່ນສະແດງຢູ່ເທິງເສົາທີ່ສູງຫຼາຍແມັດ,ເອົາການເຊິດສິງໂຕຊະນິດຕ່າງໆຢູ່ຫນ້າດິນໄປສະແດງຢູ່ເທິງເສົາ,ໃນເວລາຜູ່ຊົມເບິ່ງການສະແດງ,ສິງໂຕທີ່ຢູ່ບ່ອນສູງໂດດລົງມາແຕ່ເທິງຟ້າ,ຈັ່ງແມ່ນຫວາດສ້ຽວ
ຢູ່ໄຕ້ຫວັນ ນອກຈາກເຊີດສິງໂຕແລ້ວ,ເນື້ອໃນສິລະປະແກະສະຫຼັກແລະຮູບແຕ້ມກ່ຽວກັບສິງໂຕກໍອຸດົມສົມບູນທີ່ສຸດ,ແລະໄດ້ຮັບການສືບທອດແລະຂະຫຍາຍຕົວອອກ,ຕົວຢ່າງຄືຢູ່ຫນ້າສິ່ງກໍ່ສ້າງຂະຫນາດໃຫຍ່ຫຼາຍຫຼັງຫຼືຢູ່ຕໍ່ຫນ້າປະຕູຂອງສາມັນຊົນ ລ້ວນແຕ່ມີສິງໂຕທີ່ຄວັດດ້ວຍຫີນ,ເພື່ອໄລ່ຜີແລະນຳໂລກ
ການເຊີດສິງໂຕທີ່ເປັນການເຄື່ອນໄຫວດັ້ງເດີມແລະມີປະຫວັດດົນນານທີ່ຊາວຈີນມັກຫຼິ້ນນັ້ນບໍ່ວ່າຢູ່ແຜ່ນດິນໃຫຍ່ຂອງຈີນຫຼືວ່າຢູ່ໄຕ້ຫວັນໄດ້ຮັບຄວາມນິຍົມຊົມຊອບຫຼາຍຈາກຄົນທັງຫຼາຍ,ເຖິງວ່າຈຸດພິເສດຂອງການເຊິດສິງໂຕຕ່າງກັນກໍຕາມ,ແຕ່ສິ່ງທີ່ສະແດງອອກໃນການເຊີດສິງໂຕຢ່າງມ່ວນຊື່ນນັ້ນລ້ວນແຕ່ແມ່ນຄວາມພູມໃຈຂອງຊາວຈີນ
|
