|
ຕາມຂ່າວCRI on line ,ວັນທີ 3 ມີນາ ກອງປະຊຸມສະພາປຶກສາການເມືອງປະຊາຊົນຈີນຄັ້ງທີ 3 ສະໄຫມທີ 10 ໄດ້ຈັດຂຶ້ນຢ່າງຄຶກຄຶ້ນຢູ່ທີ່ປັກກິ່ງ,ກຳມະການ 2000ກວ່າຄົນທີ່ມາຈາກແຫ່ງຕ່າງໆຂອງຈີນໄດ້ເຕົ້າໂຮມກັນຢູ່ທີ່ນະຄອນຫຼວງ ປະກອບຄຳຄິດຄຳເຫັນແລະວາງຂໍ້ສະເຫນີໃຫ້ແກ່ການພັດທະນາຂອງຈີນ.ໃນນັ້ນ ຍັດຕິກ່ຽວກັບການໄປສະນີຮັບໃຊ້ກະສິກຳ ຊົນນະບົດແລະຊາວກະສິກອນທີ່ທ່ານວາງລິນຊຽງ ກຳມະການສະພາປຶກສາການເມືອງແຫ່ງຊາດສະເຫນີໃນປີ 2004 ໄດ້ຖືກຮັບເອົາຈາກລັດຖະບານສູນກາງແລະຈັດເຂົ້າໃນເອກະສານເລກຫນຶ່ງຂອງສູນກາງກ່ຽວກັບການຊຸກຍູ້ການສ້າງສາເສດຖະກິດໃນຊົນນະບົດຈີນທີ່ປະກາດໃນຕົ້ນເດືອນມັງກອນປີ 2005 , ກາຍເປັນຈຸດສຸມທີ່ສື່ມວນຊົນຫຼວງຫຼາຍເອົາໃຈໃສ່ນຳກັນ
ທ່ານວາງຊຽງລິນທີ່ປີນີ້ອາຍຸ 59 ປີໄດ້ຮັບນາມມະຍົດເປັນຜູ່ລິເລີ່ມວປະດິດຄິດຄົ້ນຜະລິດຝຸ່ນເພິນສືປາວ ຝຸ່ນເຄມີທີ່ດີກວ່າຫມູ່ຂອງຈີນ,ປັດຈຸບັນ ທ່ານດຳລົງຕຳແຫນ່ງເປັນປະທານຄະນະອຳນວຍການຂອງບໍລິສັດກຸ່ມເພິນສືປາວຈຳກັດຂອງເຂດກວາງຊີ, ທ່ານເຕີບໃຫຍ່ຢູ່ຊົນນະບົດທີ່ກວງໄກສອກຫຼີກແຫ່ງຫນຶ່ງຂອງເຂດກວາງຊີ,ທ່ານຮັກຫອມຊົນນະບົດແລະຊາວກະສິກອນຢ່າງເລິກເຊິ່ງ
ປີ 2004 ໃນໄລຍະຈັດກອງປະຊຸມສະພາປຶກສາການເມືອງປະຊາຊົນຈີນຄັ້ງທີ 2 ສະໄຫມທີ 10,ທ່ານວາງລິນຊຽງໄດ້ສະເຫນີຍັດຕິສະບັບຫນຶ່ງເພື່ອໃຊ້ໂຮງສາຂາໂຮງໄປສະນີຊົນນະບົດ 5 ຫມື່ນກວ່າແຫ່ງທົ່ວປະເທດ ບໍລິການສົ່ງຜະລິດຕະພັນປັດໄຈການຜະລິດໄປໃຫ້ຊົນນະບົດ,ແລ້ວໄດ້ຮັບຄວາມເອົາໃຈໃສ່ໃນຢ່າງສູງຈາກຜູ່ນຳຂອງຄະນະລັດຖະບານ,ຫ້ອງການຫນ່ວຍງານນຳພາວຽກງານຂອງຊົນນະບົດສູນກາງໄດ້ຈັດຕັ້ງພະນັກງານສະເພາະໃນທັນທີ ສຳຫຼວດ ຄົ້ນຄວ້າຂໍ້ສະເຫນີທີ່ທ່ານສະເຫນີອອກມາ,ໃນທີ່ສຸດໄດ້ຂຽນເນື້ອໃນກ່ຽວກັບການສົ່ງເສີມໃຫ້ລະບົບໄປສະນີບໍລິການຂົນສົ່ງພັດສະດຸທີ່ຕ້ອງການໃນການ ຜະລິດແລະຊີວິດການເປັນຢູ່ຂອງຊາວກະສິກອນໂດຍກົງເຂົ້າໃນເອກະສານເລກຫນຶ່ງຂອງສູນກາງທີ່ປະກາດໃນປີ2005 ແລະເສີມຂະຫຍາຍບົດບາດອັນຕັ້ງຫນ້າເພື່ອຊຸກຍູ້ໃຫ້ພັດທະນາເສດຖະກິດໃນຊົນນະບົດ
ເພື່ອແຕ່ງຍັດຕິທີ່ສະເຫນີໃຫ້ໄປສະນີຮັບໃຊ້ກະສິກຳ ຊົນນະບົດແລະຊາວກະສິກອນໃຫ້ດີ,ທ່ານວາງຊຽງລິນໄດ້ໃຊ້ເວລາະມານ 20 ປີ,ລົງໄປສຳຫຼວດຢູ່ຊົນນະບົດອັນກວ້າງໃຫຍ່ໄພສານ20 ກວ່າຂອງແຂວງ ກຳແພງນະຄອນແລະເຂດປົກຄອງຕົນເອງຂອງຈີນ.ໃນເວລາສຳຫຼວດ ທ່ານໄດ້ປະກົດເຫັນວ່າ ຢູ່ຊົນນະບົດຫຼາຍແຫ່ງທີ່ກວງໄກສອກຫຼີກຂອງຈີນ ຊ່ອງທາງຮັບເອົາຂ່າວຄາວ ພາຍນອກແມ່ນແຄບທີ່ສຸດ,ບຸລຸດໄປສະນີໃນຊົນນະບົດໄດ້ກາຍເປັນສາຍສຳພັນສາຍດຽວທີ່ຕິດຕໍ່ພົວພັນກັບຊົນນະບົດທີ່ຢູ່ສອກຫຼີກແລະໄປມາບໍ່ສະດວກ,ທ່ານວາງຊຽງລິນເຫັນວ່າ ບູລຸດໄປສະນີຊົນນະບົດມື້ໃດກໍຕ້ອງສົ່ງຈົດຫມາຍໃຫ້ທຸກບ້ານ ທຸກເຮືອນໃນຊົນນະບົດ,ຕິດຕໍ່ພົວພັນກັບມວນຊົນຊາວກະສິກອນໂດຍກົງ,ການສົ່ງພັດສະດຸກະສິກຳໄປໃຫ້ຊົນນະບົດສາມາດເສີມຂະຫຍາຍທ່າແຮງຂອງຕົນເປັນຢ່າງດີ
ທ່ານວາງຊຽງລິນແມ່ນນັກທຸລະກິດທີ່ມີຊື່ສຽງຜູ່ຫນຶ່ງ,ໃນທ້າຍຊຸມປີ 80 ຮອດຕົ້ນຊຸມປີ 90 ສະຕະວັດທີແລ້ວ,ທ່ານໄດ້ອີງໃສ່ຄວາມກ້າຫານແລະຄວາມເຫັນກວ້າງມອງໄກຂອງຕົນ,ເຜີຍແຜ່ຝຸ່ນເພິງສືປາວໃນຊົນນະບົດແຫ່ງຕ່າງໆຂອງຈີນ.ປັດຈຸບັນ ຝຸ່ນເພິງສືປາວໄດ້ຖືກຈັດເຂົ້າໃນໂຄງການເຜີຍແຜ່ຈຸດຫນັກຂອງຈີນ ໂຄງການພັດທະນາບຳບັດຄວາມທຸກຍາກຂອງຄະນະລັດຖະບານແລະໂຄງການກິດຈະການກິນອີ່ມນຸ່ງອຸ່ນຂອງລັດ ,ໄດ້ສ້າງປະສິດ ທິຜົນເສດຖະກິດສັງຄົມກາຍຮ້ອຍຕື້ຢວນ.ຝຸ່ນເພິງສືປາວຍັງໄດ້ສົ່ງຂາຍໃຫ້20 ກວ່າປະເທດແລະເຂດແຄ້ວນເຊັ່ນຍີ່ປຸ່ນ ອາເມລິກາ ເອີລົບແລະອາຊີອາຄະເນເປັນຕົ້ນ
ເລີ່ມແຕ່ປີ 1993ເປັນຕົ້ນມາ ທ່ານວາງຊຽງລິນໄດ້ຮັບເລືອກຕັ້ງເປັນກຳມະການສະພາປຶກສາການເມືອງແຫ່ງຊາດສາມສະໄຫມຢ່າງຕໍ່ເນື່ອງກັນ,ໃນສິບກວ່າປີມານີ້,ທ່ານໄດ້ສະເຫນີຍັດຕິຫຼາຍສິບສະບັບກ່ຽວກັບກະສິກຳ ການຄ້າແລະວັດທະນະທຳເປັນຕົ້ນ, ຍັດຕິບໍ່ຫນ້ອຍໄດ້ຖືກຮັບເອົາຈາກສູນກາງ.ກ່ຽວກັບເລື່ອງນີ້ ທ່ານວາງຊຽງລິນຮູ້ສຶກຄວາມປື້ມໃຈທີ່ສຸດ,ທ່ານກ່າວວ່າ:ຂ້າພະເຈົ້າຮູ້ສຶກວ່າຕົນເອງເປັນກຳມະການສະພາປຶກສາການເມືອງປະຊາຊົນ 3 ສະໄຫມຢ່າງຕໍ່ເນື່ອງກັນ,ບໍ່ໄດ້ເສຍແຮງລ້າໆ.ແຕ່ລະປີ ຢ່າງຫນ້ອຍຂ້າພະເຈົ້າຕ້ອງສະເຫນີຍັດຕິ 5 ສະບັບຂຶ້ນໄປ,ບາງທີສະເຫນີຮອດ13 ສະບັບ,ໃນຖານເປັນກຳມະການສະພາປຶກສາການເມືອງ,ຍັດຕິທີ່ຂ້າພະເຈົ້າເຫັນວ່າດີນັ້ນຂ້າພະເຈົ້າກໍຕ້ອງສະເຫນີອອກມາ,ທີ່ຈິງແລ້ວ ພວກຂ້າພະເຈົ້າແມ່ນໄດ້ຕັ້ງອົກຕັ້ງໃຈສະເຫນີຄວາມຄິດຄວາມເຫັນໃຫ້ລັດແລ້ວ
ທ່ານວາງຊຽງລິນບອກນັກຂ່າວວ່າ ປີ 2005 ທ່ານໄດ້ສະເຫນີຂໍ້ສະເຫນີຢ່າງລະອຽດກວ່າເກົ່າກ່ຽວກັບວິທີປະຕິບັດແລະຕົວຈິງຂອງຍັດຕິທີ່ໃຫ້ການໄປສະນີຮັບໃຊ້ກະສິກຳ ຊົນນະບົດແລະຊາວກະສິກອນ:ທ່ານເວົ້າວ່າ ຍັດຕິຂອງຂ້າພະເຈົ້າປີນີ້ຍັງໄດ້ສືບຕໍ່ຍັດຕິທີ່ສະເຫນີໃນປີ 2004 ເພື່ອຍົກລະດັບໃຫ້ສູງຂຶ້ນຕຶ່ມອີກ,ໃຫ້ມັນຂະຫຍາຍຕົວຕໍ່ໄປເປັນເວລາຍາວນານ,ຮັບໃຊ້ກະສິກຳ ຊົນນະບົດແລະຊາວກະສິກອນເປັນຢ່າງດີກວ່າເກົ່າ
ເນື້ອໃນຂອງຍັດຕິໃຫມ່ສະບັບນີ້ກ່ຽວຂ້ອງກັບການໃຫ້ໄປສະນີຮັບໃຊ້ກະສິກຳ ຊົນນະບົດແລະຊາວກະສິກອນມີດັ່ງນີ້ຄື:ບູລະນະລະບົບເຄືອຂ່າຍຈຳຫນ່າຍຕ່າງໆຂອງໄປສະນີໃຫ້ດີຂຶ້ນແລະຕັ້ງຮ້ານຄ້າຈຳຫນ່າຍເຄື່ອງໄປສະນີໃນຊົນນະບົດເປັນຕົ້ນ,ທ່ານວາງຊຽງລິນເຫັນວ່າ ເຮັດແບບນີ້ສາມາດ ເປີດກວ້າງຊ່ອງທາງປະກອບອາຊີບຂອງພາລະກອນໄປສະນີ,ທັງສາມາດເຜີຍແຜ່ທິດທາງນະໂຍບາຍຂອງລັດກ່ຽວກັບບັນຫາກະສິກຳ ຊົນນະບົດແລະຊາວກະສິກອນໄປຮອດຄອບຄົວນັບເປັນພັນເປັນຫມື່ນ
ທ່ານວາງຊຽງລິນກ່າວວ່າ ເຊື່ອວ່ານະໂຍບາຍດັ່ງກ່າວຈະໄດ້ຮັບການປະຕິບັດຢ່າງແທ້ຈິງໃນຊົນນະບົດອັນກວ້າງໃຫຍ່ໄພສານຂອງຈີນພາຍໃຕ້ຄວາມເອົາໃຈໃສ່ຂອງຜູ່ນຳສູນກາງ,ເຮັດໃຫ້ຊາວກະສິກອນໄດ້ຜົນປະໂຫຍດຈາກຍັດຕິສະບັບນີ້
|
