ຕາມຂ່າວສານຊິນຮວາ: ວັນທີ 9 ມີນາ ຢູ່ເມືອງເຈຣີໂຄ ເມືອງຝັ່ງຕາເວັນຕົກແມ່ນ້ຳຈໍແດນ, ເຈົ້າໜ້າທີ່ຮັກສາຄວາມປອດໄພຂອງປາເລັສຕິນແລະອິສລາແອນໄດ້ເຈລະຈາກັນສອງຮອບກ່ຽວກັບບັນຫາມອບຮັບສິດຄວບຄຸມຄວາມປອດໄພຂອງເມືອງດັ່ງກ່າວ, ແຕ່ບໍ່ໄດ້ກ້າວເຖິງຂັ້ນເປັນເອກະສັນກັນ.
ໂທລະພາບປາເລັສຕິນລາຍງານວ່າ, ຝ່າຍປາເລັສຕິນຢາກໄດ້ສິດຄວບຄຸມເມືອງເຈຣີໂຄພ້ອມເຂດອ້ອມຂ້າງໃຫ້ໝົດ, ແລະທວງໃຫ້ຝ່າຍອິສລາແອນມ້າງປົດກວດກາຂອງກອງທະຫານອິສລາແອນຫຼາຍແຫ່ງທີ່ຢູ່ອ້ອມແອ້ມເມືອງດັ່ງກ່າວ, ໃຫ້ຊາວປາເລັສຕິນຢູ່ເມືອງເຈຣີໂຄເຂົ້າອອກຢ່າງເສລີ. ແຕ່ຝ່າຍອິສລາແອນໄດ້ປະຕິເສດຄຳຮຽກຮ້ອງຂອງຝ່າຍປາເລັສຕິນ, ມີແຕ່ເຫັນດີມອບສິດຄວບຄຸມເມືອງເຈຣີໂຄເທົ່ານັ້ນ. ສອງຝ່າຍຈະສືບຕໍ່ເຈລະຈາກັນກ່ຽວກັບຂໍ້ປີກຍ່ອຍການມອບຮັບ.
|