|
|
 |
| (GMT+08:00)
2005-03-10 17:14:12
|
 |
|
ທິດທາງປະເທດດຽວສອງລະບອບຈະສືບຕໍ່ສົ່ງເສີມກຳລັງຊີວິດອັນແຂງແຮງ
cri
Author: da
ຕາມຂ່າວCRI:ວັນທີ 9 ມີນາ ຢູ່ທີ່ປັກກິ່ງ,ທ່ານນາງຫຼີວຢັນຕຸງ ຮອງປະທານສະພາປຶກສາການເມືອງແຫ່ງຊາດຈີນເວົ້າວ່າ,ແຕ່ຮົງກົງແລະມາກາວກັບຄືນສູ່ປະເທດຊາດມານີ້,ສອງເຂດດັ່ງກ່າວມີສະຖຽນລະພາບທາງການເມືອງ,ເສດຖະກິດແລະສັງຄົມກໍຈະເລີນຮຸ່ງເຮືອງ,ພຶດຕິກຳຢັ້ງຢືນໃຫ້ເຫັນວ່າ,ທິດທາງປະເທດດຽວສອງລະບອບຖືກຕ້ອງທີ່ສຸດ,ທັງຈະສືບຕໍ່ສົ່ງເສີມກຳລັງຊີວິດອັນແຂງແຮງ.
ໃນງານລ້ຽງກຳມະການສະພາປຶກສາການເມືອງແຫ່ງຊາດຂອງຮົງກົງແລະມາກາວທີ່ມາຮ່ວມກອງປະຊຸມປະຈຳປິຢູ່ປັກກິ່ງ,ທ່ານນາງຫຼີວຢານຕຸງເວົ້າວ່າ,ແຕ່ຮົງກົງແລະມາກາວກັບຄືນສູ່ປະເທດຊາດມານີ້,ກຳມະການສະພາປຶກສາການເມືອງແຫ່ງຊາດຂອງເຂດຮົງກົງແລະເຂດມາກາວໄດ້ເຮັດວຽກທີ່ມີຜົນສັກສິດຈຳນວນຫຼວງຫຼາຍໃນດ້ານຮັກສາຄວາມຈະເລີນຮຸ່ງເຮືອງແລະສະຖຽນລະພາບຂອງຮົງກົງແລະມາກາວ.ພີ່ນ້ອງຮ່ວມຊາດຮົງກົງແລະມາກາວອັນໄພສານຍັງຕັ້ງໜ້າສະໜັບສະໜູນແລະເຂົ້າຮ່ວມການສ້າງສາເສດຖະກິດຢູ່ເຂດໃນ,ໄດ້ປະກອບສ່ວນຢ່າງຕັ້ງໜ້າເຂົ້າໃນການປະຕິຮູບແລະໄຂປະຕູສູ່ພາຍນອກ ພາລະກິດສ້າງສາທັນສະໄໝຂອງຊາດ ແລະຊຸກຍູ້ການແລກປ່ຽນແລະການຮ່ວມມືລະຫວ່າງຮົງກົງ ມາກາວກັບເຂດໃນ.
ທ່ານນາງຫຼີວຢານຕຸງເວົ້າວ່າ,ພຶດຕິກຳພິສູດໃຫ້ເຫັນວ່າ,ທະແນມແຕ່ຍຶດໝັ້ນເຂົ້າໃຈແລະຜັນຂະຫຍາຍທິດທາງປະເທດດຽວສອງລະບອບຢ່າງຮອບດ້ານແລະຖືກຕ້ອງ,ຍຶດໝັ້ນເຮັດວຽກຕາມກົດໝາຍພື້ນຖານເຂດບໍລິຫານພິເສດ,ຍຶດໝັ້ນຢູ່ໃຕ້ຜືນທຸງທີ່ຊາວຮົງກົງປົກຄອງຮົງກົງແລະຊາວມາກາວປົກຄອງມາກາວ,ສາມັກຄີກັນຢ່າງກວ້າງຂວາງ,ຄວາມຈະເລີນຮຸ່ງເຮືອງແລະສະຖຽນລະພາບຖາວອນຂອງຮົງກົງແລະມາກາວກໍຈະມີການຮັບປະກັນຢ່າງແທ້ຈິງ.
|
|
|
