|
|
 |
| (GMT+08:00)
2005-03-10 19:16:07
|
 |
|
ອິນໂດເນເຊຍແລະມາເລເຊຍເຫັນດີຜ່ານການເຈລະຈາມາແກ້ໄຂການວິວາດກັນກ່ຽວກັບນ່ານທະເລ
cri
ຕາມຂ່າວສານຊິນຮວາ:ວັນທີ 9 ມີນາ,ທ່ານວີຣາຢູດາ ລັດຖະມົນຕີການຕ່າງປະເທດອິນໂດເນເຊຍໄດ້ພົບປະທ່ານເຊອິດ ຮາມິດ ລັດຖະມົນຕີການຕ່າງປະເທດມາເລເຊຍທີ່ໄປຢ້ຽມຢາມ,ໄດ້ເຫັນດີໃນເບື້ອງຕົ້ນວ່າ,ຈະຜ່ານການເຈລະຈາທາງການທູດມາແກ້ໄຂການວິວາດກັນກ່ຽວກັບນ່ານທະເລພາກຕາເວັນອອກສຽງເຫືນອຂອງເກາະກາລີມານຕານແຫ່ງອິນໂດເນເຊຍຂຶ້ນກັບປະເທດໃດ.
ພາຍຫລັງການພົບປະເຈລະຈາຂອງລັດຖະມົນຕີການຕ່າງປະເທດ,ກະຊວງການຕ່າງປະເທດອິນໂດເນເຊຍອອກຖະແຫລງການວ່າ,ຫນ່ວຍຜູ້ຊ່ຽວຊານຂອງສອງປະເທດຈະປຶກສາຫາລືກັນເປັນຄັ້ງທຳອິດໃນວັນທີ 22 ແລະວັນທີ 23 ມີນາ,ເພື່ອເຈລະຈາກັນຕື່ມອີກກ່ຽວກັບບັນຫາເຂດທະເລຢູ່ພາກຕາເວັນອອກສຽງເຫນືອຂອງເກາະກາລີມານຕານຂອງອິນໂດເນເຊຍຂຶ້ນກັບປະເທດໃດ.
ເຂດທະເລພາກຕາເວັນອອກສຽງເຫນືອເກາະກາລີມານຕານມີຊັບພະຍາກອນນ້ຳມັນແລະອາຍແກັສອຸດົມສົມບູນ,ເປັນຈຸດເດືອດແຫ່ງການຍາດຊິງກັນລະຫວ່າງມາເລເຊຍກັບອິນໂດເນເຊຍ.ເດືອນກຸມພາປີນີ້,ຍ້ອນການຂຸດຄົ້ນນ້ຳມັນເຊື້ອໄຟຈິ່ງພາໃຫ້ອິນໂດເນເຊຍແລະມາເລເຊຍເກີດມີການວິວາດກັນກ່ຽວກັບເຂດທະເລພາກຕາເວັນອອກສຽງເຫນືອເກາະກາລີມານຕານຂຶ້ນກັບປະເທດໃດ.ການພົວພັນລະຫວ່າງສອງປະເທດເຄີຍເຄັ່ງຕຶງຂຶ້ນໃນຊົ່ວໄລຍະຫນຶ່ງ.
|
|
|
