|
ຝ່າຍທະຫານບຸນກາລີວິນິດໄສວ່າ,ທະຫານອາເມລິກາ"ຫລົງຍິງ"ທະຫານບຸນກາລີຈົນຕາຍ
cri
ຕາມຂ່າວສານຊິນຮວາ:ວັນທີ 9 ມີນາ,ຝ່າຍທະຫານບຸນກາລີກ່າວວ່າ,ຝ່າຍບຸນກາລີວິນິດໄສວ່າ,ທະຫານບຸນກາລີທີ່ຖືກທະຫານອາເມລິກາຍິງຕາຍຢູ່ອີຣັກໃນອາທິດແລ້ວນີ້ແມ່ນຍ້ອນສອງຝ່າຍມີຄວາມຫຍຸ້ງຍາກໃນການສື່ສານ ແລ້ວຖືກທະຫານອາເມລິກາ"ຫລົງຍິງ"ຈົນຕາຍ.
ວັນທີ 4 ມີນາ,ທ້າວເກີດເດັບ ທະຫານບຸນກາລີຖືກທະຫານອາເມລິກາຍິງຕາຍຢູ່ບ່ອນຫ່າງຈາກແບກແດດໄປທາງໃຕ້ປະມານ 160 ກິໂລແມັດ.ພາຍຫລັງຂ່າວນີ້ຊ່າລືອອກມາແລ້ວ,ໄດ້ເກີດມີປະຕິກິລິຍາຢ່າງຮຸນແຮງຢູ່ບຸນກາລີ,ມວນຊົນຮຽກຮ້ອງໃຫ້ຝ່າຍທະຫານອາເມລິກາສືບສວນເຫດການດັ່ງກ່າວຢ່າງຮອບດ້ານ,ລົງໂທດຜູ້ກ່ຽວຢ່າງເຂັ້ມງວດ.
|
|
