|
ຕອນເຊົ້າມື້ຫນຶ່ງຫລັງບຸນກຸດຈີນ, ສຽງໂທລະສັບໄດ້ປຸກນັກຂ່າວຕື່ນນອນ:"ແມ່ນນັກຂ່າວລີບໍ່,ຂ້າພະເຈົ້າແມ່ນກຳມະການຢາງຈື້ຟູຂອງມະຫາວິທະຍາໄລກະສິກຳ.ຂ້າພະເຈົ້າຫາກໍ່ຜ່າຕັດຕາ, ອາດຈະເຂົ້າຮ່ວມກອງປະຊຸມສອງສະພາບໍ່ໄດ້ແລ້ວ, ຢາກຂໍລົມກັບທ່ານວ່າ, ຂ້າພະເຈົ້າຢາກຮຽກຮ້ອງໃຫ້ສົນໃຈນຳບັນຫາກ່ຽວກັບການສ້າງຖັນແຖວເຜີຍແຜ່ເຕັກນິກກະສິກຳ."
ທ່ານຢາງຈື້ຟູແມ່ນສາສະດາຈານຂອງມະຫາວິທະຍາໄລກະສິກຳຈີນ, ທ່ານໄດ້ເປັນກຳມະການວົງການກະສິກຳຂອງສະພາປຶກສາການເມືອງແຫ່ງຊາດຈີນສາມສະໄຫມແລ້ວ.ໃນຫລາຍປີມານີ້ ເພື່ອແກ້ໄຂບັນຫາຊົນນະບົດ ກະສິກຳແລະຊາວກະສິກອນ, ທ່ານໄດ້ຫ້າວຫັນເຮັດວຽກຢ່າງຫລວງຫລາຍ. ກ່ອນວັນຊາດ 1 ຕຸລາປີກາຍນີ້,ໃນເວລາຂ້ຽວຂຽນບົດລາຍງານໃຫ້ສູນກາງ, ທ່ານຢາງຈື້ຟູຮູ້ສຶກເຈັບຕາ, ເມື່ອເຂົ້າໂຮງຫມໍແລ້ວແພດບົ່ງມະຕິວ່າແມ່ນຕາເຂົ້າເຝື້ອ.ຕົ້ນເດືອນທັນວາປີກາຍ, ທ່ານໄດ້ຮັບການຜ່າຕັດ,ແຕ່ຍ້ອນມູນເຫດຕ່າງໆ, ເຮັດໃຫ້ທ່ານເກືອບບໍ່ເຫັນຮຸ່ງ.
ເພື່ອກອງປະຊຸມສະພາປຶກສາການເມືອງໃນປີນີ້, ທ່ານໄດ້ທຳການກະກຽມເປັນເວລາດົນນານ.ທ່ານມີຫລາຍສິ່ງຫລາຍຢ່າງຢາກຈະກ່າວໃນກອງປະຊຸມ."ເຖິງວ່າຂ້າພະເຈົ້າເຫັນບໍ່ແຈ້ງປານໃດ,ແຕ່ແນວຄິດຂອງຂ້າພະເຈົ້າບໍ່ໄດ້ຖືກຜູກມັດ, ຂ້າພະເຈົ້າຍັງສະແດງຄວາມຄິດໄດ້ຢູ່."
ທ້າຍເດືອນສິງຫາປີກາຍນີ້,ທ່ານຢາງຈື້ຟູໄດ້ເຂົ້າຮ່ວມຫນ່ວຍສຳຫລວດຄົ້ນຄວ້າບັນຫາສ້າງສາກະສິກຳໃຫ້ຈະເລີນດ້ວຍວິທະຍາສາດເຕັກນິກທີ່ຈັດໂດຍຄະນະກຳມາທິການການສຶກສາ ວິທະຍາສາດ ວັດທະນະທຳ ສາທາລະນະສຸກແລະການກິລາຂອງສະພາປຶກສາການເມືອງປະຊາຊົນແຫ່ງຊາດຈີນ,ໃນເວລາເກືອບເຄິ່ງປີ, ທ່ານໄດ້ລົງສູ່ແຂວງຈ່ຽງຊູ ແຂວງຫູຫນານແລະແຂວງກຸ້ຍໂຈ່ວ,ໄປຮອດບ່ອນໃດ,ທ່ານກໍ່ດີໃຈຫລາຍທີ່ໄດ້ເຫັນວ່າ, ຖັນແຖວເຜີຍແຜ່ວິທະຍາສາດເຕັກນິກກະສິກຳທີ່ສ້າງຕັ້ງຂຶ້ນໃນຫລາຍສິບປີມານີ້ໄດ້ເສີມຂະຫຍາຍບົດບາດຢ່າງໃຫຍ່ຫລວງໃນດ້ານບໍລິການຊາວກະສິກອນ.ແຕ່ປັດຈຸບັນ ຖັນແຖວເຜີຍແຜ່ວິທະຍາສາດເຕັກນິກກະສິກຳໂດຍສະເພາະແມ່ນຖັນແຖວຮາກຖານພັດພວມປະເຊີນກັບສະພາບການທີ່ພະນັກງານຫນີໄປເຮັດວຽກຢູ່ບ່ອນອື່ນ.
ທ່ານຢາງຈື້ຟູໄດ້ຍົກເອົາຕົວເລກຫລາຍໂຕຄື:ປັດຈຸບັນ ໃນຖັນແຖວຜະລິດກະສິກຳຂອງຈີນມີ 1 ລ້ານກວ່າຄົນ, ຜູ່ຫນີໄປເຮັດວຽກຢູ່ບ່ອນອື່ນມີເກືອບ 25% ,ພວກເຂົາເຈົ້າສ່ວນຫລາຍແມ່ນພະນັກງານເຜີຍແຜ່ວິທະຍາ ສາດເຕັກນິກກະສິກຳທີ່ຕິດຕໍ່ກັບຊາວກະສິກອນໂດຍກົງຢູ່ຮາກຖານຊົນນະບົດ.
ຕາເບື້ອງຂວາຂອງທ່ານຢາງຈື້ຟູໄດ້ຮັບການຜ່າຕັດສອງເທື່ອ, ແຕ່ບໍ່ເຄີຍໄດ້ຍິນເພິ່ນຈົ່ມວ່າເຈັບຈັກເທື່ອ.ເມື່ອເວົ້າເຖິງຖັນແຖວເຜີຍແຜ່ວິທະຍາ ສາດເຕັກນິກກະສິກຳຂັ້ນຮາກຖານຫນີໄປບ່ອນອື່ນ, ທ່ານກໍ່ໄດ້ເວົ້າຫລາຍເທື່ອວ່າເປັນຫນ້າເສຍໃຈແທ້.ເພື່ອເຮັດໃຫ້ຖັນແຖວນີ້ໂດຍສະເພາະແມ່ນຖັນແຖວຮາກການຫມັ້ນທ່ຽງ,ທ່ານຢາງຈື້ຟູຫວັງໃຫ້ນັກຂ່າວຊ່ອຍເພິ່ນຮຽກຮ້ອງວ່າ:"ສະເຫນີໃຫ້ສູນກາງແລະທ້ອງຖີ່ນຕ້ອງໃຫ້ການຮັບປະກັນຕໍ່ຜູ່ບໍລິການຢູ່ຮາກຖານ." ທ່ານໄດ້ຄິດໄລ່ບັນຊີໃຫ້ນັກຂ່າວຊາບວ່າ, ສະເລ່ຍແລ້ວ, ການເຮັດໃຫ້ພະນັກງານເຜີຍແຜ່ເຕັກນິກກະສິກຳຜູ່ຫນຶ່ງເຮັດວຽກຢ່າງຫມັ້ນທ່ຽງ, ປີຫນຶ່ງຕ້ອງເສຍເງິນເດືອນແລະຄ່າເຮັດວຽກ 2 ຫມື່ນຢວນ, ສົມຫມຸດວ່າມີ 1 ລ້ານຄົນ, ຕ້ອງການຖັນແຖວບໍລິການທີ່ມີ 5 ແສນຄົນ,ຄ່າໃຊ້ຈ່າຍດັ່ງກາວປີຫນຶ່ງແມ່ນ 10 ຕື້ຢວນ,ແຕ່ພວກເຂົາເຈົ້າພຽງແຕ່ເຜີຍແຜ່ຫມາກຜົນວິທະຍາ ສາດເຕັກນິກທີ່ມີຢູ່ໃນປັດຈຸບັນໃຫ້ຊາວກະສິກອນໂດຍກົງ,ກໍ່ສາມາດຜະລິດທັນຍາຫານຂຶ້ນ 5%-10%, ເຊິ່ງສາມາດສ້າງຜົນຜະລິດທີ່ມີມູນຄ່າຫລາຍສິບຕຶ້ຢວນ, ຍັງບໍ່ລວມທັງພືດເສດຖະກິດ,ນີ້ແມ່ນມູນຄ່າກ້ອນໃຫຍ່ທີ່ສຸດ.
ທ່ານຢ່າງຈື້ຟູທີ່ເຮັດວຽກກະສິກຳຕະຫລອດຊີວິດ, ຂະນະນີ້,ທ່ານໄດ້ລືມໄປວ່າຕົນເອງເປັນເຈັບຫນັກ.ທ່ານບອກນັກຂ່າວວ່າ:"ເຖິງວ່າຂ້າພະເຈົ້າເຂົ້າຮ່ວມກອງປະຊຸມບໍ່ໄດ້,ແຕ່ຂ້າພະເຈົ້າຍັງສາມາດຂຽນຍັດຕິໂດຍມີການຊ່ອຍເຫລືອຂອງຄອບຄົວ, ຍັງສາມາດສະຫນອງຂໍ້ມູນຂ່າວສານຕ່າງໆ."
|
