|
ທ່ານສາສະດາຈານຊ້າວອີມິງ ກຳມະການສະພາປຶກສາການເມືອງປະຊາຊົນແຫ່ງຊາດຈີນປີນີ້ອາຍຸ 48 ປີ, ທ່ານໄດ້ຮັບນາມມະຍົດເປັນຜູ່ຊ່ຽວຊານຜູ່ທຳອິດໃນຂົງເຂດຄົ້ນຄວ້າໂຣກເອດ໌ຂອງຈີນ.
ປີ 2003 ທ່ານຊ້າວອີມິງໄດ້ຮັບເລືອກຕັ້ງເປັນກຳມະການສະພາປຶກສາການເມືອງປະຊາຊົນແຫ່ງຊາດຈີນສະໄຫມທີ 10. ທ່ານໄດ້ຕັ້ງຫນ້າປະຕິບັດຕາມພັນທະ, ອອກຫົວຄິດຢ່າງຕັ້ງຫນ້າ, ໃນສອງປີມານີ້, ທ່ານໄດ້ຂຽນຫລືເຂົ້າຮ່ວມການຂຽນຍັດຕິເກືອບ 30 ສະບັບກ່ຽວກັບສາທາລະນະສຸກໂດຍສະເພາະແມ່ນບັນຫາໂຣກເອດ໌ຂອງຈີນ.ໃນນັ້ນ, ຍັດຕິກ່ຽວກັບລັດຖະບານຄວນເພີ່ມການລົງທຶນເຂົ້າໃນຂົງເຂດຄົ້ນຄວ້າໂຣກເອດທີ່ທ່ານສະເຫນີໃນກອງປະ ຊຸມສະພາປຶກສາການເມືອງປະຊາຊົນແຫ່ງຊາດຈີນຄັ້ງທີ 1 ສະໄຫມທີ 10 ເມື່ອປີ 2003 ນັ້ນໄດ້ຮັບຄວາມເອົາໃຈໃສ່ໃນລະດັບສູງຈາກສູນກາງ, ທ່ານສາສະດາຈານຊ້າວອີມິງເວົ້າດ້ວຍຄວາມດີອົກດີໃຈວ່າ:"ຂ້າພະເຈົ້າດີໃຈຫລາຍທີ່ໄດ້ເຫັນໃນຫນຶ່ງປີມານີ້, ການລົງທຶນຂອງລັດໃນການຄົ້ນຄວ້າໂຣກເອດ໌ໄດ້ເພີ່ມຈາກບໍ່ຮອດ 1 ລ້ານຢວນຂຶ້ນຮອດ 20 ລ້ານກວ່າຢວນ,ຖັນແຖວຄົ້ນຄວ້າໄດ້ເພີ່ມຈາກກອງຫນຶ່ງສອງກອງຂຶ້ນຮອດຫລາຍສິບກອງໃນປັດຈຸ ບັນ."
ໃນກອງປະຊຸມສະພາປຶກສາການເມືອງປະຊາຊົນແຫ່ງຊາດຈີນຄັ້ງທີ 3 ສະໄຫມທີ 10 ທີ່ພວມຈັດຂຶ້ນຢູ່ປັກກິ່ງ, ທ່ານຊ້າວອີມິງໄດ້ສະເຫນີຍັດຕິສອງສະບັບກ່ຽວກັບໂຣກເອດ໌ຄື:ຫນຶ່ງ ສະເຫນີໃຫ້ສ້າງກອງຜູ່ອາສາສະຫມັກສາ ທາລະນະສຸກກອງຫນຶ່ງທີ່ປະກອບດ້ວຍຊາວຫນຸ່ມຜູ່ອາສາສະຫມັກໃຕ້ການນຳພາຂອງສູນກາງຄະນະຊາວຫນຸ່ມແລະກະຊວງສາທາລະນະສຸກ,ແລະຈັດເຂົ້າໃນຊ່ອງທາງຕົ້ນຕໍຂອງສາທາລະນະສຸກ;ສອງແມ່ນເພີ່ມຄວາມແຮງປົກປັກຮັກສາສິດປະໂຫຍດຊອບກົດຫມາຍຂອງຜູ່ເປັນໂຣກເອດ໌ແລະຜູ່ຕິດເຊື້ອໂຣກເອດ໌, ເຮັດໃຫ້ພວກເຂົາເຈົ້າກາຍເປັນກຳລັງສຳຄັນໃນການຕ້ານກັບໂຣກເອດ໌.
ກ່ຽວກັບຍັດຕິສະບັບທຳອິດ,ທ່ານຊ້າວອີມິງເວົ້າວ່າ, ປັດຈຸບັນ ອົງການມວນຊົນປ້ອງກັນໂຣກເອດ໌ຄື ອົງການສາຍໂບແດງເປັນຕົ້ນໄດ້ເສີມຂະ ຫຍາຍບົດບາດສຳຄັນ, ແຕ່ຍ້ອນມີຂະຫນາດນ້ອຍ, ຈິ່ງຍາກທີ່ຈະເຂົ້າຮ່ວມ ການເຄື່ອນໄຫວປ້ອງກັນແລະປົວໂຣກເອດ໌ຢ່າງຂະຫນາດໃຫຍ່ຂອງລັດ. ການສ້າງກອງຜູ່ອາສາສະຫມັກສາທາລະນະສຸກ,ກໍ່ແມ່ນເພື່ອເຕົ້າໂຮມກຳລັງເຫລົ່ານີ້, ພ້ອມກັນເຂົ້າຮ່ວມວຽກງານປ້ອງກັນແລະປົວໂຣກເອດ໌ທີ່ມີລະບົບຂອງລັດ.ທ່ານເວົ້າວ່າ:"ການຕ້ານໂຣກເອດແມ່ນສົງຄາມຍືດເຍືອຍາວນານ,ຕ້ອງການມີກົນໄກຖາວອນ.ໃນສົງຄາມບັ້ນນີ້,ຊັບພະຍາກອນຂອງ ພາກສ່ວນຕ່າງໆໃນລະບົບສາທາລະນະສຸກຂອງລັດ ພາກສ່ວນການປິ່ນປົວແລະການສຶກສາແພດສາດອື່ນໆຕ້ອງໃຊ້ເຂົ້າທັງຫມົດ.ນອກນີ້, ການລະດົມປະຊາຊົນທົ່ວສັງຄົມເຊັ່ນຊຸມຊົນທີ່ບໍ່ຖືກສົນໃຈແລະທຸກຍາກເຂົ້າຮ່ວມສົງ ຄາມຕ້ານໂຣກເອດ໌ແມ່ນສຳຄັນທີ່ສຸດ."
ຍັດຕິສະບັບທີສອງແມ່ນລົງມືຈາກຜູ່ເປັນໂຣກເອດ໌ແລະຜູ່ຕິດເຊື້ອໂຣກເອດ໌.ທ່ານຊ້າວອີມິງເວົ້າວ່າ, ຫລັກການປ້ອງກັນພະຍາດຕິດແປດແມ່ນຄວບຄຸມແຫລ່ງຕິດແປດ, ຜູ່ເປັນໂຣກເອດ໌ແລະຜູ່ຕິດເຊື້ອໂຣກເອດ໌ແມ່ນແຫລ່ງ ຕິດແປດ,ແຕ່ໃດມາຖືກສັງຄົມກະແສຫລັກດູຫມີ່ນ.ແຕ່ຢູ່ໃນປະເທດທີ່ຄວບຄຸມໂຣກເອດ໌ສຳເລັດຜົນນັ້ນ,ຄົນເຫລົ່ານີ້ຊ້ຳພັດແມ່ນກຳລັງສຳຄັນທີ່ສຸດ.ການປົກປັກຮັກສາສິດຊອບກົດຫມາຍຂອງພວກເຂົາເຈົ້າ, ເຮັດໃຫ້ພວກເຂົາເຈົ້າ ສາມາດລຸກຊື້ນຢືນໃຕ້ສະພາບບໍ່ຖືກດູຫມີ່ນ,ເປັນເຈົ້າການໃຊ້ມາດຕະການປ້ອງກັນແລະປົວ, ກໍ່ຈະເຮັດໃຫ້ປະສິດທິຜົນໃນການຕ້ານແລະປົວພະຍາດ ຂອງພວກເຮົາຍົກສູງຂຶ້ນຢ່າງຫລວງຫລາຍ.ທ່ານຊ້າວອີມິງເວົ້າວ່າ:"ຂ້າພະເຈົ້າຄິດວ່ານີ້ກໍ່ແມ່ນພາກສ່ວນຫນຶ່ງໃນວຽກງານຂອງພັກແລະລັດຖະບານໃນການສ້າງສາສັງຄົມທີ່ກົມກຽວກັນ,ຜູ່ເປັນໂຣກເອດ໌ແມ່ນຊຸມຊົນທ່າອ່ອນໃນສັງຄົມ, ການປົກປັກຮັກສາຊຸມຊົນທ່າອ່ອນໃຫ້ດີແລ້ວກໍ່ຈະຊຸກຍູ້ຄວາມກົມ ກຽວກັນຂອງທົ່ວສັງຄົມ.ຂ້າພະເຈົ້າຫວັງວ່າໃນເວລາລັດຖະບານ ວາງກົດຂໍ້ກຳນົດກ່ຽວກັບການປ້ອງກັນແລະປົວໂຣກເອດ໌ສະບັບໃຫມ່, ຈົ່ງພິຈາລະນາເຖິງສິດຂອງຜູ່ເປັນໂຣກເອດ໌."
|
