|
ຕາມຂ່າວສານຊິນຮວາ: ຕອນບ່າຍວັນທີ 10 ມີນາ ກອງປະຊຸມຂັ້ນລັດຖະມົນຕີອາຊຽນສະຫະພາບເອີລົບຄັ້ງທີ 15 ທີ່ໄຂເປັນເວລາ 2 ມື້ໄດ້ອັດລົງແລ້ວຢູ່ຢາກາກຕາ ນະຄອນຫຼວງອິນໂດເນເຊຍ. ກອງປະຊຸມໄດ້ຮຽກຮ້ອງໃຫ້ສະມາຊິກປະເທດອາຊຽນແລະສະຫະພາບເອີລົບເດີນໄປຕາມເສັ້ນທາງຮ່ວມສຳພັນກັນເຂົ້າ, ສະແຫວງຫາການພັດທະນາພ້ອມກັນ.
ໃນງານຖະແຫຼງຂ່າວທີ່ຈັດຂຶ້ນຫຼັງກອງປະຊຸມ, ທ່ານຮັສຊັນ ວິຣາຢູດາ ລັດຖະມົນຕີການຕ່າງປະເທດອິນໂດເນເຊຍກ່າວວ່າ, ອາຊຽນແລະສະຫະພາບເອີລົບລ້ວນແຕ່ກ່າວເນັ້ນວ່າ ບັນດາປະເທດສະມາຊິກຕ້ອງຍຶດໝັ້ນເດີນໄປຕາມເສັ້ນທາງຮ່ວມສຳຄັນກັນເຂົ້າ, ເພື່ອສະແຫວງຫາການພັດທະນາໃນຂົງເຂດຕ່າງໆ, ເພີ່ມທະວີການຮ່ວມສຳຄັນກັນເຂົ້າໃນດ້ານການເມືອງແລະເສດຖະກິດໃນພາກພື້ນຂອງໃຜລາວ, ຊຸກຍູ້ໃຫ້ເອີລົບແລະອາຊີອາຄະເນກ້າວໄປໜ້າພ້ອມກັນ.
ໃນໄລຍະໄຂປະຊຸມ, ຜູ່ແທນທີ່ຮ່ວມປະຊຸມຍັງໄດ້ປຶກສາຫາລືກັນຢ່າງກວ້າງຂວາງກ່ຽວກັບຫົວຂໍ້ຕ່າງໆ ເຊັ່ນ ເພີ່ມທະວີການຮ່ວມສຳພັນກັນເຂົ້າຢູ່ພາຍໃນພາກພື້ນໃຜລາວ ພັດທະນາພະລັງງານທີ່ໃຊ້ໄດ້ຢ່າງຕໍ່ເນື່ອງ ຕ້ານການກໍ່ການຮ້າຍແລະປົກປັກຮັກສາສິດຊັບສິນທາງປັນຍາເປັນຕົ້ນ.
|
