|
|
 |
| (GMT+08:00)
2005-03-14 12:39:23
|
 |
|
ຈີນພວມຄົ້ນຄວ້າແຜນການປະຕິຮູບອັດຕາແລກປ່ຽນເງິນຢວນຕື່ມອີກ
cri
Author: sayvanny
ຕາມຂ່າວ CRI:ວັນທີ 14 ມີນາ ຢູ່ປັກກິ່ງ, ໃນເວລາທ່ານເວິນເຈ່ຍປາວ ນາຍົກລັດຖະມົນຕີຈີນພົບປະນັກຂ່າວຈີນແລະຕ່າງປະເທດນັ້ນ, ທ່ານເວົ້າ ວ່າ,ຈີນພວມຄົ້ນຄວ້າແຜນການປະຕິຮູບອັດຕາແລກປ່ຽນເງິນຢວນຕື່ມອີກ,ແຜນການປະຕິຮູບແລະເວລາປະກາດອາດຈະແມ່ນເລື່ອງທີ່ຄາດຄຶດບໍ່ເຖິງ.
ທ່ານເວິນເຈ່ຍປາວເວົ້າວ່າ, ເປົ້າຫມາຍຂອງຈີນແມ່ນປະຕິ ບັດລະບອບອັດຕາແລກປ່ຽນລອຍຕົວທີ່ມີການຄຸ້ມຄອງແລະອີງຕາມຄວາມຕ້ອງການຂອງຕະຫລາດ.ຈີນພະຍາຍາມຮັກສາຄວາມຫມັ້ນຄົງແລະການພັດ ທະນາຂອງເສດຖະກິດມະຫາພາກແລະການຫມູນເດີນຢ່າງປອດໃສຂອງການເງິນກໍ່ແມ່ນເພື່ອສ້າງພື້ນຖານໃຫ້ແກ່ການປະຕິຮູບອັດຕາແລກປ່ຽນເງິນຕາໃນບາດກ້າວຕໍ່ໄປ.
ທ່ານເວິນເຈ່ຍປາວກ່າວເນັ້ນວ່າ, ຈີນແມ່ນປະເທດທີ່ຮັບຜິດຊອບ, ຕໍ່ ການຂຶ້ນຄ່າເງິນຢວນຈີນແລະການຈໍ່ຕົວຂອງໂຄງປະກອບອັດຕາບແລກ ປ່ຽນເງິນຕາ,ຈີນບໍ່ພຽງແຕ່ຈະພິຈາລະນາເຖິງຜົນປະໂຫຍດຂອງປະເທດຕົນເອງທໍ່ນັ້ນ, ຫາກຍັງຈະຄຳນຶງເຖິງຜົນສະທ້ອນຕໍ່ປະເທດອ້ອມຂ້າງແລະຕໍ່ ໂລກ.
|
|
|
