ທ່ານນາງເສີນຈີ້ຢຽນແມ່ນອາຈານສອນຢູ່ມະຫາວິທະຍາໄລຊົນເຜົ່າຢຸນນານ, ເພິ່ນແມ່ນຊາວຈີນທີ່ກັບຈາກມຽນມາ, ໄດ້ເຮັດວຽກງານການສຶກສາເປັນເວລາ 26、27 ປີແລ້ວ.ປີ 2003 ເພິ່ນໄດ້ຮັບເລືອກຕັ້ງເປັນຜູ່ແທນສະພາປະຊາຊົນທົ່ວປະເທດ. ປີກາຍນີ້ ໃນເວລາເຂົ້າຮ່ວມກອງປະຊຸມສອງສະພາ, ເພິ່ນໄດ້ຍື່ນຂໍ້ສະເຫນີສອງຂໍ້ໃຫ້ລັດ, ປັດຈຸບັນ ໄດ້ຮັບການປະຕິບັດແລ້ວ.ເມື່ອເວົ້າເຖິງເລື່ອງນີ້, ເພິ່ນດີໃຈຫລາຍ,ແລະໄດ້ເລົ່າສະພາບການໃນຄາວນັ້ນສູ່ນັກຂ່າວຟັງ:
ເຂດຈ່າວທົງແຂວງຢຸນນານຈີນຕັ້ງຢູ່ພາກຕາເວັນຕົກສຽງໃຕ້ຂອງຈີນ, ຍ້ອນສະພາບແວດລ້ອມດ້ານພູມສາດຂີ້ຮ້າຍຫລາຍ, ແມ່ນບ່ອນທີ່ທຸກຍາກແລະຫລ້າຫລັງ. ມວນຊົນຢູ່ແຫ່ງນັ້ນມີລາຍໄດ້ຂ້ອນຂ້າງຕ່ຳ,ນັກຮຽນຕ້ອງເດີນ ທາງໄກຈິ່ງເຂົ້າຮຽນໄດ້,ຍັງມີເດັກສ່ວນຫນຶ່ງຈົນເຂົ້າຮຽນບໍ່ໄດ້ຍ້ອນຄອບຄົວທຸກຍາກຫລາຍ.
ສະພາບການແນວນີ້ໄດ້ເຮັດໃຫ້ທ່ານນາງເຈີນຈີຢຽນສົນໃຈນຳ, ເພິ່ນໄດ້ດຳເນີນການສຳຫລວດຢູ່ບ່ອນນີ້ເປັນເວລາຍາວນນານ.ໃນກອງປະຊຸມສອງສະພາປີກາຍນີ້, ທ່ານນາງເສີນຈີ້ຢຽນ ໄດ້ວາງຂໍ້ສະເຫນີໃຫ້ລັດກ່ຽວກັບເຮັດການໃຫ້ພາກຕາເວັນຕົກເຜີຍແຜ່ການສຶກສາພາກບັງຄັບ 9 ປີ.ເພິ່ນເວົ້າວ່າ:
"ໃນຂໍ້ສະເຫນີດັ່ງກ່າວ, ຂ້າພະເຈົ້າໄດ້ສະເຫນີຢ່າງລະອຽດໃຫ້ຍົກເວັ້ນການເສຍຄ່າສາມລາຍແກ່ນັກຮຽນໃນຄອບຄົວທຸກຍາກຢູ່ເຂດພາກຕາເວັນຕົກ,ເຊິ່ງກໍ່ຄືການຍົກເວັ້ນການເສຍຄ່າປື້ມຮຽນ ຄ່າສາລະພັດແລະໃຫ້ຄ່າເກື້ອກູນດ້ານການກິນນອນຢູ່ໂຮງຮຽນທີ່ທ່ານນາຍົກເວິນເຈ່ຍປາວໄດ້ກ່າວເຖິງໃນບົດລາຍງານວຽກງານລັດຖະບານ."
ໃນບົດລາຍງານວຽກງານລັດຖະບານປີນີ້, ທ່ານນາຍົກເວີນເຈ່ຍປາວກ່າວເນັ້ນວ່າ, ແຕ່ປີນີ້ເປັນຕົ້ນໄປ, ຕ້ອງຍົກເວັ້ນການເສຍຄ່າປື້ມຮຽນແລະຄ່າສາລະ ພັດທັງໃຫ້ຄ່າເກື້ອກູນດ້ານຊີວິດການເປັນຢູ່ແກ່ນັກຮຽນທີ່ກິນນອນຢູ່ໂຮງຮຽນໃນຄອບຄົວທຸກຍາກໃນໄລຍະການສຶກສາພາກບັງຄັບຢູ່ຊົນນະບົດໃນເມືອງຈຸດຫນັກຂອງວຽກງານບຳບັດຄວາມທຸກຍາກຂອງລັດ;ເມື່ອຮອດປີ 2007, ຊົນນະບົດທົ່ວປະເທດຈີນຈະປະຕິບັດນະໂຍບາຍດັ່ງກ່າວໂດຍທົ່ວໄປ,ເຮັດໃຫ້ເດັກນ້ອຍໃນຄອບຄົວທຸກຍາກສາມາດເຂົ້າຮຽນຫມົດແລະສຳເລັດການສຶກສາພາກບັງຄັບໄດ້.
ທ່ານນາງເສີນຈີ້ຢຽນບໍ່ພຽງແຕ່ສົນໃຈນຳການສຶກສາພາກບັງຄັບ 9 ປີຢູ່ເຂດພາກຕາເວັນຕົກທໍ່ນັ້ນ, ເພິ່ນຍັງສົນໃຈນຳການສຶກສາຊັ້ນສູງຂອງຊົນເຜົ່າຢູ່ພາກຕາເວັນຕົກອີກດ້ວຍ.
ມະຫາວິທະຍາໄລຊົນເຜົ່າຢຸນນານແມ່ນອູ່ທີ່ອົບຮົມຜູ່ມີຄວາມຮູ້ຄວາມສາມາດຊົນເຜົ່າສ່ວນຫນ້ອຍ,ແມ່ນພາກສ່ວນປະກອບອັນສຳຄັນຂອງການສຶກສາຊັ້ນສູງຂອງແຂວງຢຸນນານ, ກໍ່ເປັນການສະແດງລະດັບສັງລວມແຫ່ງການພັດທະນາການສຶກສາຊົນເຜົ່າຂອງແຂວງຢຸນນານໃຫ້ດີກວ່າເກົ່າ. ສະ ນັ້ນ, ການເລັ່ງລັດການກໍ່ສ້າງມະຫາວິທະຍາໄລຊົນເຜົ່າ, ມີຜົນດີຕໍ່ການເສີມຂະຫຍາຍຈຸດພິເສດແລະທ່າແຮງຂອງການສຶກສາຊັ້ນສູງຂອງຊົນເຜົ່າໃນແຂວງຢຸນນານ,ມີຜົນດີຕໍ່ການຍົກລະດັບການສຶກສາຂອງບັນດາຊົນເຜົ່າແຂວງຢຸນນານໃຫ້ສູງຂຶ້ນ, ເພີ່ມທະວີຄວາມສາມັກຄີລະຫວ່າງຊົນເຜົ່າ.
ສະນັ້ນ, ໃນກອງປະຊຸມສອງສະພາປີກາຍນີ້ ທ່ານນາງເສີນຈີ້ຢຽນຍັງໄດ້ຍື່ນຂໍ້ສະເຫນີຂໍ້ຫນຶ່ງ.ເພິ່ນເວົ້າວ່າ:
ຄັນຢາກຍົກການສຶກສາຂອງມະຫາວິທະຍາໄລຊົນເຜົ່າຢຸນນານຂຶ້ນສູ່ລະດັບຍິ່ງສູງ, ກໍ່ຕ້ອງການມີເງື່ອນໄຂໃນດ້ານຕ່າງໆ.ໃນນັ້ນ ມີອັນຫນຶ່ງກໍ່ແມ່ນຫວັງໃຫ້ຄະນະກຳມະການຊົນເຜົ່າແຫ່ງລັດແລະອົງການປົກຄອງທ້ອງຖີ່ນພ້ອມກັນກໍ່ສ້າງແລະຄຸ້ມຄອງມະຫາວິທະຍາໄລຊົນເຜົ່າຢຸນນານ.
ເພິ່ນເວົ້າວ່າ, ດຽວນີ້ ຂໍ້ສະເຫນີດັ່ງກ່າວກໍ່ໄດ້ຖືກຮັບເອົາແລ້ວ, ນີ້ແມ່ນຈຸດເລີ່ມອັນດີ, ເຊື່ອວ່າທັງນີ້ຈະເກີດມີບົດບາດເປັນຢ່າງດີຕໍ່ການຊຸກຍູ້ການສຶກສາຊົນເຜົ່າຢູ່ເຂດຊາຍແດນ. ເມື່ອນັກຂ່າວຖາມວ່າ, ໃນກອງປະຊຸມສອງສະພາປີນີ້ ທ່ານນາງເສີນຈີ້ຢຽນໄດ້ວາງຂໍ້ສະເຫນີຫລືຍັດຕິຫຍັງແດ່,ເພິ່ນເວົ້າວ່າ:
ແຂວງຢຸນນານຕັ້ງຢູ່ເຂດຊາຍແດນພາກຕາເວັນຕົກສຽງໃຕ້,ຕໍ່ແດນຕິດກັບມຽນມາ ລາວ ແລະຫວຽດນາມ,ທັງໃກ້ກັບໄທແລະກຳປູເຈຍ.ສະນັ້ນ, ອາດເວົ້າໄດ້ວ່າ ແຂວງຢຸນນານແມ່ນຊ່ອງທາງໃຫຍ່ທີ່ຈີນກ້າວໄປສູ່ເຂດອາຊີອາ ຄະເນ.ໂດຍສະເພາະແມ່ນຄຽງຄູ່ກັບການສ້າງເຂດການຄ້າເສລີຈີນອາຊຽນ ຢ່າງເປັນທາງການ, ກໍ່ຈະນັບມື້ນັບຕ້ອງການມີຜູ່ມີຄວາມຮູ້ຄວາມສາມາດ ດ້ານພາສາຂອງປະເທດອາຊີອາຄະເນ.
ໃນມະຫາວິທະຍາໄລຊົນເຜົ່າຢຸນນານ, ມີວິທະຍາຄານທີ່ຈຸດພິເສດຫລາຍເຊັ່ນ ວິທະຍາຄານວັດທະນະທຳພາສາປະເທດອາຊີອາຄະເນ.ວິທະ ຍາຄານດັ່ງກ່າວນີ້ຖືກອົງການປົກຄອງແຂວງຢຸນນານຈັດເປັນແຫລ່ງອົບຮົມຜູ່ມີຄວາມຮູ້ຄວາມສາມາດດ້ານວັດທະນະທຳພາສາປະເທດອາຊຽນຂອງຈີນໃນວັນທີ 22 ເມສາປີກາຍນີ້.ຖ້າໄດ້ຮັບການອະນຸມັດຈາກກະຊວງສຶກສາທິ ການຂອງລັດ, ເປີດກວ້າງຂະຫນາດການສ້າງໂຮງຮຽນ, ຍົກຄຸນນະພາບການສຶກສາໃຫ້ສູງຂຶ້ນ,ບູລະນະເບົ້າແບບອົບຮົມຜູ່ມີຄວາມສາມາດໃຫ້ຄົບຖ້ວນ, ນີ້ຈະມີບົດບາດຊຸກຍູ້ຢ່າງແຂງແຮງຕໍ່ວຽກງານຂອງຈີນທີ່ອົບຮົມຜູ່ມີຄວາມຮູ້ຄວາມສາມາດໃນດ້ານພາສາປະເທດອາຊຽນ.
ສະນັ້ນ ປີນີ້ ຂໍ້ສະເຫນີຂອງເພິ່ນແມ່ນ:ເພີ່ມຄວາມແຮງໃນການສ້າງສາ, ພະຍາຍາມເຮັດວຽກງານອົບຮົມຜູ່ມີຄວາມຮູ້ຄວາມສາມາດໃຫ້ເຂດການຄ້າເສລີຈີນອາຊຽນ.
ໃນເວລາການສຳພາດຂອງພວກເຮົາມໍ່ຈະສິ້ນສຸດລົງ, ທ່ານນາງເສີນຈີ້ຢຽນບອກພວກເຮົາວ່າ, ການທີ່ເພິ່ນໄດ້ຮັບການເລືອກຕັ້ງເປັນຜູ່ແທນສະພາປະຊາຊົນ, ເພິ່ນຮູ້ສຶກມີກຽດທີ່ສຸດ, ແຕ່ກໍ່ຍິ່ງຮູ້ສຶກມີຫນ້າທີ່ຫນັກຫນາ,ປະຊາຊົນເຊື່ອໃຈຂ້າພະເຈົ້າ, ເລືອກຂ້າພະເຈົ້າເປັນຜູ່ແທນ, ຂ້າພະເຈົ້າກໍ່ຄວນເຮັດວຽກບາງຢ່າງເພື່ອປະຊາຊົນ.
|