|
ນາງເຊີນຊຽງພິງ ຜູ່ແທນຂອງສະພາປະຊາຊົນພວມອ່ານເອກະສານ
ຂ້າພະເຈົ້າແມ່ນຜູ່ແທນທີ່ມາຈາກຮາກຖານ,ມາເຂົ້າຮ່ວມສອງກອງປະຊຸມ,ກໍແມ່ນຕ້ອງສ່ອງແສງຮຽກຮ້ອງ,ຄຳຮຽກຮ້ອງແລະສະພາບການຂອງມວນຊົນໃນຮາກຖານຕໍ່ຂັ້ນເທິງ,ເພື່ອເຮັດໃຫ້ຜູ່ນຳເອົາໃຈໃສ່ຊ່ອຍເຫຼືອພວກເຂົາເຈົ້າແກ້ໄຂບັນຫາ.ເມື່ອນັ່ງຢູ່ຫນ້ານາງເຊີນຊຽວພິງ ຜູ່ຕາງຫນ້າແຂວງຟູຈ້ຽນ ທີ່ທັງຫນຸ່ມທັງງາມ,ລົມກັບນາງ,ທ່ານອາດຈະບໍ່ຮູ້ສຶກຄວາມສະຫຼາດສະຫຼຽວແລະຊ່າງປາກຊ່າງເວົ້າຂອງຜູ່ແທນເຈົ້າຫນ້າທີ່ແລະບໍ່ຮູ້ສຶກມີຄວາມຮູ້ຫຼວງຫຼາຍພາຍມາກຂອງຜູ່ແທນນັກປາດ,ແຕ່ທ່ານຊ້ຳພັດສາມາດຮູ້ສຶກເຖິງສຽງຮຽກຮ້ອງດ້ວຍຄວາມຈິງໃຈຂອງຜູ່ແທນທີ່ມາຈາກຮາກຖານຜູ່ຫນຶ່ງຈາກຄວາມເວົ້າແບບງ່າຍໆ
ເມື່ອປີ 1996 ນາງເຊີນຊຽວພິງ ທີ່ມີອາຍຸ 34 ປີໄດ້ຕົກການແລ້ວ,ຄືກັນກັບພະນັກງານກຳມະກອນຈຳນວນຫຼວງຫຼາຍທີ່ຕົກການ,ນາງອຸກໃຈຍ້ອນ,ແຕ່ເດີມຊີວິດການເປັນຢູ່ຂອງນາງຢູ່ໃນຂັ້ນດີ ນາງເບິ່ງແຍງຜົນ, ສັ່ງສອນລູກແຕ່ນາງພັດເຫັນວ່າເຮັດແນວນີ້ບໍ່ສາມາດບັນລຸເຖິງອຸດົມການຂອງຕົນ,ເມື່ອໄດ້ກຶກກອງແລ້ວ,ນາງເຊີນຊຽວພິງຕັດສິນໃຈບາກບັ່ນສູ້ຊົນ.
ລະດູຮ້ອນປີນັ້ນ,ນາງກັບພະນັກງານກຳມກອນທີ່ຕົກການອີກສອງຄົນໂຮມທຶນກັນສ້າງບໍລິສັດຂະຫນົມເຈີນວຸ້ຍເມືອງຟູໂຈວ ນາງເປັນຜູ້ອຳນວຍການໃຫຍ່ເຮັດວຽກໃນຕອນກາງຄືນ,ຕອນຮຸ້ງເຊົ້າສົ່ງຂະຫນົມໃຫ້ລູກຄ້າກາຍເປັນເລື້ອງທີ່ນາງຕ້ອງເຮັດຊູ່ມື້,ເພື່ອບຸກເບີກຕະຫຼາດ,ຮັບໃຊ້ລູກຄ້າໃຫ້ຫຼາຍ,ນາງເຊີນຊຽວພິງໄປເມືອງຫາງໂຈວຮ່ຳຮຽນສີໄມ້ລາຍມື,ຄົ້ນຄວ້າເຮັດກາລະປາວ ແລະຕັ້ງຄະຕິທຸລະກິດທີ່ວ່າຮັບໃຊ້ດ້ວຍຄວາມຈິງໃຈ ໃຊ້ຂອງແທ້ແລະມີລົດຊາດແຊບນົວ, ເມື່ອໄດ້ສ້າງພາລະກິດເປັນເວລາ 6 ປີ,ຂະຫນົມ ກາລະປາວເຈີນວຸ້ຍໄດ້ພັດທະນາຈາກສອງສາມຊະນິດເກືອບຮອດ 20 ກວ່າຊະນິດ,ມີຫ້ອງຄົວແລະຂະບວນລົດສົ່ງຂະຫນົມໃຫ້ລູກຄ້າຂອງບໍລິສັດຕົນ,ກາຍເປັນວິສາຫະກິດຜະລິດຂະຫນົມທີ່ມີຂະຫນາດໃຫຍ່ກວ່າຫມູ່ໃນເມືອງຟູໂຈວ,ສະນັ້ນ,ຈິ່ງມີຊື່ສຽງໃນຕະຫຼາດ.
ນາງເຊີນຊຽວພິງ ຜູ່ແທນຂອງສະພາປະຊາຊົນຕ້ອນຮັບການເຂົ້າສຳພາດຂອງນັກຂ່າວວິທະຍຸສາກົນແຫ່ງປະເທດຈີນ
ນາງເຊີນຊຽວພິງບໍ່ພຽງແຕ່ເຮັດໃຫ້ອຸດົມການຂອງຕົນບັນລຸຜົນເປັນຈິງ,ຍັງໄດ້ດູດດຶງເອົາພະນັກງານກຳມະກອນທີ່ຕົກການ 70 ກວ່າຄົນມາເຮັດວຽກຄືນໃຫມ່ອີກດ້ວຍ,ສະນັ້ນ,ນາງຈິ່ງໄດ້ນາມມະຍົດເປັນບຸກຄົນກ້າວຫນ້າແລະແບບຢ່າງອອກແຮງງານຂັ້ນແຂວງແລະຂັ້ນເມືອງເປັນລຳດັບ,ປີ 2003 ,ນາງໄດ້ຮັບເລືອກຕັ້ງເປັນຜູ່ແທນຂອງສະພາປະຊາຊົນແຫ່ງຊາດສະໄຫມທີ 10 .
ໃນຖານເປັນຜູ່ແທນຂອງສະພາປະຊາຊົນແຫ່ງຊາດ,ຈະປະຕິບັດພາລະຫນ້າອັນມີກຽດຂອງຕົນແນວໃດ,ນາງເຊີນຊຽວພິງມີຄວາມເຫັນຂອງຕົນ,ນາງເວົ້າວ່າ,ໃນ3 ປີມານີ້,ຂ້າພະເຈົ້າໄດ້ຮ່ຳຮຽນຫຼາຍຢ່າງຫຼາຍແນວໃນສະພາປະຊາຊົນ,ໄດ້ເປີດຫູເປີດຕາ,ກໍໄດ້ຮູ້ສຶກລັດຖະບານໄດ້ເຮັດວຽກງານຕິດແທດຕົວຈິງເປັນຈຳນວນຫຼວງຫຼາຍ,ແລະສຸມຈິດສຸມໃຈສະແຫວງຫາການພັດທະນາ,ໃນຖານເປັນຜູ່ແທນຂອງມວນຊົນ,ຫວັງໃຫ້ສ່ອງແສງຄຳຮຽກຮ້ອງຂອງມວນຊົນ ແລະສ່ອງແສງສະພາບການຕົວຈິງ ຂອງປະຊາຊົນ.
|
