|
ຕາມຂ່າວCRI ວັນທີ 13 ມີນາ ສະຫະພັນສາມັກຄິອີຣັກຄືຝ່າຍນິກາຍຊິອິດ ແລະສະຫະພັນພັກການເມືອງຄຸດດິສທີ່ຕ່າງໄດ້ບັດຫຼາຍເປັນທີຫນຶ່ງແລະທີສອງໃນການເລືອກຕັ້ງທົ່ວໄປຂອງອີຣັກໄດ້ປະກາດວ່າ ສອງຝ່າຍຍັງບໍ່ໄດ້ເປັນເອກະສັນກັນໃນການເຈລະຈາປະກອບຈັດຕຕັ້ງຄະນະລັດຖະບານເທື່ອ,ແຕ່ສອງຝ່າຍຍັງຈະປຶກສາຫາລືກັນກ່ຽວກັບບັນຫາດັ່ງກ່າວເພື່ອຍາດແຍ່ງກ້າວເຖິງຂັ້ນຕົກລົງກັນກ່ຽວກັບບັນຫາຈັດຕັ້ງຄະນະລັດຖະບານໃຫ້ແລ້ວກ່ອນສະພາແຫ່ງຊາດຂ້າມຜ່ານຂອງອີຣັກຈະຮຽກ ໂຮມກອງປະຊູມຄັ້ງທຳອິດໃນວັນທີ 16 ມີນານີ້
ຕາມລັດຖະທຳມະນູນສະບັບຊົ່ວຄາວຂອງອີຣັກ ກອງປະຊຸມສະພາແຫ່ງຊາດສະໄຫມຂ້າມຜ່ານຂອງອີຣັກຄັ້ງທຳອິດຈະຕົກລົງປະທານສະພາແລະເລືອກຕັ້ງຄະນະກຳມະການປະທານາທິບໍດີທີ່ປະກອບດ້ວຍປະທານາທິບໍດີແລະຮອງປະທານາທິບໍດີ,ຄະນະກຳມະການປະທານາທິບໍດີຈະກຳນົດໃຫ້ສະຫະພັນການເມືອງທີ່ໃຫຍ່ກວ່າຫມູ່ໃນສະພາຮັບຜິດຊອບສະເຫນີຊື່ນາຍົກລັດຖະມົນຕີແລະຈັດຕັ້ງຄະນະລັດຖະບານ,ລາຍຊື່ນາຍົກລັດຖະມົນຕີແລະຄະນະລັດຖະບານມີຜົນບັງຄັບໃຊ້ຫຼັງຈາກໄດ້ຮັບອະນຸມັດຈາກສະພາແຫ່ງຊາດ ເພາະສະນັ້ນ ໃນຖານເປັນສະຫະພັນການເມືອງໃຫຍ່ກວ່າຫມູ່ຂອງສະພາສະໄຫມ ຂ້າມຜ່ານນັ້ນສະຫະພັນສາມັກຄີອີຣັກຕ້ອງຮ່ວມມືກັບສະຫະພັນພັກການເມືອງຄຸດດິສເຊິ່ງເປັນສະຫະພັນການເມືອງໃຫຍ່ທີສອງຈັດຕັ້ງລັດຖະບານປະສົມຈຶ່ງມີຄວາມຈຳເປັນທີ່ສຸດ ສອງຝ່າຍໄດ້ເລີ່ມເຈລະຈາກັນກ່ຽວກັບບັນຫາປະກອບຈັດຕັ້ງຄະນະລັດຖະບານແຕ່ວັນທີ 10 ມີນາເປັນຕົ້ນມາ ແລະໄດ້ມີການຄືບຫນ້າໃນລະດັບໃດຫນຶ່ງແລ້ວ ວັນທີ 12 ມີນາ ຜູ່ນຳຊັ້ນສູງຂອງສອງຝ່າຍໄດ້ເຜີຍໃຫ້ຮູ້ວ່າປັດຈຸບັນ ສອງຝ່າຍໄດ້ເຫັນດີໃນດ້ານຫຼັກການໃຫ້ທ່ານຈາຟາລີ ຜູ່ນຳພັກດາວາອິສລາມໃນສະຫະພັນສາມັກຄິອີຣັກ ຮັບຕຳແຫນ່ງນາຍົກລັດຖະມົນຕີອີຣັກ ຝ່າຍຄຸເຄີດໃຫ້ທ່ານທາລາບານີ ຜູ່ນຳສະຫະພັນຮັກຊາດເຄິດດິສຕັງຮັກຊາດຮັບຕຳແຫນ່ງເປັນປະທານາທິບໍດີ ອີຣັກໃນອະນາຄົດກໍຈະບໍ່ກາຍເປັນປະເທດອຳນາດເທບພະເຈົ້າອິສລາມ,ນອກນີ້ ຍັງເຫັນດີໃຫ້ຈົ່ງຕຳ
ແຫນ່ງສຳຄັນເຊັ່ນ ຮອງປະທານາທິບໍດີ ປະທານສະພາສະໄຫມຂ້າມຜ່ານແລະລັດຖະມົນຕີຜູ່ຫນຶ່ງໃນຄະນະລັດຖະບານເປັນຕົ້ນໄວ້ໃຫ້ຝ່າຍນິກາຍຊຸນນິດ
ແຕ່ວ່າ ສອງຝ່າຍຍັງມີຄວາມເຫັນຂັດກັນໃນບັນຫາສຳຄັນຈຳນວນຫນຶ່ງ.ຈຸດສຸມຂອງຄວາມເຫັນຂັດກັນລະຫວ່າງສອງຝ່າຍແມ່ນໂຮມສຸນຢູ່ໃນບັນຫາເກຍຄຸກ ສະຫະພັນພັກການເມືອງເຄິດຍຶດຫມັ້ນ ທວງໃຫ້ຂີດແບ່ງເກຍຄຸກໃຫ້ຊາວເຄີດເປັນຜູ່ຄຸ້ມຄອງ ແລະຈັດການຕົກລົງດັ່ງກ່າວເຂົ້າໄວ້ໃນລັດຖະທຳມະນູນຖາວອນ
ພ້ອມກັນນັ້ນ ສະຫະພັນພັກການເມືອງເຄີດຍັງຂາດຄວາມໄວ້ວາງໃຈຕໍ່ທ່ານຈາຟາລີ ຜູ່ສະຫມັກຮັບເລືອກຕັ້ງນາຍົກລັດຖະມົນຕີທີ່ສະຫະພັນສາມັກຄີສະເຫນີນັ້ນ.ຊາວເຄີດຍຶດຫມັ້ນວ່າໃນພາຍຫນ້າອີຣັກຄວນປະຕິບັດລະບອບສະຫະພາບ ສ່ວນສະມາຊິກຂອງພັກດາວາອິສລາມທີ່ນຳໂດຍທ່ານຈາຟາລີນັ້ນຕົ້ນຕໍແມ່ນຝ່າຍບຸກຄົນສາສະຫນານິກາຍຊິອິດແລະຊາວອີຣານທີ່ອາໄສຢູ່ອີຣັກ,ຊາວເຄິດພາກັນເປັນຫ່ວງວ່າຫຼັກການດັ່ງກ່າວຈະຖືກຄອນແຄນພາຍຫຼັງທ່ານຈາຟາລີຂຶ້ນຮັບຕຳແຫນ່ງແລ້ວ.
ໃນຂະນະທີ່ສອງຝ່າຍຕໍ່ລາຄາຢ່າງເຄັ່ງຮ້ອນນັ້ນ,ການເຄື່ອນໄຫວຫຼອນໂຈມຕີດ້ວຍກຳລັງຮຸນແຮງຢູ່ອີຣັກກໍຍັງເກີດຂຶ້ນຢ່າງບໍ່ຂາດສາຍ.ສື່ມວນຊົນອາລັບຊີ້ອອກວ່າ ຢູ່ໃນສະຖານະການສະເພາະຫນ້ານີ້ ສະຫະພັນສາມັກຄີອີຣັກແລະສະຫະພັນພັກການເມືອງເຄີດຄວນໂຈະການໂຕ້ຖຽງກັນໄວ້ຊົ່ວຄາວກ່ອນ,ແລ້ວກ້າວເຖິງຂັ້ນຕົກລົງກັນກ່ຽວກັບການຈັດຕັ້ງຄະນະລັດຖະບານໂດຍໄວ
|
