|
ການເຄື່ອນໄຫວຕົວຈິງຂັດກັບຈຸດຫມາຍທີ່ຄາດນະເນໄວ້
cri
ເມື່ອສັດຕະວັດທີ 5 ຮອດສັດຕະວັດທີ 3 ກ່ອນ ຄ.ສ ແມ່ນສະໄຫມຍຸດທະຈັກຂອງຈີນ,ໃນຄາວນັ້ນ,ຈີນມີຫຼາຍໆລັດໄດ້ສ້າງຕັ້ງຂຶ້ນພ້ອມກັນ,ແລະປີໃດກໍ່ເກີດສົງຄາມກັນຢ່າງບໍ່ຢຸດຢັ້ງ,ເພາະສະນັ້ນບັນດາລັດຈິ່ງປະກົດມີຜູ່ອອກຫົວຄຶດວາງກົນອຸບາຍໃຫ້ແກ່ເຈົ້າຊີວິດ
ໃນສະໄຫມຍຸດທະຈັກ,ລັດທີ່ມີກຳລັງແຂວງແຮງແທ້ຈິ່ງມັກຢາກເປັນເຈົ້າຄອງຫມົດທົ່ວປະເທດ,ເຈົ້າຊີວິດລັດອຸ້ຍ ກໍຢາກເປັນເຈົ້າຄອງຫມົດທົ່ວປະເທດ,ພະອົງກຽມບຸກໂຈມຕີຮານຕານ,ເມືອງເອກຂອງລັດຈ້າວເພື່ອໃຫ້ລັດຈ້າວຍອມພະອົງ,ເວລານັ້ນ,ທ່ານຈີ້ລຽງ ເສນາບໍດີລັດອຸ້ຍພວມໄປເຮັດວຽກຢູ່ລັດອື່ນ,ພໍໄດ້ຍິນຂ່າວດັ່ງກ່າວກໍຮ້ອນຮົນກະວົນກະວາຍ,ເພິ່ນຟ້າວກັບຄືນມາລັດອຸ້ຍ,ຍັງບໍ່ທັນສ່ວຍຫນ້າສ່ວຍຕາແລະປ່ຽນເຄື່ອງນຸ່ງເທື່ອ,ກໍ່ຟ້າວເຂົ້າເຝົ້າເຈົ້າຊີວິດອຸ້ຍຢູ່ພະລາຊະວັງ.
ເວລານັ້ນ,ເຈົ້າຊີວິດອຸ້ຍພວມວາງແຜນບຸກໂຈມຕີລັດຈ້າວ,ພໍພະອົງທອດພະເນດເຫັນໂສມຫນ້າອິດເມື່ອຍໂຮຍຂອງທ່ານຈີ້ລຽງ,ກໍ່ຊົງຮູ້ສຶກແປກພະໄທ,ແລ້ວໂຈດຖາມທ່ານຈີ້ລຽງວ່າ,ເຈົ້າມີເລື່ອງຫຍັງຈິ່ງຟ້າວເຂົ້າເຝົ້າພະອົງ?ຈົນບໍ່ໄດ້ແຕ່ງຕົວໃຫ້ເປັນລະບຽບແນວນີ້?ທ່ານຈີ້ລຽງ ເວົ້າວ່າ,ຂໍເດຊະ,ຫວ່າງຫນຶ່ງນີ້,ຂ້າພະບາດໄດ້ພໍ້ເລື່ອງປະຫຼາດເລື່ອງຫນຶ່ງຢູ່ກາງທາງ,ຈິ່ງຟ້າວຂຶ້ນມາທູນຖວາຍແດ່ພະອົງໃນທັນທີ
ເຈົ້າຊີວິດອຸ້ຍ ຊົງຮູ້ສຶກແປກພະໄທ,ຈິ່ງຊົງໂຈດ,ຖາມເພິ່ນວ່າແມ່ນເລື່ອງຫຍັງ,ທ່ານຈີ້ລຽງເວົ້າວ່າ,ເມື່ອກີ້ນີ້,ຂ້າພະບາດເຫັນລົດມ້າຄັນຫນຶ່ງແລ່ນຂຶ້ນເມືອທິດເຫນືອ,ຂ້າພະບາດຖາມຄົນໃນລົດວ່າ,ເຈົ້າຈະໄປໃສຫັ້ນ?ຄົນຜູ່ນັ້ນເວົ້າວ່າ,ຈະໄປລັດຊູ້!ຂ້າພະບາດຮູ້ສຶກປະຫຼາດໃຈແລ້ວຖາມເພິ່ນຕື່ນວ່າ,ລັດຊູ້ຢູ່ພາກໃຕ້,ເປັນຫຍັງເຈົ້າຈິ່ງຂຶ້ນເມືອພາກເຫນືອ?ເພິ່ນພັດບໍ່ເອົາຫົວຊາແລ້ວຕອບວ່າ,ລັດຊູ້ຢູ່ພາກໃຕ້,ເປັນຫຍັງເຈົ້າຈິ່ງຂຶ້ນເມືອພາກເຫນືອງ?ເພິ່ນພັດບໍ່ເອົາຫົວຊາແລ້ວຕອບວ່າ,ມ້າຂ້ອຍແມ່ນມ້າແລ່ນດີຈະແລ່ນໄປແນວໃດກໍ່ແລ່ນໄປລັດຊູ້,ຟັງແລ້ວຍິ່ງເຮັດໃຫ້ຂ້າພະບາດປະຫຼາດໃຈ,ແລ້ວຖາມເພິ່ນອີກວ່າ,ມ້າເຈົ້າຈະແລ່ນເກັ່ງປານໃດ,ຢູ່ນີ້ພັດບໍ່ແມ່ນທິດຈະໄປລັດຊູ້,ເພິ່ນເວົ້າວ່າ,ບໍ່ຕ້ອງເປັນຫ່ວງເປັນໃຍດອກ,ຂ້ອຍມີເງິນຕິດໂຕເພື່ອເສຍຄ່າເດີນທາງມາຫຼາຍໆ,ຂ້າພະບາດຄຶດບໍ່ອອກຈິ່ງບອກລາວວ່າ,ເຈົ້າມີເງິນຕິດໂຕມາຫຼາຍປານໃດກໍ່ຕາມ,ແຕ່ທາງທີ່ເຈົ້າເດີນບໍ່ແມ່ນທາງໄປລັດຊູ້ຈັກດີ້,ເພິ່ນພັດຫົວອາກໆຂຶ້ນແລ້ວເວົ້າວ່າ,ຄັນຊັ້ນຊິເຮັດແນວໃດ?ຂ້ອຍຂັບລົດມ້າເກັ່ງແທ້ໃດ!,ສົມເດັດເອີຍ,ຄົນຜູ່ນັ້ນບໍ່ຟັງຄຳຕັກເຕືອນຂອງຂ້າພະບາດ,ແລ້ວເລີຍຂີ່ລົດມ້າຕໍ່ໄປຕາມທິດເຫນືອ!
ເຈົ້າຊີວິດອຸ້ຍ ຟັງແລ້ວກໍ່ອົດຫົວບໍ່ໄດ້ແລະເວົ້າວ່າ,ຢູ່ໃນໂລກກໍຍັງມີຄົນໂງ່ແນວນີ້ແທ້ເນາະ!
ທ່ານຈີ້ລຽງ ພັດເວົ້າຕໍ່ໄປວ່າ,ສົມເດັດເອີຍ,ພະອົງບໍ່ແມ່ນຄຶດຢາກເປັນພະຈອມເຈົ້າຂອງເຈົ້າຊີວິດບັນດາລັດບໍ່?ສະນັ້ນກໍ່ຕ້ອງໃຫ້ໄດ້ຮັບຄວາມໄວ້ເນື້ອເຊື່ອໃຈຈາກຄົນທັງຫຼາຍໃນທົ່ວປະເທດກ່ອນ,ແຕ່ວ່າດຽວນີ້ພະອົງຈະອີງໃສ່ດິນແດນຂອງພວກຂ້າພະບາດທີ່ກວ້າງກວ່າລັດຈ້າວພຽງຫນ້ອຍດຽວແລະມີກອງທະຫານແຂງກວ່າຫນ້ອຍດຽວກໍຄຶດຢາກໄປພີຊິດລັດອື່ນເພື່ອຍົກອິດທິພົນຂອງຕົນ,ຖ້າເຮັດແນວນີ້,ມັນກໍ່ມີແຕ່ຫ່າງເຫີນຈາກຈຸດຫມາຍທີ່ພະອົງຢາກເຮັດນັ້ນນັບມື້ນັບໄກ,ກໍເຫມືອນກັບຄົນຂີ່ລົດມ້າທີ່ວ່າມານັ້ນ,ຢາກໄປລັດຊູ້ທີ່ຕັ້ງຢູ່ພາກໃຕ້,ພັດລຳອຽງຢາກໄປຕາມທິດເຫນືອ,ທີ່ນັບມື້ນັບໄກຈາກລັດຊູ້ໄປໃຈ້ໆ!
ບັດນັ້ນເຈົ້າຊີວິດອຸ້ຍຈິ່ງເຂົ້າໃຈ ທີ່ຈິງແລ້ວ,ທ່ານຈີ້ລຽງແມ່ນເວົ້າໂຄ້ງໄປເພື່ອເຕືອນພະອົງ,ພະອົງກົ້ມພະພັກລົງຊົງພະລືໄທບຶດຫນຶ່ງ,ຮູ້ສຶກວ່າຄວາມເວົ້າຂອງທ່ານຈີ້ລຽງມີເຫດມີຜົນ,ບັດນັ້ນຈິ່ງເລີຍຍົກເລີກແຜນບຸກໂຈມຕີລັດຈ້າວ.
|
|
