|
ກອງປະຊຸມສະພາປະຊາຊົນແຫ່ງຊາດຈີນຄັ້ງທີ 3 ສະໄຫມທີ 10 ໄດ້ຜ່ານໃນວັນທີ 14 ມີນາປີ 2005 ເນື້ອໃນຄົບຖ້ວນມີດັ່ງລຸ່ມນີ້:
ມາດຕາທີຫນຶ່ງ: ເພື່ອຄັດຄ້ານແລະສະກັດກັ້ນບໍ່ໃຫ້ອິດທິກຳລັງແຍກໄຕ້ຫວັນເປັນເອກະລາດແບ່ງແຍກປະເທດຊາດ ຊຸກຍູ້ໃຫ້ປະເທດຊາດໂຮມເຂົ້າເປັນເອກະພາບກັນໂດຍສັນຕິ ຮັກສາສັນຕິພາບແລະສະຖຽນລະພາບຂອງເຂດຊ່ອງແຄບໄຕ້ຫວັນ,ປົກປັກຮັກສາອະທິປະໄຕແລະຜືນແຜ່ນດິນອັນຄົບຖ້ວນຂອງຊາດ ປົກປັກຮັກສາຜົນປະໂຫຍດກົກຮາກຂອງປະຊາຊາດຈີນ ໄດ້ສ້າງກົດຫມາຍສະບັບນີ້ຕາມລັດຖະທຳມະນູນ
ມາດຕາທີສອງ ຢູ່ໃນໂລກມີແຕ່ປະເທດຈີນດຽວ ແຜ່ນດິນໃຫຍ່ແລະໄຕ້ຫວັນຂຶ້ນກັບປະເທດຈີນດຽວ ອະທິປະໄຕແລະຜືນແຜ່ນດິນອັນຄົບຖ້ວນຂອງຈີນບໍ່ອະນຸຍາດໃຫ້ຕັດແຍກຈາກກັນ.ການປົກປັກຮັກສາອະທິປະໄຕແລະຜືນແຜ່ນດິນອັນຄົບຖ້ວນຂອງຊາດແມ່ນພັນທະຮ່ວມຂອງປະຊາຊົນຈີນທັງຊາດເຊິ່ງລວມທັງພີ່ນ້ອງຮ່ວມຊາດໄຕ້ຫວັນ
ໄຕ້ຫວັນແມ່ນພາກສ່ວນຫນຶ່ງຂອງຈີນ ລັດເດັດຂາດບໍ່ອະນຸຍາດໃຫ້ອິດທິກຳລັງແຍກໄຕ້ຫວັນເປັນເອກະລາດຕັດແຍກໄຕ້ຫວັນອອກຈາກຈີນບໍ່ວ່າໃຊ້ຊື່ຫຍັງຫຼືໃຊ້ແບບວິທີຫຍັງ.
ມາດຕາທີສາມ ບັນຫາໄຕ້ຫວັນແມ່ນບັນຫາທີ່ຕົກທອດມາແຕ່ເສິກກາງເມືອງຈີນ
ການແກ້ໄຂບັນຫາໄຕ້ຫວັນ ໂຮມປະເທດຊາດເຂົ້າເປັນເອກະພາບກັນແມ່ນວຽກງານພາຍໃນຂອງຈີນ ບໍ່ໃຫ້ອິດທິກຳລັງຕ່າງປະເທດໃດໆມາແຊກແຊງ
ມາດຕາທີສີ່ ການສຳເລັດພາລະກິດອັນຍິ່ງໃຫຍ່ທີ່ໂຮມປະເທດຊາດເຂົ້າ ເປັນເອກະພາບກັນແມ່ນຫນ້າທີ່ອັນສັກສິດຂອງປະຊາຊົນຈີນທັງຊາດເຊິ່ງລວມທັງພີ່ນ້ອງຮ່ວມຊາດໄຕ້ຫວັນ
ມາດຕາທີ 5 ການຍຶດຫມັ້ນຫຼັກການປະເທດຈີນດຽວແມ່ນພື້ນຖານຂອງການໂຮມປະເທດຊາດເຂົ້າເປັນເອກະພາບກັນໂດຍສັນຕິ
ການໂຮມປະເທດຊາດເຂົ້າເປັນເອກະພາບກັນດ້ວຍສັນຕິວິທີແມ່ນສອດຄ່ອງກັບຜົນປະໂຫຍດກົກຮາກຂອງພີ່ນ້ອງຮ່ວມຊາດສອງຝັ່ງຊ່ອງແຄບໄຕ້ຫວັນທີ່ສຸດ,ລັດຈະພະຍາຍາມສຸດຂີດເພື່ອບັນລຸການໂຮມປະເທດຊາດໃຫ້ເປັນເອກະພາບກັນໂດຍສັນຕິດ້ວຍຄວາມຈິງໃຈທີ່ສຸດ
ຫຼັງຈາກໂຮມປະເທດຊາດເຂົ້າເປັນເອກະພາບກັນໂດຍສັນຕິແລ້ວ ໄຕ້ຫວັນຈະປະຕິບັດລະບອບທີ່ຕ່າງກັນກັບແຜ່ນດິນໃຫຍ່ຈີນກໍໄດ້ ແລະປົກຄອງຕົນເອງໃນລະດັບສູງ
ມາດຕາທີ 6 ລັດໃຊ້ມາດຕະການດັ່ງລຸ່ມນີ້ເພື່ອຮັກສາສັນຕິພາບແລະສະຖຽນລະພາບຂອງເຂດຊ່ອງແຄບໄຕ້ຫວັນແລະຂະຫຍາຍການພົວພັນລະຫວ່າງສອງຝັ່ງ:
ຫນຶ່ງ: ສົ່ງເສີມແລະຊຸກຍູ້ການໄປມາຫາສູ່ກັນດ້ານບຸກຄະລາກອນລະຫວ່າງສອງຝັ່ງ ເພີ່ມຄວາມເຂົ້າໃຈກັນແລະເພີ່ມຄວາມໄວ້ວາງໃຈກັນ;
ສອງ: ສົ່ງເສີມແລະຊຸກຍູ້ໃຫ້ສອງຝັ່ງແລກປ່ຽນແລະຮ່ວມມືກັນ ດ້ານເສດຖະກິດ ໄປມາຫາສູ່ກັນໂດຍກົງທາງໄປສະນີໂທລະຄົມ ການເດີນອາກາດເດີນເຮືອແລະການຄ້າ, ຮັດແຫນັ້ນການພົວພັນທາງເສດຖະກິດລະຫວ່າງສອງຝັ່ງ ຕ່າງຝ່າຍຕ່າງມີຜົນປະໂຫຍດນຳກັນ;
ສາມ:ສົ່ງເສີມແລະຊຸກຍູ້ໃຫ້ສອງຝັ່ງແລກປ່ຽນກັນໃນດ້ານການສຶກສາ ວິທະຍາດສາເຕັກນິກ ວັດທະນະທຳ ສາທາລະນະສຸກແລະກິລາ,ຮ່ວມກັນເສີມຂະຫຍາຍມູນເຊື້ອອັນດີເລີດຂອງວັດທະນະທຳປະຊາຊາດຈີນ;
ສີ່: ສົ່ງເສີມແລະຊຸກຍູ້ໃຫ້ສອງຝັ່ງຮ່ວມກັນໂຈມຕີການຕ້ອງໂທດ;
ຫ້າ:ສົ່ງເສີມແລະຊຸກຍູ້ການເຄື່ອນໄຫວອື່ນໆທີ່ມີຜົນດີຕໍ່ການປົກປັກຮັກສາສັນຕິພາບແລະສະຖຽນລະພາບຂອງເຂດຊ່ອງແຄບໄຕ້ຫວັນແລະຂະຫຍາຍການພົວພັນລະຫວ່າງສອງຝັ່ງ;
ລັດປົກປ້ອງສິດແລະຜົນປະໂຫຍດຂອງພີ່ນ້ອງຮ່ວມຊາດໄຕ້ຫວັນຕາມກົດຫມາຍ.
ມາດຕາທີ 7 : ລັດມີເຈດຈຳນົງໃຫ້ຜ່ານການປຶກສາຫາລືແລະການເຈລະຈາທີ່ສະເຫມີພາບກັນລະຫວ່າງສອງຝັ່ງຊ່ອງແຄບໄຕ້ຫວັນ,ໂຮມປະເທດຊາດເຂົ້າເປັນເອກະພາບກັນໂດຍສັນຕິ.ການປຶກສາຫາລືແລະການເຈລະຈາກັນສາມາດດຳເນີນໄປຢ່າງມີບາດກ້າວແລະແບ່ງເປັນໄລຍະ,ດ້ວຍແບບວິທີຢ່າງຄ່ອງແຄ້ວກໍໄດ້
ສອງຝັ່ງຊ່ອງແຄບໄຕ້ຫວັນສາມາດປຶກສາຫາລືແລະເຈລະຈາກັນກ່ຽວກັບວຽກງານດັ່ງລຸ່ມນີ້:
ຫນຶ່ງ:ສິ້ນສຸດສະພາວະເປັນປໍລະປັກກັນລະຫວ່າງສອງຝັ່ງຢ່າງເປັນທາງການ;
ສອງ:ແຜນການຂະຫຍາຍການພົວພັນລະຫວ່າງສອງຝັ່ງ:
ສາມ: ບາດກ້າວແລະການຈັດວາງການໂຮມເຂົ້າເປັນເອກະພາບກັນ:
ສີ່ ຖານະການເມືອງຂອງເຈົ້າຫນ້າທີ່ໄຕ້ຫວັນ:
ຫ້າ:ເທສະການເຄື່ອນໄຫວທີ່ສອດຄ່ອງກັບຖານະຂອງເຂດໄຕ້ຫວັນຢູ່ໃນໂລກ
ຫົກ: ບັນຫາອື່ນໆກ່ຽວກັບການໂຮມປະເທດຊາດເຂົ້າເປັນເອກະພາບກັນໂດຍສັນຕິ.
ມາດຕາທີ 8: ໃນກໍລະນີທີ່ເກີດເຫດການອິດທິກຳລັງແຍກໄຕ້ຫວັນເປັນເອກະລາດແຍກໄຕ້ຫວັນອອກຈາກຈີນບໍ່ວ່າໃຊ້ຊື່ຫຍັງຫຼືໃຊ້ແບບວິທີຫຍັງ, ຫຼວ່າ ການໃຫ້ໂຮມເຂົ້າເປັນເອກະພາບກັນໂດຍສັນຕິໄດ້ເສຍຄວາມອາດເປັນໄປໄດ້ທັງຫມົດ ແລ້ວ,ລັດຕ້ອງໃຊ້ແບບບໍ່ແມ່ນສັນຕິວິທີແລະມາດຕະການອັນຈຳເປັນອື່ນໆ,ປົກປັກຮັກສາອະທິປະໄຕແລະຜືນແຜ່ນດິນອັນຄົບຖ້ວນຂອງຊາດ
ການໃຊ້ແບບບໍ່ແມ່ນສັນຕິວິທີແລະມາດຕະການອັນຈຳເປັນອື່ນໆທີ່ລະບຸໄວ້ໃນມາດຕາທີ່ກ່າວມາເທິງນີ້,ໃຫ້ຄະນະລັດຖະບານ ຄະນະກຳມະການການທະຫານສູນກາງຕົກລົງແລະຈັດຕັ້ງປະຕິບັດ ແລະລາຍງານຕໍ່ຄະນປະຈຳຂອງກອງປະຊຸມສະພາປະຊາຊົນແຫ່ງຊາດຈີນຢ່າງທັນການ
ມາດຕາທີ 9 :ໃນເວລາໃຊ້ແບບບໍ່ແມ່ນສັນຕິວິທີພ້ອມດ້ວຍມາດຕະການອັນຈຳເປັນອື່ນໆແລະຈັດຕັ້ງປະຕິບັດຕາມທີ່ລະບຸໄວ້ໃນກົດຫມາຍນີ້,ລັດຈະພະຍາ ຍາມຈົນສຸດຄວາມສາມາດປົກປ້ອງຄວາມປອດໄພດ້ານຊີວິດແລະຊັບສິນແລະສິດປະໂຫຍດຊອບທຳອື່ນໆຂອງສາມັນຊົນໄຕ້ຫວັນແລະຊາວຕ່າງ ປະເທດຢູ່ໄຕ້ຫວັນ,ຫຼຸດຄວາມເສຍຫາຍໃຫ້ຫນ້ອຍລົງ,ພ້ອມກັນນັ້ນ ລັດຈະປົກປ້ອງສິດແລະຜົນປະໂຫຍດຂອງພີ່ນ້ອງຮ່ວມຊາດໄຕ້ຫວັນຢູ່ແຫ່ງອື່ນໆຂອງຈີນຕາມກົດຫມາຍ
ມາດຕາທີ 10 ກົດຫມາຍນີ້ມີຜົນບັງຄັບໃຊ້ແຕ່ມື້ປະກາດເປັນຕົ້ນໄປ
|
