|
|
 |
| (GMT+08:00)
2005-03-15 11:16:20
|
 |
|
ຜົນສະທ້ອນຂອງ FTA
cri
Author: sayvanny
ຜົນສະທ້ອນຂອງ FTA ທີ່ມີຕໍ່ເສດຖະກິດພາຍໃນເຂດແບ່ງອອກເປັນສອງປະເພດ,ປະເພດຫນຶ່ງແມ່ນຜົນຢຸດນິ່ງແມ່ນຫມາຍເຖິງຜົນສະທ້ອນໂດຍກົງທີ່ມີຕໍ່ການພັດທະນາການຄ້າຂອງບັນດາສະມາຊິກພາຍຫລັງໄດ້ຍົກເລີກພາສີແລະການຈຳກັດຈຳນວນການຄ້າລະຫວ່າງສະມາຊິກພາຍໃນເຂດ;ອີກປະເພດຫນຶ່ງແມ່ນຜົນເຫນັງຕີງ,ຫມາຍເຖິງຜົນສະທ້ອນໂດຍທາງອ້ອມທີ່ພາໃຫ້ເສດຖະກິດຂອງບັນດາສະມາຊິກເຕີບໂຕໄວເຂົ້າຍ້ອນສະມັດຖະພາບການຜະລິດພາຍເຂດໄດ້ຍົກສູງຂຶ້ນແລະການສະສົມທຶນຮອນໄດ້ເພີ່ມຂຶ້ນພາຍຫລັງເຊັນສັນຍາ FTA .
ຫນຶ່ງ:ຜົນສະທ້ອນທີ່ມີລັກສະນະຕົວແທນກວ່າຫມູ່ໃນຜົນຢຸດນິ່ງຂອງ FTA ແມ່ນ:ອັນທີ່ວ່າປະສິດທິພົນສ້າງການຄ້າແລະປະສິດທິພົນຫັນຍ້າຍການຄ້າ.
ປະສິດທິຜົນສ້າງການຄ້າຂອງ FTA ຕົ້ນຕໍແມ່ນຫມາຍເຖິງ:ຍ້ອນລະຫວ່າງສະມາຊິກພາຍໃນເຂດໄດ້ຫລຸດຕົ້ນທຶນໃນການຄ້າຂາຍແລະການຍົກເລີກຈຳກັດດ້ານການຄ້າ, ພາໃຫ້ຜະລິດຕະພັນທີ່ມີຕົ້ນທຶນສູງພາຍໃນປະເທດຕົນຖືກສິນຄ້າທີ່ມີຕົ້ນທຶນຕ່ຳຂອງສະມາຊິກອື່ນໆພາຍໃນເຂດເຂົ້າແທນ,ຫລືການຄ້າສົ່ງອອກສິນຄ້າທີ່ມີຕົ້ນທຶນຕ່ຳຂອງປະເທດຕົນທີ່ຖືກຝ່າຍກົງກັນຂ້າມຈຳກັດດ້ານປະລິມານແລະເກັບພາສີສູງໃນເມື່ອກ່ອນນັ້ນໄດ້ເພີ່ມຫລາຍຂຶ້ນ, ແລ້ວນຳເອົາໂອກາດການຄ້າແລະຜົນປະໂຫຍດທາງເສດຖະກິດຫລາຍກວ່າເກົ່າມາໃຫ້ສອງຝ່າຍຂາເຂົ້າຂາອອກພາຍໃນເຂດ.ຜ່ານຈາກ FTA, ສາມາດຫລຸດຕົ້ນທຶນການຄ້າລະຫວ່າງກັນໃນລະດັບຫລາຍທີ່ສຸດ, ກະຕຸກຄວາມຕ້ອງການທາງການຄ້າໃຫ້ເພີ່ມຫລາຍຂຶ້ນ,ເຮັດໃຫ້ການແບ່ງງານດ້ານອຸດສາຫະກຳລະຫວ່າງບັນດາປະເທດຍິ່ງສົມເຫດສົມຜົນກວ່າເກົ່າ.
ປະສິດທິຜົນຫັນຍ້າຍການຄ້າຂອງ FTA ແມ່ນຫມາຍເຖິງການໄປມາຫາສູ່ກັນດ້ານການຄ້າກັບປະເທດອື່ນໆຢູ່ນອກເຂດໃນເມື່ອກ່ອນອາດຈະຖືກການຄ້າລະຫວ່າງສະມາຊິກພາຍໃນເຂດເຂົ້າແທນຍ້ອນຕົ້ນທຶນການຄ້າຂາຍພາຍໃນເຂດໄດ້ຫລຸດຫນ້ອຍລົງ. ປະຈຸບັນ, ອິດຕາສ່ວນການຄ້າພາຍເຂດອາຊີຕາເວັນອອກມີພຽງປະມານ 30% ທໍ່ນັນ, ຕ່ຳກວ່າລະດັບຂອງສະຫະພາບເອີລົບແລະເຂດການຄ້າເສລີອາເມລິກາເຫນືອທີ່ເປັນ FTA ຕົ້ນຕໍທີ່ມີບັນລຸເຖິງ 50%-60% ນັ້ນຢ່າງຫລວງຫລາຍ.ນີ້ກໍ່ແມ່ນມູນເຫດສຳຄັນລາຍຫນຶ່ງທີ່ລະດັບອີງອາໃສນຳເສດຖະກິດຢູ່ນອກເຂດຂອງບັນດາປະເທດໃນເວລາດົນນານມານີ້ໄດ້ສູງຢູ່ຕະຫລອດແລະມັກຖືກກະທົບກະເທືອນຈາກການປັ່ນປ່ວນຂອງເສດຖະກິດພາກນອກ.ການພົວພັນການຄ້າລະຫວ່າງຫມູ່ຄູ່ພາຍໃນ FTA ໄດ້ຂະຫຍາຍຕົວອອກ, ນັ້ນມີຜົນດີຕໍ່ການຍົກຄວາມຫມັ້ນທ່ຽງແລະກຳລັງບົ່ມຊ້ອນໃນການເຕີບໂຕຂອງການຄ້າກັບພາຍນອກໃຫ້ສູງຂຶ້ນ.
ສອງ:ຜົນເຫນັງຕີງຂອງ FTA ຕົ້ນຕໍລວມທັງປະສິດທິຜົນເປີດກວ້າງ ຕະຫລາດແລະປະສິດທິຜົນຊຸກຍູ້ການແກ່ງແຍ່ງ.ປະສິດທິຜົນເປີດກວ້າງ ຕະຫລາດຫມາຍຄວາມວ່າຄຽງຄູ່ກັບຂະຫນາດການຄ້າໄດ້ເປີດກວ້າງອອກນັ້ນຈະເຣັດໃຫ້ການຜະລິດແລະການຈໍລະຈອນຫຍາຍກວ້າງອອກ,ແລະພາໃຫ້ຂະແຫນງການຕ່າງໆເຕົ້າໂຮມກັນ;ປະສິດທິຜົນຊຸກຍູ້ການແກ່ງແຍ່ງຫມາຍຄວາມວ່າຄຽງຄູ່ກັບຕະຫລາດທີ່ເປັນເອກະພາບກັນພາຍໃນເຂດໄດ້ຈໍ່ຕົວຂຶ້ນນັ້ນ, ຈະຊຸກຍູ້ໃຫ້ຂະແຫນງການຜູກຂາດຢູ່ພາຍໃນເຂດແກ່ງແຍ່ງກັນ, ແລ້ວຍົກສະມັດຕະພາບການຜະລິດໃຫ້ສູງຂຶ້ນ.
ເວົ້າສຳລັບສະມາຊິກ FTA ແລ້ວ, ປະດທິຜົນສ້າງການຄ້າ ປະສິດທິຜົນເປີດກວ້າງຕະຫລາດແລະປະດທິຜົນຊຸກຍູ້ການແກ່ງແຍ່ງຈະສ້າງຜົນສະທ້ອນທາງບວກຫລາຍຢ່າງ,ແຕ່ປະສິດທິຜົນຫັນຍ້າຍການຄ້າກໍ່ອາດຈະສ້າງຜົນສະທ້ອນທາງລົບ,ສາເຫດແມ່ນຍ້ອນວ່າຜະລິດຕະພັນທີ່ມີປະສິດທິພາບຕ່ຳຢູ່ພາຍໃນເຂດອາດຈະເຂົ້າແທນຜະລິດຕະພັນທີ່ມີປະສິດທິພາບສູງຂອງປະເທດທີ່ບໍ່ແມ່ນສະມາຊິກ.ເວົ້າໂດຍທົ່ວໄປແລ້ວ, ຕ້ອງຜ່ານຈາກການດຶງດູດສະມາຊິກທີ່ມີປະສິດທິພາບສູງແລະເປີດກວ້າງຂອບເຂດປົກຫຸ້ມຂອງເຂດຈິ່ງສາມາດປ້ອງກັນບໍ່ໃຫ້ເກີດຜົນສະທ້ອນທາງລົບນີ້ໄດ້.
FTA ກໍ່ຈະເກີດມີບົດບາດອັນຕັ້ງຫນ້າຕໍ່ການດຶງດູດການລົງທຶນໂດຍກົງ. ຫນຶ່ງແມ່ນຍ້ອນວ່າໃຕ້ກໍລະນີສ່ວນຫລາຍສັນຍາ FTA ໄດ້ລວມທັງເນື້ອໃນຊຸກຍູ້ການລົງທຶນເຊິ່ງກັນແລະກັນ, ມີຜົນດີຕໍ່ການຈໍລະຈອນຂອງປັດໄຈທຶນຮອນພາຍໃນເຂດ;ສອງ ສັງເກດຈາກການພົວພັນລະຫວ່າງການຄ້າກັບການລົງທຶນແລ້ວເຫັນວ່າ, ຄຽງຄູ່ກັບປະສິດທິຜົນເປີດກວ້າງການຄ້າໄດ້ພົ້ນເດັ່ນອອກ, ການເຄື່ອນໄຫວລົງທຶນຂ້າມແດນກໍ່ຈະເພີ່ມຂຶ້ນ;ສາມແມ່ນຍ້ອນຕົ້ນທຶນການຈໍລະຈອນສິນຄ້າຂ້າມແດນຢູ່ພາຍໃນເຂດຫລຸດຫນ້ອຍລົງ, ຜະລິດຕະພັນທີ່ວິສາຫະກິດຢູ່ນອກເຂດລົງທຶນຜະລິດຢູ່ໃນເຂດນັ້ນມີຜົນດີຕໍ່ການເຂົ້າສູ່ຕະຫລາດທົ່ວເຂດ.ໃນເວລາດົນນານມານີ້, ເຂດອ້ອມຂ້າງໄດ້ກາຍເປັນແຫລ່ງສຳຄັນອັນຫນຶ່ງທີ່ຈີນດຶງດູດການລົງທຶນໂດຍກົງ,ຍ້ອນເງຶ່ອນໄຂຊັບພະຍາກອນແລະປັດໄຈຕ່າງໆບໍ່ຄືກັນ, ລັກສະ ນະຕາບຈູນທາງເສດຖະກິດລະຫວ່າງຈີນກັບປະເທດແລະເຂດແຄວ້ນເຫລົ່ານີ້ຈະຊົງຕົວຢູ່ຢ່າງຍາວນານ,ໂດຍສະເພາະແມ່ນທ່າແຮງດ້ານຊັບພະຍາກອນແຮງງານຂອງຈີນຈະອຳນວຍໂອກາດຢ່າງຫລວງຫລາຍໃຫ້ທຶນຮອນແລະເຕັກນິກຂອງປະເທດອື່ນຫັນເປັນກຳລັງແກ່ງແຍ່ງແລະຜົນປະໂຫຍດຕົວຈິງ. ສະນັ້ນ, ຄຽງຄູ່ກັບການຈໍ່ຕົວເປັນ FTA, ການເຕີບໂຕຂອງການລົງທຶນລະ ຫວ່າງກັນກໍ່ຈະມີຊ່ອງຫວ່າງແລະກຳລັງບົ່ມຊ້ອນຫລາຍກວ່າເກົ່າໃນການພັດທະນາ.
|
|
|
