|
|
 |
| (GMT+08:00)
2005-03-15 14:50:35
|
 |
|
ຄວາມຫມາຍແຫ່ງການສ້າງເຂດການຄ້າເສລີຈີນອາຊຽນ(CAFTA)
cri
Author: sayvanny
ການສ້າງເຂດການຄ້າເສລີຈີນອາຊຽນຄື CAFTA ມີຄວາມຫມາຍຕັ້ງຫນ້າຄື:
1.ການສ້າງເຂດການຄ້າເສລີຈີນອາຊຽນມີຜົນດີຕໍ່ສະຖຽນລະພາບຂອງເຂດອາຊີປາຊິຟິກ
ຈີນກັບອາຊຽນຢູ່ຂັ້ນດຽວກັນຂອງເຂດອາຊີປາຊິກຟິກ, ອາຊຽນຍຶດ ໝັ້ນ ປະຕິບັດນະໂຍບາຍການຕ່າງປະເທດທີ່ດຸນດຽງກັບມະຫາປະເທດ,ສ່ວນຈີນຍຶດຫມັ້ນນະໂຍບາຍການຕ່າງປະເທດແລະເຈດຈຳນົງທີ່ຖືກຕ້ອງປອງດອງກັບປະເທດໃກ້ຄຽງທີ່ບໍ່ເປັນເຈົ້າອຳນາດຈົນເທົ່າໃດໆ,ບໍ່ສະແຫວງຫາຂອບເຂດອິດທິພົນຢູ່ພາກພື້ນຕົນເອງ,ບໍ່ແຊກແຊງວຽກງານພາຍໃນຂອງປະເທດອື່ນ,ນີ້ໄດ້ຮັບຄວາມເອົາໃຈໃສ່ແລະຮັບຮອງຈາກອາຊຽນ, ສະນັ້ນ ຈິ່ງເຮັດໃຫ້ການພົວພັນມິດຕະພາບລະຫວ່າງສອງຝ່າຍໄດ້ຂະຫຍາຍຕົວຕໍ່ໄປ.ເປັນ ອັນຈະແຈ້ງແລ້ວວ່າ, ເຂດການຄ້າເສລີຈີນອາຊຽນຈະຊຸກຍູ້ການພົວພັນເສດຖະກິດການຄ້າແລະການພົວພັນການເມືອງລະຫວ່າງຈີນກັບອາຊຽນຕື່ມອີກ, ມີຜົນດີທີ່ສຸດຕໍ່ສະຖຽນລະພາບຂອງເຂດອາຊີປາຊິຟິກ.
2.ການສ້າງເຂດການຄ້າເສລີຈີນອາຊຽນມີຜົນດີຕໍ່ການພັດທະນາເສດຖະກິດຂອງຈີນແລະບັນດາປະເທດອາຊຽນ
ຈີນກັບອາຊຽນມີຄວາມຕາບຈູນກັນຫລາຍໃນການພົວພັນເສດຖະກິດການຄ້າ,ມີແຕ່ສອງຝ່າຍຮັກສາການພົວພັນມິດຕະພາບແລະການຮ່ວມມືກັນເທົ່ານັ້ນ,ຄວາມຕາບຈູນກັນແບບນີ້ຈິ່ງສາມາດໄດ້ຮັບການເສີມຂະຫຍາຍເປັນຢ່າງດີ, ແລ້ວເພີ່ມພະລັງຊີວິດເຂົ້າໃນເສດຖະກິດຂອງສອງຝ່າຍ. ຈີນກັບອາຊຽນສ້າງເຂດການຄ້າເສລີ, ສາມາດຫລຸດການແກ່ງແຍ່ງກັນໃນຕະຫລາດທຶນສາກົນແລະຕະຫລາດສິນຄ້າສາກົນ.ສະນັ້ນ, ການສ້າງເຂດການຄ້າເສລີບໍ່ພຽງແຕ່ມີຜົນດີຕໍ່ສະຖຽນລະພາບແລະການພັດທະນາຂອງອາຊີປາຊິຟິກກໍ່ຄືຂອງໂລກທໍ່ນັ້ນ, ຫາກຍັງຈະຍົກຖານະຂອງຈີນແລະອາຊຽນໃນເສດຖະກິດໂລກອີກດ້ວຍ.
3. ການສ້າງເຂດການຄ້າເສລີຈີນອາຊຽນມີຜົນດີຕໍ່ຂະບວນວິວັດການ ຮ່ວມມືກັນຂອງອາຊີຕາເວັນອອກ, ກາຍເປັນປັດໄຈທີ່ມີຜົນດີຕໍ່ການເລັ່ງລັດຫັນເສດຖະກິດອາຊີຕາເວັນອອກເປັນເອກະພົບດຽວ
ເວົ້າໃນດ້ານຕັ້ງຫນ້າແລ້ວເຫັນວ່າ, ເຂດການຄ້າເສລີຈີນອາຊຽນອາດຈະເກີດມີຜົນສັກສິດໃນສາມດ້ານຄື:ຫນຶ່ງ ຈີນກັບອາຊຽນສ້າງເຂດການຄ້າເສລີພາຍໃນຂອບເຂດກວ້າງ, ແລ້ວດຶງດູດປະເທດອື່ນເຂົ້າຮ່ວມ;ສອງ ສົ່ງເສີມປະເທດອື່ນໆນຳໃຊ້ບາດກ້າວທີ່ຕັ້ງຫນ້າກວ່າເກົ່າເລັ່ງລັດສ້າງເຂດການຄ້າເສລີກັບອາຊຽນ;ສາມ ຊຸກຍູ້ບາດກ້າວສ້າງເຂດການຄ້າເສລີຢູ່ທົ່ວເຂດອາຊີຕາເວັນອອກ,ເພື່ອສົ່ງເສີມຜູ່ແທນອາຊີຕາເວັນອອກທຳການຕົກລົງສ້າງເຂດການຄ້າເສລີອາຊີຕາເວັນອອກ,ວາງແຜນການປະຕິບັດແລະເລີ່ມປະຕິ ບັດໂດຍໄວ.ເມື່ອເປັນແນວນີ້, ຈີນກັບອາຊຽນສ້າງເຂດການຄ້າເສລີກໍ່ຈະມີບົດບາດອັນຕັ້ງຫນ້າທີ່ສຸດຕໍ່ການຮ່ວມມືແລະການຫັນເປັນເອກະພົບດຽວຂອງທົ່ວເຂດອາຊີຕາເວັນອອກ.
|
|
|
