|
|
 |
| (GMT+08:00)
2005-03-15 22:49:52
|
 |
|
ຟ້າແມບທີ່ປະຫຼາດ
cri
Author: da
ໃນວົງທຳມະຊາດ,ຟ້າແມບເປັນຮູບຫມາກບານ,ຟ້າແມບພວງໄຂ່ມຸກແລະຟ້າແມບສີດຳລ້ວນແຕ່ບໍ່ຄ່ອຍເຫັນ.
ຟ້າແມບຮູບຫມາກບານແມ່ນຫມາຍເຖິງສິ່ງທີ່ເປັນຮູບກົມເປັ່ງສີຕ່າງໆ,ສ່ວນຫຼາຍເປັນສີແດງຫຼືສີແສດ ເອີ້ນກັນວ່າຫມາກບານໄຟ,ໃນເວລາແສງຟ້າແມບປະກອບເປັນຮູບຫມາກບານຢູ່ເທິງທ້ອງຟ້ານັ້ນ,ເສັ້ນຜ່າກາງຂອງມັນອາດຈະຮອດຫຼາຍສິບແມັດ,ໃນເວລາມັນຫຍັບເຂົ້າໃກ້ຫນ້າດິນນັ້ນ,ເສັ້ນຜ່າກາງຂອງມັນຈະຄ່ອຍໆນ້ອຍລົງ,ສີຂອງມັນກໍມີການປ່ຽນແປງ,ເສັ້ນທາງຂອງແສງຟ້າແມບຮູບຫມາກບານກິ້ງໄປນັ້ນບໍ່ເປັນລະບຽບທີ່ສຸດ,ໃນເວລາມັນເລື່ອນລອຍມາໃກ້,ຈະໄດ້ຍິນສຽງຈິດໆທີ່ຫນ້າອັດສະຈັນຊະນິດຫນຶ່ງ,ແຕ່ຄົນເຮົາອາດຈະຍັງບໍ່ທັນຫຼົບຫຼີກມັນເທື່ອ,ມັນກໍໄດ້ເລື່ອນລອຍອ້ອມໄປເບົ່າໆ,ແລະເຕັ້ນດ່ອງໆໄປທາງຫນ້າແລ້ວ,ຍ້ອນວ່າ,ແສງຟ້າແມບຮູບຫມາກບານຊ້າກວ່າແສງຟ້າແມບທຳມະດາ,ສີກໍສົດກວ່າແລະປ່ຽນແປງຫຼາຍກວ່າ,ສະນັ້ນ,ຄົນເຮົາມັກຫຼົງວ່າແມ່ນຈານບິນ UFO .
ສິ່ງທີ່ເປັນຕາເອົາໃຈໃສ່ນັ້ນແມ່ນແສງຟ້າແມບຮູບຫມາກບານເບິ່ງງາມ,ແຕ່ກໍມີລັກສະນະທຳລາຍຢ່າງຮ້າຍແຮງ,ວັນທີ 19 ສິງຫາປີ 1968 ຢູ່ແຂວງຫູນານຂອງຈີນເຄີຍປະກົດມີຟ້າແມບເປັນຮູບຫມາກບານເທື່ອຫນຶ່ງ,ຟ້າແມບໄດ້ຜ່າເສົາເຮືອນຫລັງຫນຶ່ງ,ໃນທັນໃດນັ້ນ,ຫມາກບານໄຟສີແດງທີ່ໃຫຍ່ສ່ຳປາກຖ້ວຍແລ່ນທົ່ວທີບຢູ່ໃນຫ້ອງດອກໄຟຟົ້ງໄປທົ່ວທີບ,ຜູ່ທີ່ແຕະຕ້ອງຖືກມັນກໍຈົນລົ້ມລົງ.ຫລັງຈາກຫມາກບານໄຟລະເບີດຢູ່ທ້ອງຟ້າແລ້ວ,ຈະມີອາຍທີ່ມີຜົນຮ້າຍທີ່ສຸດຕໍ່ຮ່າງກາຍຄົນເປັນກ້ອນໃຫຍ່,ສະນັ້ນຜົນຮ້າຍຂອງມັນກໍມີລັກສະນະສີຊ່ອນອັນແນ່ນອນ.
ຟ້າແມບເປັນພວງໄຂ່ມຸກຄ້າຍຄືກັບພວງໄຂ່ມຸກທີ່ມີແສງແວວວາວພວງຫນຶ່ງຢ່ອນຈາກປອນເມກລົງສູ່ຫນ້າດິນ,ທັງຄືກັບຍິງສັນຍານໄຟເປັນພວງຈາກເທິງຟ້າລົງສູ່ຫນ້າດິນ.
ວັນທີ 8 ພຶດສະພາປີ 1916 ຢູ່ທ້ອງຟ້າເທິງຫໍລະຄັງຫຼັງຫນຶ່ງໃນເມືອງ ແດຼສເດັນແຫ່ງເຢຍລະມັນເຄີຍມີຟ້າແມບເປັນພວງໄຂ່ມຸກເທື່ອຫນຶ່ງ,ກ່ອນອື່ນ,ຄົນທັງຫຼາຍໄດ້ເຫັນແສງຟ້າແມບທຳມະດາມາບລົງມາຈາກປອນເມກ,ແລ້ວຍິງຖືກຫໍລະຄັງ, ຈາກນັ້ນ,ຄົນທັງຫຼາຍໄດ້ເຫັນຊ່ອງທາງຟ້າແມບຄ່ອຍໆມືດໄປແລະບໍ່ສະຫມ່ຳສະເຫມີກັນ,ເຮັດໃຫ້ຄົນຮູ້ສຶກວ່າມັນກາຍເປັນຈຸດຮຸ່ງເປັນຈຸດໆເບິ່ງຄ້າຍຄືໄຂ່ມຸກຢ່ອນລົງມາຈາກປອນເມກ,ຄົນທັງຫຼາຍກະວ່າໄຂ່ມຸກຮຸ່ງແຈ້ງມີ 32 ເມັດ,ເມັດຫນຶ່ງມີເສັ້ນຜ່າກາງ 5 ແມັດ,ຕໍ່ຈາກນັ້ນ,ໄຂ່ມຸກຮຸ່ງຄ່ອຍໆນ້ອຍລົງ,ຍິ່ງກົມແລະດຳເຂົ້າ,ໃນທີ່ສຸດຫັບຫາຍໄປຫມົດ,ກ່ຽວກັບມູນເຫດຂອງຟ້າແມບຮູບຫມາກບານແລະຟ້າແມບເປັນພວງໄຂ່ມຸກ.ປັດຈຸບັນ,ວົງການວິທະຍາສາດກໍຍັງບໍ່ມີທິດສະດີຄັກແນ່ເທື່ອ.
ກ່ຽວກັບແສງຟ້າແມບສີດຳ,ຄົນທັງຫຼາຍອາດຈະບໍ່ເຂົ້າໃຈ.ທຳມະດາແລ້ວ,ຟ້າແມບຕ້ອງມີແສງ,ຟ້າແມບທີ່ບໍ່ມີແສງນັ້ນແມ່ນເປັນໄປບໍ່ໄດ້ຍິ່ງບໍ່ອາດຈະມີຟ້າແມບສີດຳ.
ແຕ່ວ່າເມື່ອນັກວິທະຍາສາດໄດ້ສັງເກດແລະຄົ້ນຄວ້າເປັນເວລາດົນນານແລ້ວຢັ້ງຢືນວ່າ,ຟ້າແມບສີດຳນັ້ນມີແທ້,ວັນທີ 23 ມິຖຸນາ ປີ 1974 ທ່ານຊີເລີນົຝ ນັກດາລາສາດອະດີດສະຫະພາບໂຊວຽດກໍເຄີຍເຫັນຟ້າແມບສີດຳເທື່ອຫນຶ່ງ,ທຳອິດແມ່ນຟ້າແມບເປັນຫມາກບານຢ່າງຮຸນແຮງ,ຕໍ່ມາ,ມີສິ່ງດຳເປັນປຸ້ມບິນມາ,ຄືກ້ອນວັດຖຸທີ່ເປັນຫມອກຂຸ້ນໆ,ນີ້ກໍແມ່ນຟ້າແມບສີດຳ.
ເມື່ອສັງເກດແລ້ວເຫັນວ່າ,ທຳມະດາແລ້ວ,ຟ້າແມບສີດຳບໍ່ປະກົດຕົວຢູ່ໃກ້ຫນ້າດິນ,ແຕ່ຖ້າມັນປະກົດຕົວແລ້ວ,ມັກຕົກຢູ່ມໍ່ຕົ້ນໄມ້ເສົາກະໂດງ,ເຮືອນຊານແລະສິ່ງໂລຫະ,ເບິ່ງຄືສິ່ງເປິເປື້ອນເປັນປຸ້ມ,ຍ້ອນວ່າຮູບນອກ ສີແລະບ່ອນທີ່ຟ້າແມບສີດຳເກີດຂຶ້ນຄົນທັງຫຼາຍບໍ່ສູ້ເອົາໃຈໃສ່ກະຕົວຂອງມັນພະລັງງານແຮງຫຼາຍ,ສະນັ້ນ, ມັນແມ່ນຟ້າແມບຊະນິດທີ່ອັນຕະລາຍຫຼາຍແລະເປັນຜົນຮ້າຍຂ້ອນຂ້າງແຮງ, ຍ້ອນວ່າບໍລິມາດຂອງຟ້າແມບສີດຳນ້ອຍ,ລາດາຈັບຍາກ ແລະມັນພັດມັກໂລຫະ,ສະນັ້ນຖ້າຍົນທີ່ພວມບິນຢູ່ໄປພໍ້ມັນ,ຜົນສຸດທ້າຍແມ່ນຄາດຄະເນຍາກ,ຢູ່ຫນ້າດິນ,ມັນມັກຖືກຄົນເຂົ້າໃຈວ່າແມ່ນໂຕຫຼືສິ່ງອື່ນໆ,ຖ້າເອົາສິ່ງໃດສິ່ງຫນຶ່ງໄປຍິງໃສ່ມັນ,ມັນຈະລະເບີດໃນທັນທີ ນອກນີ້,ເຄື່ອງກັນຟ້າຜ່າທຳມະດາບໍ່ມີຜົນຫຍັງຕໍ່ຟ້າແມບສີດຳ,ສະນັ້ນ,ຈຶ່ງຕ້ອງລະວັງທີ່ສຸດ.
|
|
|
