|
ຈີນກຳປູເຈຍມີມິດຕະພາບທີ່ມີມູນເຊື້ອມາແຕ່ດົນນານ.ວັນທີ 19 ກໍລະກົດປີ 1958 ສອງປະເທດໄດ້ສ້າງສາຍສຳພັນທາງການທູດຢ່າງເປັນທາງການ.ຕັ້ງແຕ່ຊຸມປີ 90 ສະຕະວັດທີ 20 ເປັນຕົ້ນມາ, ການພົວ ພັນລະຫວ່າງຈີນກັບກຳປູເຈຍໄດ້ເຂົ້າສູ່ໄລຍະຂະຫຍາຍຕົວໃຫມ່.ມິດຕະພາບແລະການຮ່ວມມືລະຫວ່າງສອງຝ່າຍໃນຂົງເຂດການເມືອງ ເສດຖະກິດ ວັດ ທະນະທຳ ການສຶກສາແລະການທະຫານເປັນຕົ້ນໄດ້ຮັບການເພີ່ມທະວີຂຶ້ນຢ່າງບໍ່ຢຸດຢັ້ງ,ໄດ້ຮັກສາການປະສານງານແລະຮ່ວມມືກັນເປັນຢ່າງດີໃນບັນ ຫາສາກົນແລະພາກພື້ນ.ເດືອນພະຈິກປີ 2000, ທ່ານຈ່ຽງເຈີມິນ ປະ ທານປະເທດຈີນໃນຄາວນັ້ນໄດ້ຢ້ຽມຢາມກຳປູເຈຍທາງລັດຖະກິດ, ຜູ່ນຳສອງປະເທດໄດ້ກ້າວເຖິງຂັ້ນມີຄວາມຮັບຮູ້ຄືກັນຢ່າງກວ້າງຂວາງກ່ຽວກັບການພົວ ພັນສອງຕໍ່ສອງແລະບັນຫາທີ່ສົນໃຈນຳກັນ,ສອງຝ່າຍໄດ້ເຊັນຖະແຫລງ ການຮ່ວມລະຫວ່າງຈີນກຳປູເຈຍກ່ຽວກັບການຮ່ວມມືສອງຕໍ່ສອງ.
ວັນທີ 20 ເມສາປີ 2004, ຢູ່ປັກກິ່ງ ທ່ານເວິນເຈ່ຍປາວ ນາຍົກລັດ ຖະມົນຕີຈີນໄດ້ພົບປະເຈລະຈາກັບທ່ານຮຸນແຊນ ນາຍົກລັດຖະມົນຕີກຳປູເຈຍ,ສອງຝ່າຍໄດ້ແລກປ່ຽນຄວາມເຫັນກ່ຽວກັບການພົວພັນລະຫວ່າງຈີນກຳ ປູເຈຍແລະບັນຫາທີ່ສົນໃຈນຳກັນ. ທ່ານເວິນເຈ່ຍປາວເວົ້າວ່າ, ຈີນກຳປູເຈຍແມ່ນປະເທດໃກ້ຄຽງດີແລະຫມູ່ເພື່ອນດີທີ່ຕ່າງໄວ້ເນື້ອເຊື່ອໃຈກັນ.ໃນຫລາຍປີມານີ້, ການພົວພັນລະຫວ່າງຈີນກຳປູເຈຍສາມາດຂະຫຍາຍຕົວຢ່າງຫມັ້ນ ທ່ຽງນັນ,ແມ່ນຍ້ອນວ່າສອງປະເທດຕ່າງເຊື່ອໃຈກັນທາງການເມືອງ, ຮ່ວມມືກັນຕ່າງຝ່າຍຕ່າງມີຜົນປະໂຫຍດດ້ານເສດຖະກິດ, ໃນວຽກງານສາກົນ, ສອງຝ່າຍລ້ວນແຕ່ທຸ່ມເຫື່ອເທແຮງເຂົ້າໃນສັນຕິພາບ ສະຖຽນລະພາບແລະການພັດທະນາ.ໃນສະຕະວັດໃຫມ່, ການເປັນບ້ານໃກ້ເຮືອນຄຽງທີ່ໄວ້ເນື້ອເຊື່ອໃຈກັນ ຮ່ວມມືກັນຕ່າງຝ່າຍຕ່າງມີຜົນປະໂຫຍດແລະພ້ອມກັນພັດທະນາແມ່ນທິດຂະຫຍາຍການພົວພັນລະຫວ່າງຈີນກຳປູເຈຍ,ລັດຖະບານຈີນຈະຕັ້ງຫນ້າຊຸກຍູ້ການພົວພັນສອງຕໍ່ສອງຂະ ຫຍາຍໄປສູ່ລວງເລິກແລະລວງກວ້າງຢ່າງຮອບດ້ານ.
ສະນັ້ນ ຝ່າຍຈີນໄດ້ມີຂໍ້ສະເຫນີດັ່ງນີ້ຄື ຫນຶ່ງ:ຮັກສາການໄປມາຫາສູ່ກັນຊັ້ນສູງຢ່າງແຫນ້ນແຟ້ນ, ປັບປຸງພື້ນຖານການພົວພັນການເມືອງລະ ຫວ່າງສອງປະເທດຕື່ມອີກ;ສອງ:ບຸກເບີກຂົງເຂດໃຫມ່ແຫ່ງການຮ່ວມມືເສດຖະກິດການຄ້າ, ດຳເນີນການຮ່ວມມືດ້ວຍຫລາຍຮູບການໃນດ້ານການກໍ່ ສ້າງພື້ນຖານໂຄງລ່າງ ໂທລະຄົມ ກະສິກຳແລະການບຸກເບີກຊັບພະຍາກອນເປັນຕົ້ນ;ສາມ: ເປີດກວ້າງການໄປມາຫາສູ່ກັນໃນທຸກຂົງເຂດ, ເຮັດໃຫ້ການແລກປ່ຽນລະຫວ່າງສອງປະເທດໃນດ້ານວັດທະນະທຳ ການສຶກສາ ການກິ ລາແລະການທ່ອງທ່ຽວເປັນຕົ້ນໄດ້ມີການຄືບຫນ້າໃຫມ່; ສີ: ເພີ່ມທະວີການຮ່ວມມືໃນພາກພື້ນ, ເພີ່ມທະວີການປະສານງານແລະຮ່ວມມືກັນລະ ຫວ່າງສອງປະເທດໃນດ້ານສ້າງເຂດການຄ້າເສລີອາຊຽນແລະການພັດທະ ນາອະນຸພາກພື້ນແມ່ນ້ຳຂອງ.
ທ່ານຮຸນແຊນເວົ້າວ່າ, ກຳປູເຈຍໄດ້ຖືຈີນເປັນຫມູ່ຄູ່ຍຸດທະສາດຍາວນານ, ການຂະຫຍາຍການຮ່ວມມືກັບຈີນແມ່ນທິດສຳຄັນແຫ່ງນະໂຍບາຍຕໍ່ຕ່າງປະເທດຂອງກຳປູເຈຍ. ກຳປູເຈຍຕີລາຄາໃນລະດັບສູງແລະຂອບອົກຂອບໃຈນຳຈີນທີ່ໄດ້ໃຫ້ການຊ່ອຍເຫລືອອັນປະເສີດແລະບໍ່ເຫັນແກ່ຕົວແກ່ກຳປູເຈຍໃນຫລາຍປີມານີ້. ກຳປູເຈຍຈະສືບຕໍ່ສະຫນັບສະຫນູນຈີນໃນບັນ ຫາສຳຄັນຕ່າງໆທີ່ກ່ຽວພັນເຖິງອະທິປະໄຕແລະສິດປະໂຫຍດຂອງຈີນ. ທ່ານຮຸນແຊນກ່າວລື້ມວ່າ, ການຍຶດຫມັ້ນນະໂຍບາຍປະເທດຈີນດຽວແມ່ນເຈົ້າຊີວິດສີຫະນຸຊົງກຳນົດໄວ້, ໃນຖານະເປັນຜູ່ສືບທອດອັນເດັດດ່ຽວຂອງນະໂຍບາຍດັ່ງກາວ, ລັດຖະບານກຳປູເຈຍຈະຢືນຢູ່ຝ່າຍຈີນຢ່າງບໍ່ມີການສະຫງວນໄວ້ຈັກເມັດ.
ວັນທີ 2 ກັນຍາປີ 2004 ຢູ່ປັກກິ່ງ ທ່ານເວິນເຈ່ຍປາວ ນາຍົກລັດຖະ ມົນຕີຈີນແລະທ່ານນາງອູອີ ຮອງນາຍົກລັດຖະມົນຕີຈີນໄດ້ແຍກອອກພົບປະທ່ານຮຸນແຊນ ນາຍົກລັດຖະມົນຕີກຳປູເຈຍທີ່ມາຮ່ວມກອງປະຊຸມສາກົນຂອງພັກການເມືອງອາຊີແລະຢ້ຽມຢາມຈີນ.
ວັນທີ 18 ຕຸລາປີ 2004,ຢູ່ປັກກິ່ງ, ທ່ານຫູຈີນທາວ ປະທານປະເທດຈີນໄດ້ພົບປະສົມເດັດນະໂລດົມ.ສີຫະໂມນີ ເຈົ້າຊີວິດອົງໃຫມ່ຂອງກຳປູເຈຍ. ທ່ານຫູຈີນທາວໄດ້ອວຍພອນໃຫ້ສົມເດັດສີຫະໂມນີທີ່ໄດ້ສືບລາດຊະບັນລັງ, ແລະອວຍພອນກຳປູເຈຍຈົ່ງໄດ້ຮັບຜົນງານໃຫມ່ເລື້ອຍໆໃຕ້ການນຳພາຂອງສົມເດັດສີຫະໂມນີ.ສົມເດັດສີຫະໂມນີຊົງກ່າວວ່າ, "ຈີນແມ່ນເພື່ອນຜູ່ຍິ່ງໃຫຍ່ຂອງກຳປູເຈຍ,ໃນຫລາຍປີມານີ້, ຈີນໄດ້ໃຫ້ການສະຫນັບສະຫນູນແລະຊ່ອຍເຫລືອແກ່ກຳປູເຈຍຢ່າງຫລວງຫລາຍ.ກຳປູເຈຍຈະຍຶດຫມັ້ນນະໂຍບາຍມີມິດຕະພາບຕໍ່ຈີນ,ຍຶດຫມັ້ນຫລັກການປະເທດຈີນດຽວຈົນເທົ່າໃດໆ, ຂ້າພະ ບາດຈະທຳຄວາມພະຍາຍາມຈົນສຸດຄວາມສາມາດສືບຕໍ່ປັບປຸງແລະຂະ ຫຍາຍມິດຕະພາບລະຫວ່າງກຳປູເຈຍກັບຈີນ, ເຮັດໃຫ້ການພົວພັນລະຫວ່າງສອງປະເທດຮັບຫມາກຜົນອຸດົມສົມບູນກວ່າເກົ່າ."
|
