|
ໃນຫລາຍປີມານີ້, ການພົວພັນເສດຖະກິດການຄ້າລະຫວ່າງຈີນກຳປູເຈຍໄດ້ຂະຫຍາຍຕົວຂ້ອນຂ້າງໄວ,ຂົງເຂດການຮ່ວມມືກໍ່ເປີດກວ້າງອອກເລື້ອຍໆ.ແຕ່ປີ 1992 ຫາປີ 2002, ຈີນກັບກຳປູເຈຍໄດ້ເຊັນສັນຍາໃນດ້ານ ການຮ່ວມມືເສດຖະກິດການຄ້າດັ່ງລຸ່ມນີ້:《ສັນຍາຮ່ວມມືເສດຖະກິດ ເຕັກ ນິກ》ທີ່ເຊັນກັນເມື່ອເດືອນກັນຍາປີ 1992,《ສັນຍາຮ່ວມມືເສດຖະກິດເຕັກ ນິກກຳປູເຈຍ》ທີ່ເຊັນກັນເມື່ອເດືອນມັງກອນປີ 1994,《ສັນຍາຮ່ວມມືເສດ ຖະກິດເຕັກນິກ ຈີນກຳປູເຈຍ》ທີ່ເຊັນກັນເມື່ອເດືອນພະຈິກປີ 1995,《ສັນຍາການຄ້າຈີນກຳປູເຈຍ》ທີ່ເຊັນກັນເມື່ອເດືອນກໍລະກົດປີ 1996,《ສັນຍາກ່ຽວກັບການຊຸກຍູ້ແລະປົກປັກຮັກສາການລົງທຶນລະຫວ່າງຈີນກຳປູເຈຍ》ທີ່ເຊັນກັນເມື່ອເດືອນກໍລະກົດປີ 1996,《ສັນຍາຮ່ວມມືເສດຖະກິດເຕັກນິກລະ ຫວ່າງຈີນກຳປູເຈຍແລະສັນຍາກ່ຽວກັບລັດຖະບານຈີນໃຫ້ເງິນກູ້ບູລິມະສິດແກ່ລັດຖະບານກຳປູເຈຍ》ທີ່ເຊັນກັນເມື່ອເດືອນກຸມພາປີ 1999,《ສັນຍາຮ່ວມມືການທ່ອງທ່ຽວຈີນກຳປູເຈຍ》ທີ່ເຊັນກັນເມື່ອເດືອນກຸມພາປີ 1999,《ຄຳຖະແຫລງການຮ່ວມກ່ຽວກັບການຮ່ວມມືສອງຕໍ່ສອງລະຫວ່າງຈີນກຳປູເຈຍ》ທີ່ເຊັນກັນເມື່ອເດືອນພະຈິກປີ 2000,《ສັນຍາກ່ຽວກັບຈີນກຳປູເຈຍສ້າງຕັ້ງ ຄະນະກຳມະການຮ່ວມມືເສດຖະກິດການຄ້າ》ທີ່ເຊັນກັນເມື່ອເດືອນພະຈິກປີ 2000,《ສັນຍາການຮ່ວມມືເສດຖະກິດເຕັກນິກຈີນກຳປູເຈຍ》ທີ່ເຊັນກັນເມື່ອເດືອນພະຈິກປີ 2000,《ບົດບັນທຶກຊ່ອຍຈຳກ່ຽວກັບການຮ່ວມມືດ້ານກະສິກຳລະຫວ່າງຈີນກຳປູເຈຍ》ທີ່ເຊັນກັນເມື່ອເດືອນພະຈິກປີ 2000.ປີ 2000, ໄດ້ສ້າງຕັ້ງຄະນະກຳມະການຮ່ວມມືເສດຖະກິດການຄ້າລະຫວ່າງສອງປະເທດ.
ປີ 2002, ຍອດມູນຄ່າການຄ້າລະຫວ່າງຈີນກຳປູເຈຍບັນລຸເຖິງ 270 ລ້ານໂດລາສະຫະລັດ, ເພີ່ມຂຶ້ນຫລາຍກວ່າໄລຍະດຽວກັນຂອງປີ 2001 15%.ຈີນໄດ້ສົ່ງອອກສິ່ງປັ່ນທໍເຫລັກກ້າ ເຄື່ອງໄຟຟ້າ ໂທຫະທັງຫ້າ ກົນຈັກແລະວັດສະດຸກໍ່ສ້າງແລະສິນຄ້າອື່ນໆໃຫ້ກຳປູເຈຍ;ແລ້ວຕົ້ນຕໍໄດ້ນຳເຂົ້າ ຢ່າງພາລາໄມ້ອັດ ໄມ້ແປ້ນແລະເຟີນີເຈີເປັນຕົ້ນຈາກກຳປູເຈຍ.
ນັບມາຮອດເດືອນມິຖຸນາປີ 2002, ວິສາຫະກິດຈີນໄດ້ລົງທຶນສ້າງ 100 ກວ່າໂຄງການຢູ່ກຳປູເຈຍ, ມູນຄ່າການລົງທຶນໃນຂໍ້ຜູກພັນບັນລຸເຖິງປະມານ 300 ລ້ານໂດລາສະຫະລັດ, ເປັນທີສີ່ໃນການລຽນລຳດັບການລົງທຶນຢູ່ກຳປູເຈຍ. ຂົງເຂດການລົງທຶນຕົ້ນຕໍມີ:ການສ້າງສາພື້ນຖານໂຄງລ່າງ ການພັດທະນາກະສິກຳ ການຕັດຫຍິບເຄື່ອງນຸ່ງແລະສ້າງໂຮງຫມໍເປັນຕົ້ນ.
ເພື່ອຊ່ອຍເຫລືອການສ້າງສາກຳປູເຈຍຄືນໃຫມ່ຫລັງສົງຄາມ, ຈີນໄດ້ໃຫ້ການຊ່ອຍເຫລືອດ້ານເສດຖະກິດໃນຈຳນວນຫນຶ່ງແກ່ກຳປູເຈຍ.
|
