|
ກອງປະຊຸມ 10 ບວກ 1 ເທື່ອລະຫວ່າງຜູ່ນຳອາຊຽນກັບຈີນໃນ 5 ປີມານີ້,ເຮັດໃຫ້ການພັວພັນມິດຕະພາບໂດຍສະເພາະແມ່ນການຮ່ວມມືເສດຖະກິດການຄ້າເຊິ່ງກັນແລະກັນກ້າວເຂົ້າສູ່ໄລຍະໃຫມ່,ຈີນກັບອາຊຽນໄດ້ສຳເລັດສາມຂັ້ນຕອນໃນການສ້າງເຂດການຄ້າເສລີແລ້ວ.
ເດືອນພະຈິກ ປີ 2000,ໃນກອງປະຊຸມຜູ່ນຳອາຊຽນຈີນຄັ້ງທີ 4 ທີ່ໄຂຂຶ້ນຢູ່ສິງກະໂປ,ທ່ານຈູຢົງຈີ ນາຍົກລັດຖະມົນຕີຈີນໃນຄາວນັ້ນໄດ້ສະເຫນີໃຫ້ເພີ່ມທະວີການພົວພັນການຄ້າ ແລະການລົງທຶນ ສ້າງການພົວພັນການຄ້າແບບເສລີ.ທັງນີ້ໄດ້ຮັບການຕອບສະຫນອງຢ່າງຕັ້ງຫນ້າຈາກປະເທດອາຊີອາຄະເນສ່ວນຫຼາຍ.
ຫຼັງຈາກນັ້ນ,ໄດ້ສ້າງຕັ້ງຫນ່ວຍຜູ່ຊ່ຽວຊານເລີ່ມຄົ້ນຄວ້າຄວາມອາດເປັນໄປໄດ້,ຜົນການຄົ້ນຄວ້າສະແດງໃຫ້ເຫັນວ່າ,ພາຍຫລັງເຂດການຄ້າເສລີຈີນ ອາຊຽນສ້າງຂຶ້ນແລ້ວ,ສິນຄ້າທີ່ຈີນອາຊຽນສົ່ງເຂົ້າຕະຫຼາດຂອງຝ່າຍກົງກັນຂ້າມນັ້ນລ້ວນແຕ່ຈະເພີ່ມຂຶ້ນປະມານ 50%,ການສ້າງເຂດການຄ້າເສລີຈະໄດ້ຮັບນຳເອົາຜົນປະໂຫຍດໃຫ້ທັງສອງຝ່າຍ.
ເດືອນພະຈິກ ປີ 2001,ໃນກອງປະຊຸມຜູ່ນຳຈີນອາຊຽນຄັ້ງທີ 5 ທີ່ໄຂຂຶ້ນຢູ່ບຼູໄນ,ຈີນກັບອາຊຽນໄດ້ມີຮັບຮູ້ຄືກັນທີ່ສຳຄັນຄື:ຮ່ວມກັນສ້າງເຂດການຄ້າເສລີທີ່ມີ ຕະຫຼາດໃຫຍ່ມີຜູ່ບໍລິໂພກເຖິງ 1 ຕື້ 800 ລ້ານຄົນ.ນັບຕັ້ງແຕ່ມີຄວາມຮັບຮູ້ຄືກັນມານີ້,ການພົວພັນມິດຕະພາບໂດຍສະເພາະແມ່ນການຮ່ວມມືເສດຖະກິດການຄ້າລະຫວ່າງຈີນກັບອາຊຽນໄດ້ກ້າວເຂົ້າສູ່ທາງດ່ວນ,ຄະນະສຳຫຼວດການຄ້າເປັນງວດໆໄດ້ໄປຢາມປະເທດຝ່າຍກົງກັນຂ້າມຢ່າງຕໍ່ເນື່ອງກັນ,ພະຍາຍາມຍາດແຍ່ງໃຫ້ໄດ້ໂອກາດດີ,ສະມາຄົມການຄ້າທີ່ຊຸກຍູ້ການຮ່ວມມືເສດຖະກິດການຄ້າໄດ້ສ້າງຕັ້ງຂຶ້ນຕາມໆກັນ,ທະຍອຍກັນກ່າຍຂົວສຳພັນ,ຈັດງານສຳມະນາ ຈັດເວທີປາໄສແລະງານສັງສັນຕ່າງໆ,ປຶກສາຫາລືການຮ່ວມມືກັນ,ຂໍ້ຜູກພັນການຄ້າແລະ ສັນຍາລົງທຶນຕໍ່ເນື່ອງກັນເພື່ອໄດ້ທ່າແຮງສ້າງຜົນກຳໄລ,ແວບໄຊເຂດການຄ້າ ເສລີຈີນອາຊຽນກໍໄຂເປັນທາງການແລ້ວ.
ເດືອນພະຈິກປີ 2002,ໃນກອງປະຊຸມຜູ່ນຳອາຊຽນຈີນຄັ້ງທີ 6 ທີ່ໄຂຂຶ້ນຢູ່ກຳປູເຈຍ,ມີຜູ່ນຳ 11 ປະເທດໃຊ້ປາກກາລົງລາຍເຊັນໃນເອກະສານສຳຄັນກ່ຽວກັບເຂດການຄ້າເສລີ,ສັນຍາໂຄງຮ່າງຮ່ວມມືເສດຖະກິດຮອບດ້ານໄດ້ສ້າງພື້ນຖານໃຫ້ແກ່ການສ້າງເຂດການຄ້າເສລີຈີນອາຊຽນຢ່າງເປັນທາງການແຕ່ນັ້ນມາກໍໄດ້ເລີ່ມສ້າງ.ອົງກອນເສດຖະກິດໃຫຍ່ທີ 3 ໃນໂລກ.
ເດືອນຕຸລາ ປີ 2003,ໃນກອງປະຊຸມຜູ່ນຳອາຊຽນຈີນຄັ້ງທີ 7 ທີ່ໄຂຂຶ້ນຢູ່ອິນໂດເນເຊຍ, ຈີນໄດ້ເຂົ້າຮ່ວມສົນທິສັນຍາຮ່ວມມືມິດຕະພາບອາຊີອາຄະເນ,ແລະໄດ້ເຊັນຄຳຖະແຫຼງການຮ່ວມສ້າງການພົວພັນຄູ່ຍຸດທະສາດທີ່ອວ່າຍຫນ້າໄປສູ່ສັນຕິພາບແລະຄວາມຈະເລີ່ນຮຸ່ງເຮືອງກັບອາຊຽນ,ການສ້າງເຂດການຄ້າເສລີຈີນອາຊຽນໄດ້ ມີສິ່ງຄ້ຳປະກັນທາງການເມືອງອີກ,ການພົວພັນຈີນອາຊຽນໄດ້ເຂົ້າສູ່ໄລຍະໃຫມ່ທີ່ພັດທະນາຢ່າງວ່ອງໄວແລະຮອບດ້ານ.
|
