|
ຄຽງຄູ່ກັບການຂະຫຍາຍຕົວຂອງວິທະຍາສາດເຕັກນິກຍອດຢ້ຽມໃຫມ່,ທ່ານອາດຮູ້ແລ້ວວ່າ,ດຽວນີ້,ມີອາວຸດແບບໃຫມ່ປະດິດອອກຢ່າງຫຼວງຫຼາຍ,ອາວຸດທີ່ປະດິດໃຫມ່ນັ້ນ,ນັບມື້ນັບທັນສະໄຫມ ແລະມີອານຸພາບນັບມື້ນັບແຮງກ້າ,ມັນສາມາດຂ້າຄົນໄດ້ຫຼາຍຂຶ້ນຊັກໄຊ້,ໃນສົງຄາມຕໍ່ໄປພາຍຫນ້າ,ທະຫານອອກໄປເລວເສິກ ກໍຈະບໍ່ນຸ່ງຊຸດທຳມະດາຄືແຕ່ກ່ອນອີກແລ້ວ,ເພື່ອປ້ອງກັນຄວາມສາມາດສັງຫານຂອງອາວຸດແບບໃຫມ່,ໃນຂະນະທີ່ປະດິດອາວຸດແບບໃຫມ່ອອກມາໃຊ້ຢ່າງເນື່ອງນິດນັ້ນ,ກໍມີຊຸດທະຫານແບບໃຫມ່ຖືກປະດິດອອກໃຊ້ຕາມໆກັນ,ເມື່ອເປັນແນວນັ້ນ,ຊຸດທະຫານສຳລັບນຸ່ງເລວເສິກໃນສົງຄາມຕໍ່ໄປເມືອຫນ້ານັ້ນຈະເປັນແນວໃດ,ເພື່ອປະດັບຄວາມຮູ້ທາງດ້ານນີ້ໃຫ້ແກ່ທ່ານ,ເຮົາຈິ່ງຂໍສະເຫນີຊຸດທະຫານໃນສັດຕະວັດທີ 21
ຊຸດເລວເສິກທີ່ກອງທັບອາເມລິກາວາງແຜນໃນສັດຕະວັດທີ 21 ແມ່ນອອກແບບຕາມຫລັກມູນຫຼາຍຊັ້ນຊ້ອນກັນ,ຄືເອົາວັດຖຸດິບຫຼາຍຢ່າງທີ່ມີລັກສະນະປ້ອງກັນຕ່າງກັນເຊັ່ນສຳລັບປ້ອງກັນລູກສອນໄຟນຳວິຖີ,ປ້ອງກັນເຄມີ,ປ້ອງກັນການຄວບຄຸມສິ່ງແວດລ້ອມແລະອື່ນໆ,ເຊັ່ນຢູ່ຊັ້ນໃນສຸດແມ່ນວັດຖຸທີ່ກັນນ້ຳໄດ້ແຕ່ພັດອາກາດລ່ວງໄດ້,ນອກຈາກມີຄຸນລັກສະນະປ້ອງກັນເຄມີແລ້ວ,ຍັງສາມາດລະບາຍຄວາມຮ້ອນໃນຕົນໂຕທະຫານໄດ້ຢ່າງບັງເກີດຜົນນຳອີກ,ຊັ້ນກາງຂອງຊຸດທະຫານແມ່ນວັດຖຸກັນລູກປືນແລະກັນລູກສອນໄຟນຳວິຖີໄດ້ບາງສ່ວນ,ຊັ້ນນອກສຸດຂອງຊຸດປ້ອງກັນແມ່ນວັດຖຸທີ່ຮຽກວ່າໂນແມັກສ໌ ສາມາດກັນໄຟໄຫມ້ ຖ້າຕ້ອງການກັນລູກສອນໄຟນຳວິຖີໃຫ້ໄດ້ຫຼາຍເປັນພິເສດ,ກໍນຸ່ງເສື້ອກັກກົນລູກປືນທີ່ເຮັດດ້ວຍວັດຖຸເຄັຟເລີຫຼາຍຊັ້ນອີກໂຕຫນຶ່ງ.ຊຸດປ້ອງກັນດັ່ງກ່າວ,ເວົ້າກວມລວມແລ້ວ,ແມ່ນສາມາດກັນໄຟໄຫມ້ ກັນແສງມາບຂອງລະເບີດນິວເຄຼຍ,ແສງແລເຊີ ຢາເຄມີແລະສະກັດລູກປືນໃຫຍ່.
ໃນບາໂລຂອງທະຫານຍັງມີເຄື່ອງປັບອາກາດຂະຫນາດຈິ໋ວຊຸດຫນຶ່ງ,ເຄື່ອງປັບອາກາດນີ້ແມ່ນຕໍ່ກັບຊັ້ນໃນຂອງຊຸດປ້ອງກັນ,ໃນຍາມຮ້ອນກໍສົ່ງອາຍເຢັນເຂົ້າໄດ້ຍາມຫນາວກໍ່ສົ່ງອາຍອຸ່ນເຂົ້າໄດ້,ຈົນກວ່າໃນເວລາໄປພົບການບຸກລູກດ້ວຍອາວຸດເຄມີນັ້ນ ເຄື່ອງປັບອາກາດດັ່ງກ່າວຍັງສາມາດກອງອາກາດທີ່ມີທາດເບື່ອນັ້ນໄດ້,ເພື່ອບໍ່ໃຫ້ທະຫານຖືກອາວຸດເຄມີທຳລາຍ,ໃນຫມວກເຫຼັກຍັງມີຫນ້າກາກສຳລັບປ້ອງກັນໃນເວລາຖືກບຸກໂຈມຕີດ້ວຍອາວຸດເຄມີ,ມີແຕ່ດຶງເອົາຫນ້າກາກລົງມາຕໍ່ໃສ່ ຄໍເສື້ອຊຸດປ້ອງກັນທໍ່ນັ້ນ,ກໍຈະກາຍເປັນຊຸດປ້ອງກັນອາວຸດເຄມີຢ່າງຄົບຖ້ວນບໍລິບູນ ເມື່ອດຶງຫນ້າກາກປ້ອງກັນອາວຸດເຄມີລົງມາແລ້ວ,ມີໂກຼນ້ອຍໃນຫມວກເຫຼັກກໍຂະຫຍາຍສຽງໄດ້ເອງ.ໄດ້ຍິນສຽງຊັດເຈນພາຍໃນປະມານ 20 ແມັດ,ໃນເວລາຖືອາວຸດເຄມີບຸກໂຈມຕີນັ້ນ,ຍັງສາມາດຮັກສາການສື່ສານກັບຜູ້ບັນຊາການໄດ້ຢ່າງບັງເກີດຜົນ.
ະຊວງປ້ອງກັນປະເທດຂອງອາເມລິກາແມ່ນໄດ້ພັດທະນາຊຸດລົບໃຫມ່ຢ່າງບໍ່ເສຍດາຍເຫື່ອແຮງ,ສື່ມວນຊົນຂອງອາເມລິກາເວົ້າຢອກກັນວ່າ,ໃນສັດຕະວັດທີ 21 ເຂົາເຈົ້າໄດ້ວາງແຜນໃຫ້ເປັນພຶດຕິກຳສູ້ລົບເທິງບົກຂອງວິທະຍາສາດເຕັກນິກສົງຄາມຫມູ່ດາວ.ເຄື່ອງປະກອບໃນຫມວກເຫຼັກຮຸ້ນທຳອິດທີ່ວາງແຜນໃນສັດຕະວັດທີ 21 ແມ່ນຄ້າຍຄືກັນທີ່ສຸດກັບຫມວກຂອງນັກລົບອະວະກາດໃນຮູບເງົາ.
ປະຈຸບັນ,ໂຮງງານຂອງອາເມລິກາໄດ້ເລີ່ມແກ່ງແຍ່ງຄົ້ນຄວ້າອອກແບບຊຸດລົບສັດຕະວັດທີ 21 ຮຸ່ນທີສອງແລ້ວ,ຄາດວ່າ,ເມື່ອຮອດປີ 1998 ກໍຈະເຫັນແບບຕົວຈິງທີ່ຈະວາງອອກແລະເລີ່ມຜະລິດໂລດ.
ໃນດ້ານການຄົ້ນຄວ້າຊຸດສີແຊນກາຍນັ້ນ,ອາເມລິກາໄດ້ແຕ່ງອອກສອງແບບທີ່ເຫັນດີກັນແລ້ວຄື:ຢ່າງຫນຶ່ງແມ່ນສີຈີ່ປອມທີ່ປ່ຽນສີໄດ້,ຢ່າງຫນຶ່ງອີກເອີ້ນວ່າເສື້ອເລືອມກາຍ ຊຸດຈີ່ປອມແມ່ນໃສ່ສີຍ້ອມເຄມີພິເສດຊະນິດຫນຶ່ງ ສາມາດປ່ຽນເປັນສີຕ່າງໆໄດ້ຕາມແສງສະຫວ່າງທີ່ແຈ້ງມືດຕ່າງກັນ.ເຊັ່ນ ໃນເວລາແສງແດດອ່ອນຫຼືແດດສ່ອງບໍ່ເຖິງ ສີແຊມກາຍດັ່ງກ່າວກໍຈະເປັນສີມືດ,ແຕ່ໃນເວລາຢູ່ບ່ອນແຈ້ງຈ່າງປ່າງນັ້ນ,ສີເສື້ອກໍຈະກາຍເປັນສີແຈ້ງ.
ຊຸດເລືອມກາຍແມ່ນອອກແບບຕາມທິດສະດີຊຳລະສັນຍານຈັກຂຸວິນຍານຫລັກມູນຂອງມັນແມ່ນເຮັດໃຫ້ຜູ່ເບິ່ງຜິດ,ໃນເວລາເບິ່ງຊຸດສີແຊມກາຍດັ່ງກ່າວແລ້ວ,ຈະພາໃຫ້ຮູ້ສຶກເຫັນວ່າມັນປົນເປກັບສິ່ງແວດລ້ອມ.ສະນັ້ນ,ຖ້າທະຫານທີ່ລີ້ຊ່ອນບໍ່ເຫນັງຕີງຈັກບາດ ກໍຈະເບິ່ງບໍ່ອອກວ່າມີຄົນ,ທຳມະດາ ຊຸດສີແຊມກາຍ ຫຼືຊຸດລວງຕາຮຸ່ນໃຫມ່ນັ້ນຍັງຈະມີສະມັດຖະພາບປ້ອງກັນການສືບແທກຂອງແສງແອງຟາລູຢ໌ລຸ່ມສີແດງອີກ.
|
