|
ຕາມຂ່າວ CRI ກອງປະຊຸມສົນທະນາລະຫວ່າງບັນດາຝ່າຍປາເລັສຕີນໄດ້ຈັດຂຶ້ນຢູ່ເລີແກໃນວັນທີ 15 ມີນາ.ນີ້ແມ່ນກອງປະຊຸມສົນທະນາຄັ້ງທຳອິດທີ່ບັນດາຝ່າຍປາເລັສຕີນຈັດຂຶ້ນແຕ່ອຳນາດການປົກຄອງປາເລັສຕີນປົກຄອງຕົນເອງຂ້າມຜ່ານຢ່າງຫມັ້ນທ່ຽງເມື່ອເດືອນມັງກອນປີນີ້ເປັນຕົ້ນມາ.ບຸກຄົນວິເຄາະຊີ້ອອກວ່າ ກອງປະຊຸມເທື່ອນີ້ແມ່ນຈັດຂຶ້ນພາຍໃຕ້ສະຖານະການຕາເວັນອອກກາງເກີດການປ່ຽນແປງຢ່າງເລິກເຊິ່ງ,ຈະຊ່ອຍໃຫ້ພາຍໃນປາເລັສຕີນຮັກສາຄວາມສາມັກຄີກັນ ເປີດກວ້າງຄວາມຮັບຮູ້ທີ່ຄືກັນ ກຳໂອກາດແລະຕ້ານກັບການທ້າທາຍ
ໃນກອງປະຊຸມເປີດເຜີຍທີ່ຈັດຂຶ້ນໃນວັນທີ 15 ມີນາ ທ່ານອັບບາສ ປະທານອົງການອຳນາດແຫ່ງຊາດປາເລັສຕີນຊີ້ອອກວ່າ ໃນຫຼາຍອາທິດທີ່ຜ່ານມາ ສັນຍາຢຸດຍິງຕໍ່ອິສລາແອນທີ່ອົງການອຳນາດແຫ່ງຊາດປາເລັສຕີນກັບບັນດາຝ່າຍປາເລັສຕີນ ເຊັນກັນໄດ້ຮັບຜົນສຳຄັນ ແລ້ວການເຄື່ອນໄຫວທຳລາຍແລະການຮຸກຮານຂອງອິສລາແອນກໍໄດ້ຫຼຸດຫນ້ອຍລົງຢ່າງຫຼວງຫຼາຍ; ປະຊາຊົນປາເລັສຕິນໄດ້ລົງມືສ້າງສາບ້ານເມືອງທີ່ຖືກທຳລາຍຄືນໃຫມ່ແລ້ວ ທ່ານອັບບາສກ່າວເນັ້ນວ່າ ປາເລັສຕີນແລະອິສລາແອນຄວນພ້ອມກັນໂຄລົບຄຳຫມັ້ນສັນຍາຂອງໃຜລາວ
ທ່ານອັບບາສຍັງຮຽກຮ້ອງໃຫ້ບັນດາຝ່າຍປາເລັສຕີນຊອກຫາຈຸດຮ່ວມບົນພື້ນຖານໂຄລົບກັນ,ຈັດການສົນທະນາລະຫວ່າງຊົນເຜົ່າເພື່ອໃຫ້ມີຄວາມເຫັນ ເປັນເອກະສັນກັນກ່ຽວກັບບັນຫາທັງຫມົດແລະສ້າງກົນໄກປະຕິບັດງານແລະຕິດຕາມ
ແຕ່ວ່າ ໃນບັນຫາຢຸດຍິງ ຖະແຫຼງການອັນແຂງຄໍ່ຂອງທ່ານຊາລອນ ນາຍົກລັດຖະມົນຕີອິສລາແອນທີ່ປະກາດກ່ອນຫນ້ານີ້ໄດ້ເຮັດໃຫ້ກອງປະຊຸມສົນທະນາເທື່ອນີ້ປົກຄຸມໄປດ້ວຍເງົາມືດ.ໃນຖະແຫຼງການ ທ່ານຊາລອນໄດ້ປະຕິເສດຄວາມຄາດຄຶດຂອງຝ່າຍປາເລັສຕີນກ່ຽວກັບປາເລັສຕີນອິສລາແອນເຊັນສັນຍາຢຸດຍິງກັນ.ທ່ານຊາລອນຍັງກ່າວຢ່າງຈະແຈ້ງວ່າ ຄັດຄ້ານທ່ານອັບບາສຈັດການສົນທະນາກັນກັບອົງການຈັດຕັ້ງຫົວຮຸນແຮງປາເລັສຕີນ ແລະເຕືອນໃຫ້ທ່ານອັບບາສໃຊ້ພາຫະນະອັນແຂງຄໍ່ ຍຸບອົງການຈັດຕັ້ງຫົວຮຸນແຮງປາເລັສຕີນເຊັ່ນອົງການຮາມັສເປັນຕົ້ນທີ່ຖືກອິສລາແອນຖືເປັນອົງການກໍ່ການຮ້າຍ ໂດຍແນໃສ່ຫຼັກຫມັ້ນອັນແຂງຄໍ່ຂອງທ່ານຊາລອນ ທ່ານຊາອາສ໌ ຮອງນາຍົກລັດຖະມົນຕີ ລັດຖະມົນຕີກະຊວງຖະແຫຼງຂ່າວຂອງລັດຖະບານປາເລັສຕີນປົກຄອງຕົນເອງໄດ້ອອກຖະແຫຼງການ ຕິຕຽນທ່ານຊາລອນທຳລາຍສະພາບຢຸດຍິງລະຫວ່າງປາເລັສຕີນກັບອິສລາແອນ. ຜູ່ຕາງຫນ້າຂອງອົງການຮາມັສທີ່ຮ່ວມກອງປະຊຸມກ່າວວ່າ ບັນດາຝ່າຍທີ່ເຂົ້າຮ່ວມກອງປະຊຸມສົນທະນາທີ່ເລີແກບໍ່ອາດຈະກ້າວເຖິງຂັ້ນມີຫຼັກຫມັ້ນເປັນເອກະສັນກັນກ່ຽວກັບການຢຸດຍິງກັບອິສລາແອນເປັນເວລາດົນນານ ທະແນມແຕ່ຝ່າຍອິສລາແອນບໍ່ປ່ອຍຕົວຊາວປາເລັສຕີນທັງຫມົດທີ່ຖືກກັກຂັງ ບໍ່ຢຸດຕິການລ່ວງລ້ຳເຂົ້າເຂດປາເລັສຕີນປົກຄອງຕົນເອງແລ້ວ ອົງການຮາມັສກໍມີແຕ່ເຫັນດີແກ່ຍາວສະຖານະການອັນສະຫງົບລົງຢ່າງມີເງື່ອນໄຂ
ໃນບັນຫາກ່ຽວກັບການຈັດວາງການເມືອງຂອງພາຍໃນປາເລັສຕີນ ໃນມື້ດຽວກັນ ທ່ານອາກາ ຜູ່ຕາງຫນ້າອົງການອານຟາຕາທີ່ຮ່ວມປະຊຸມກ່າວວ່າ ໃນກອງປະຊຸມສົນທະນາເທື່ອນີ້ ອົງການອານຟາຕາຈະສະເຫນີໃຫ້ບັນດາຝ່າຍປາເລັສຕີນວາງແຜນການອົງການຊົ່ວຄາວໃຫ້ບັນດາຝ່າຍປາເລັສຕີນເຂົ້າຮ່ວມແລະປຶກສາຫາລືການເມືອງບົນພື້ນຖານເຂົ້າຮ່ວມການເລືອກຕັ້ງຂອງຄະນະກຳມະການນິຕິບັນຍັດປາເລັສຕີນ
ພ້ອມກັນນັ້ນ ທ່ານນາຈານ ກຳມະການກົມການເມືອງອົງການຮາມັສ ຜູ່ຕາງຫນ້າທີ່ຮ່ວມກອງປະຊຸມກ່າວວ່າ ອົງການຮາມັສມີແຕ່ເຂົ້າຮ່ວມການເລືອກຕັ້ງຂອງຄະນະກຳມະການນິຕິບັນຍັດປາເລັສຕີນທໍ່ນັ້ນ ແຕ່ບໍ່ເຂົ້າຮ່ວມລັດຖະບານປາເລັສຕີນປົກຄອງຕົນເອງໃນສະເພາະຫນ້ານີ້.ທ່ານກ່າວວ່າ ອົງການຮາມັສເຂົ້າຮ່ວມການເລືອກຕັ້ງຂອງຄະນະກຳມະການນິຕິບັນຍັດບໍ່ແມ່ນເພື່ອແບ່ງປັນອຳນາດ ແຕ່ຫາກແມ່ນເພື່ອຕິດຕາມກວດກາລັດຖະບານປາເລັສຕີນປົກຄອງຕົນເອງໃຊ້ສິດອຳນາດ
|
