|
|
 |
| (GMT+08:00)
2005-03-16 22:54:31
|
 |
|
ຫວນຄືນການພົວພັນການເມືອງສອງຕໍ່ສອງລະຫວ່າງຈີນແລະຟິລິປິນ
cri
Author: da
ຈີນແລະຟິລິປິນແມ່ນສ້າງສາຍສຳພັນການທູດແຕ່ວັນທີ 9 ມິຖຸນາ ປີ 1975,ແຕ່ສ້າງສາຍສຳພັນການທູດມານີ້,ການພົວພັນລະຫວ່າງຈີນແລະຟິລິປິນໄດ້ພັດທະນາກວມລວມຢ່າງຫມັ້ນທ່ຽງ,ການຢ້ຽມຢາມຊັ້ນສູງແມ່ນບໍ່ຂາດສາຍ,ລັດຖະບານທັງສອງປະເທດໄດ້ສ້າງກົນໄກເຂົ້າໃຈກັນແລະການຮ່ວມມືກັນຫຼາຍຊັ້ນ,ໃນນັ້ນ,ສອງປະເທດໄດ້ສ້າງກົນໄກຫາລືທາງການທູດເມື່ອປີ 1986,ການພົວພັນມິດຕະພາບແລະການຮ່ວມມືໃນຂົງເຂດຕ່າງໆເຊັ່ນ:ເສດຖະກິດການຄ້າ ວັດທະນະທຳ ວິທະຍາສາດເຕັກນິກແລະທ່ອງທ່ຽວເປັນຕົ້ນໄດ້ຂະຫຍາຍຕົວຢ່າງບໍ່ຂາດສາຍ,ການໄປມາຫາສູ່ກັນໃນພົນລະເມືອງນັບມື້ນັບຫຼາຍຂຶ້ນ.
ເດືອນພະຈິກ ປີ 1996,ທ່ານຈຽງເຈີຫມິນ ອະດີດປະທານປະເທດຈີນໄດ້ຢ້ຽມຢາມລັດຖະກິດຟິລິປິນ,ຜູ່ນຳທັງສອງປະເທດໄດ້ເຫັນດີນຳສ້າງການພົວພັນໄວ້ເນື້ອເຊື່ອໃຈກັນແລະການຮ່ວມມືກັນໃນຖານເປັນບ້ານໃກ້ເຮືອນຄຽງທີ່ດີຕໍ່ກັນລະຫວ່າງຈີນແລະຟິລິປິນທີ່ອວ່າຍຫນ້າໄປສູ່ສັດຕະວັດທີ 21,ແລະໄດ້ບັນລຸເຖິງມີຄວາມຮູ້ແລະເຂົ້າໃຈສຳຄັນກ່ຽວກັບການໂຈະການວິວາດແລະພັດທະນາຮ່ວມກັນໃນບັນຫາທະເລໃຕ້,ພຶດສະພາ ປີ 2000,ສອງຝ່າຍໄດ້ເຊັນຖະແຫຼງການຮ່ວມກ່ຽວກັບໂຄງການການຮ່ວມມືສອງຕໍ່ສອງໃນສະຕະວັດທີ 21 .
ເດືອນພະຈິກປີ 2001,ທ່ານນາງອາໂລໂຢ ປະທານາທິບໍດີຟິລິປິນ ໄດ້ຢ້ຽມຢາມລັດຖະກິດປະເທດຈີນ,ເດືອນມິຖຸນາ ປີ 2002, ໂດຍອີງຕາມດຳລົດຂອງປະທານາທິບໍດີທ່ານນາງອາໂລໂຢຟິລິປິນຕົກລົງວັນທີ່ສ້າງສາຍສຳພັນການທູດຂອງສອງປະເທດເປັນວັນມິດຕະພາບຂອງຟິລິປິນ.
ວັນທີ 1 ກັນຍາ ປີ 2004,ທ່ານຫູເຈີນທາວ ປະທານປະເທດໄດ້ຈັດການເຈລະຈາກັບທ່ານນາງອາໂລໂຢ ປະທານາທິບໍດີຟິລິປິນທີ່ມາຢ້ຽມຢາມລັດຖະກິດຈີນ,ສອງຝ່າຍໄດ້ແລກປ່ຽນຄວາມເຫັນຢ່າງກວ້າງຂວາງກ່ຽວກັບການຊຸກຍູ້ການພົວພັນລະຫວ່າງຈີນຟິລິປິນລົງສູ່ລວງເລິກຕື່ມອີກ,ແລະບັນລຸເຖິງຄວາມຮູ້ສຳຄັນຄືກັນ.ທ່ານຫູເຈີນທາວເວົ້າວ່າຝ່າຍຈີນຍິນດີທຳຄວາມພະຍາຍາມຮ່ວມກັນກັບຝ່າຍຟິລິປິນ,ແລະຊຸກຍູ້ການພົວພັນເປັນຫມູ່ຄູ່ທີ່ໄວ້ເນື້ອເຊື່ອໃຈໃນຖານເປັນບ້ານໃກ້ເຮືອນຄຽງທີ່ດີຕໍ່ກັນລະຫວ່າງຈີນຟິລິປິນຢ່າງຮອບດ້ານ:
1, ຮັກສາການສຳຜັດຊັ້ນສູງແລະການສົນທະນາກັນແລະແລກປ່ຽນກັນທຸກຊັ້ນລະຫວ່າງສອງປະເທດ,ເພີ່ມທະວີກົນໄກຫາລືແລະຮ່ວມມືກັນລະຫວ່າງສອງລັດຖະບານແລະຂະແຫນງການຂອງສອງປະເທດ,ຮ່ວມກັນຈັດການເຄື່ອນໄຫວສະຫຼອງຈີນຟິລິປິນສ້າງສາຍສຳພັນການທູດຄົບຮອບ 30 ປີ,ສົ່ງເສີມມິດຕະພາບອັນເປັນມູນເຊື້ອລະຫວ່າງຈີນຟິລິປິນຕື່ມອີກ.
2,ຂະຫຍາຍການຮ່ວມມືເສດຖະກິດການຄ້າຂອງສອງປະເທດ,ປົວແປງອົງປະກອບການຄ້າ ຮັກສາທ່ວງທ່າທີ່ເພີ່ມທະວີການຄ້າສອງຕໍ່ສອງຢ່າງວ່ອງໄວ,ເຮັດໃຫ້ການຮ່ວມມືຂອງສອງປະເທດໃນຂົງເຂດເຕັກນິກແລະກົນໄກກະສິກຳ ແນວພັນດີເປັນຕົ້ນ,ແລະເຮັດໃຫ້ການຮ່ວມມືຂອງສອງຝ່າຍໃນຂົງເຂດຕ່າງໆເຊັ່ນ:ການກໍ່ສ້າງໂຄງຮ່າງພື້ນຖານ ພັດທະນາຊັບພະຍາກອນເປັນຕົ້ນ.
3,ເພີ່ມທະວີການແລກປ່ຽນແລະການຮ່ວມມືຂອງສອງປະເທດໃນຂົງເຂດວັດທະນະທຳ ການສຶກສາແລະການທ່ອງທ່ຽວເປັນຕົ້ນ,ເຮັດໃຫ້ກົນໄກຄວາມປອດໄພແລະການຮ່ວມມືຂອງສອງປະເທດສົມບູ,ຊຸກຍູ້ການຊ່ອຍເຫຼືອດ້ານຕຸລາການ ເພື່ອໂຈມຕີການຕ້ອງໂທດຂ້າມປະເທດຢ່າງມີປະສິດທິພາບ.
4,ຊຳລະແກ້ໄຂບັນຫາລະອຽດໃນການພົວພັນສອງຕຕໍ່ສອງ,ເປັນບ້ານໃກ້ເຮືອນຄຽງທີ່ດີຕໍ່ກັນ ເພື່ອນມິດກັນແລະຫມູ່ຄູ່ດີ.
ທ່ານອາໂລໂຢເວົ້າວ່າ,ລະຫວ່າງປະຊາຊົນຈີນຟິລິປິນມີປະຫວັດສາດການໄປມາຫາສູ່ກັນໄມຕີຈິດເປັນພັນປີ,ປະຈຸບັນນີ້,ການຮ່ວມມືຂອງສອງປະເທດໄດ້ບັນລຸເຖິງລະດັບທີ່ບໍ່ເຄີຍມີແຕ່ກ່ອນ,ຟິລິປິນເຊື່ອຫມັ້ນໃຈໃນຖານເປັນບ້ານໃກ້ເຮືອນຄຽງທີ່ດີຕໍ່ກັນ,ປະເທດຈີນແມ່ນສຳຄັນທີ່ສຸດຕໍ່ການພັດທະນາຂອງຟິລິປິນທ່ານນາງອາໂລໂຢເຫັນດີນຳຂໍ້ສະເຫນີລະອຽດຂອງທ່ານຫູເຈີນທາວຕໍ່ຊຸກຍູ້ການຂະຫຍາຍການພົວພັນຫມູ່ຄູ່ໃນຖານເປັນບ້ານໃກ້ເຮືອນຄຽງທີ່ດີຕໍ່ກັນແລະໄວ້ເນື້ອເຊື່ອໃຈກັນຂອງສອງປະເທດຢ່າງຮອບດ້ານ,ແລະຊີ້ນຳໃຫ້ຂະແຫນງການກ່ຽວຂ້ອງປະຕິບັດອັນຕັ້ງຫນ້າກັບຝ່າຍຈີນ,ກ່ຽວກັບບັນຫາໄຕ້ຫວັນ,ທ່ານນາງອາໂລໂຢເວົ້າວ່າທ່ານນາງເຂົ້າໃຈບັນຫານນີ້ມີຄວາມສຳຄັນຕໍ່ປະເທດຈີນ,ຟລິປິນເດັດດ່ຽວປະຕິບັດນະໂຍບາຍປະເທດຈີນດຽວ.
ເມື່ອເວົ້າເຖິງບັນຫາທີ່ຈີນແລະອາຊຽນສ້າງເຂດການຄ້າເສລີນັ້ນທ່ານຫູເຈີນທາງເວົ້າວ່າ,ຈີນແລະອາຊຽນສ້າງເຂດການຄ້າເສລີແມ່ນການຕົກລົງຍຸດທະສາດທີ່ສອງຝ່າຍພິຈາລະນາກວມລວມການຂະຫຍາຍການພົວພັນລະຫວ່າງຈີນແລະອາຊຽນເປັນຍາວນານ,ແມ່ນຈັດວາງທີ່ຕ່າງຝ່າຍຕ່າງມີຜົນປະໂຫຍດແລະໄດ້ໄຊຊະນະສອງດ້ານລາຍຫນຶ່ງ,ສອງຝ່າຍຫວັງວ່າທຳຄວາມພະຍາຍາມພ້ອມກັນ,ເລັ່ງລັດຂະບວນການເຈລະຈາໂດຍໄວ,ພະຍາຍາມກ້າວເຖິງຂັ້ນເປັນເອກະສານກັນໂດຍໄວ,ເລີ່ມກໍ່ສ້າງເຂດການຄ້າເສລີຕາມເວລາກຳນົດ ແລະປະກອບສ່ວນອັນຕັ້ງຫນ້າເຂົ້າໃນການຮ່ວມມືພາກພື້ນອາຊີ,ທ່ານນາງອາໂລໂຢໄດ້ເຫັນດີນຳຄວາມເຫັນຂອງທ່ານຫູເຈີນທາວ,ເຫັນວ່າຍ້ອນຄວາມພະຍາຍາມພ້ອມກັນຂອງສອງຝ່າຍ,ການເຈລະຈາທີ່ກ່ຽວຂ້ອງຈະໄດ້ຮັບການຄືບຫນ້າຢ່າງບໍ່ຢຸດຢັ້ງ.
ວັນທີ 2 ກັນຍາ ປີ 2004 ທ່ານອຸນເຈຍປາວ ນາຍົກລັດຖະມົນຕີໄດ້ພົບປະທ່ານນາງອາໂລໂຢ ປະທານາທິບໍດີຟິລິປິນ.
ວັນທີ 29 ພະຈິກ ປີ 2004, ໃນໄລຍະທີ່ເຂົ້າຮ່ວມກອງປະຊຸມສຸດຍອດອາຊຽນຢູ່ວຽງຈັນ ທ່ານອຸນເຈຍປາວ ນາຍົກລັດຖະມົນຕີຈີນໄດ້ພົບປະທ່ານນາງອາໂລໂຢ ປະທານາທິບໍດີຟິລິປິນ.
|
|
|
